1. 1 : ألف شكر مقدما

السلام عليكم و رحمة الله و بركاته
كيف الزكرت
و الله يا أنتم ما تقصرون مع العالم ما شاء الله عليكم .. ياخي أنتم مثل ويكيليكس خاص بالسفر ما فيه ألا قوة تسريب معلومات و وثائق وصور تحفظ حقوق المسافرين
عموما .. أشهد بالله إني كالجميع أتابع هذا المنتدى الموسوعه من زمان وإستفدت منه واجد للأمانه .. بس هالمره إضطريت أسجل لأني ما لقيت اللي أبيه < و ألا ماله نيه
و عشان ما أطول
هم كذا سؤال بخصوص ألمانيا و متأكد إني بلقى الإجابه عند واحد من الطحاطيح اللي هنا

1 : ألف شكر مقدما

2 : اللي بيطلع من برلين إلى لايبزغ على طول من المطار و لا يبي قطار و لا يبي ينتظر طياره وش يسوي ؟ فيه سيارات تودي و بكم و كم المسافه ؟
3 : كيف السواقه في ألمانيا ؟ ويقولون دركسونهم زينا و ألا مهوب صحيح ؟ و وش قصة أم الإستكر اللي لازم تحطه على القزاز فالخط بالتفصيل الممل ؟ وهل لوحات الطرق مكتوبه بالإنجليزي ؟ و هو صدق ما فيه بوردرز بين النمسا و ألمانيا ؟
4 : ياخي أنا ما أحب أروح ألا معي فلوس كآش نظام أبو بطاقات ذا ما يمشي معي .. كيف أحولها يورو و ألا أحولها دولار وأحولها هناك و ألا آخذها سعودي و أحولها هناك يورو ؟؟ شكلي بحولها مارك ألماني فالأخير
5 : بادن بادن وش بعدها عن يوروبا بارك ؟ ووش بعدها عن منشن (ميونيخ) ؟ < أحلى يا منشن
6 : كيف ألمانيا بالعربي فله ؟
و ألا نغير الوجهه
إحتراماتي للجميع