كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abohour
16-10-2022 - 02:11 am
السلام عليكم
من منكم يقدر يساعدني
عندي مشكله في الحجز
وهو
عندي حجز على الخطوط السعودية
من الرياض الى جده وقت الاقلاع 19:10 والوصول عند 20:40
ومن جده الى كوالا الاقلاع 23:00
ومكتوب في موقع الخطوط عند الدخول على حجزي
( الوقت الواصل بين رحلتين من رحلاتك المحدده قصير جداً. يرجى التأكد أن لديك وقت كافٍ للصهود على متن الرحلة الواصله الأمامية)
الرجاء المساعده وجزاكم الله خير


التعليقات (8)
AL3DNI
AL3DNI
انت حجزت تذكرتين مختلفتين ؟ ولا حجزت دايركت وطلع لك رحلتين ؟
ثانيا انا شايف الوقت حلو الصراحه هم يبون ترانزيت 5 ساعات شو ؟
اتصل عليهم وقولهم شو سالفة الوقت القصير ؟

وافي بزمن جافي
وافي بزمن جافي
هلا بالغالي ...
أنصحك تتجه لأقرب مكتب لهم ... وتأخذ منهم العلم الأكيد
وأسألهم ... هل ( البوردنق ) ينقطع مرة وحدة ... أو كل رحلة لوحدها ..
إذا البوردنق ( تقطعه مره وحدة ) ... وضعك حلو وممتاز ...
لو كل رحلة لوحدها ... صدقني الوقت ضيق جدآ جدآ ...
تنتظر العفش ... وتصف طابور على كاونتر الرحلة الثانية ... راح يروح عليك الوقت والله
غير كذا : الخطوط عندهم التأخير ( زي السلام عليكم ) ... وعادي عندهم
الزبدة :
روح لمكتبهم وأستفسر منهم عن كل شيء ...
وطمنا بالله عن كل شيء ...

abohour
abohour
السلام عليكم
حجزي تذكره واحده
الذهاب الرياض جده كوالا
العوده كوالا جده الرياض
لان الداخليه عند الحجز بدون فلوس مجانيه
لاكن اقدر اقص التذاكر واسلم الشنط من الرياض واستلمهم بكوالالمبور

النهر الجاري
النهر الجاري
الحبايب ما قصروا في الافاده جزاهم الله كل خير
طالما ياغالي حجزك واحد بتذكره واحده ببوردنق واحد
فوضعك ممتاز
عندك ساعتين وعشرين دقيقه ... كافيه بالراحه ان شاء الله
لكن هم قصدهم على طول انزل من الطياره واجلس في صاله الانتظار علشان تركب الطياره الثانيه لان الوقت ما يكفيك انك تروح تتمشى او تتعشى
ومع هذا اشوف انك تتصل عليهم تلفون ( تختار الرحلات الدوليه ) وتسئلهم
عشان تطمئن اكثر ،، .
موفق

وافي بزمن جافي
وافي بزمن جافي
أنا راح أتغزل فيك يابو نايف ... كل مارديت ههه
وربي ( طلتك ) ... طلة ( ملك ) ... شعبه يحبه بجنون
مجرد مرور أسمك ... يبعث برائحة العطر ... في كل الزوايا ... فلك أعذب التحايا
وللمرة الثانية ... ياخي نزل ( الواتس ) قبل مايحجبونه ههه

وافي بزمن جافي
وافي بزمن جافي
فديته اللي أنحرج ... ههه

abohour
abohour
جزاكم الله خير
اتصلت عليهم في موظف يقولي خلص إرائتك وحقائبك من الرياض بس توصل جده دايركت تروح الصاله الدوليه
لاكن يقول مااضمن لك ممكن تفوتك
وفيه رحله من الرياض تكون بدري
لاكن تكون في مطار جده الساعه 12 الظهر وتنتظر 10 ساعات بالمطار تستنى رحلتك الدوليه):

NSR MAX
NSR MAX
للاسف في الخطوط السعودية ..
مافية شي اسمه ترانزيت من رحلة داخلية (من الرياض الى جدة ) الى رحلة دولية ..
سوف يجبرونك على الدخول الى صالة القدوم وكأنك في رحلة داخلية وتعود الى صالة المغادرون .. للرحلات الدولية ..
ووتدخل في الروتين العادي من تفتيش وشحن وطابور ختم الجوازات الى اخره ..
وبالنسبة للبوردنق اول ما تصل مطار الرياض راح يعطيك الموظف بوردق الرحلة الداخلية واخر للرحلة الدولية وهذا ما فية اشكال .. او تقدر تأخذه من اي مكتب خطوط قبل 24 ساعة من الرحلة
المشكلة في شحن العفش .. لانه في اغلب الاوقات يطلبون منك انك تشحنه على طيارة جدة ثم تستلمه وتشحنه من جديد ..
وهذا ياخذ وقت كبير جداً ..
دائما تحدث معي لكن بطريقة عكسية لاني احجز في بعض الاحيان من جدة الى كوالا مروراً بالرياض ..
وعذرهم الغبي جداً ..
انه نظام الرحلات الداخلية منفصل عن الرحلات الدولية ..
اتمنى يتحسن هذا النظام الغبي ..
لكن انت حاول انه يشحن عفشك على الرحلة الدولية من الرياض .. لانه بعض الاحيان .. الله يهديهم ويشحنونه على طول ..
وبعض الاحيان يقولك السستم ما يسمح ..


خصم يصل إلى 25%