اسبانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في اسبانيا

استفسار بخصوص العفش

tefa99

06-12-2022 - 07:55 am

السلام عليكم
لوسمحتوا حابه استفسر عن العفش المسموح اني آخذه
احنا بنسافر لاسبانيا وبيكون فيه تنقلات كثيره من باص للقطارات للطيران الاقتصادي ف حابه استفسر هل كل هالوسائل يسمحون لنا بحمل الشنط الكبيره !
أو ممكن اننا نواجه صعوبه بهالخصوص!
وشكرا

التعليقات (6)

مهاجر المدينه

06-12-2022 - 11:05 am

انا جربت الطيران الاقتصادي ..
اثناء الحجز يسألني اذا كان فيه شنطه كبيره .. طبعاً كانت معنا 3 شنط كبيره ووسط وصغيره
كتبت شنطة واحده بس اللي هي الكبيره .. واخذوا مني 17 يورو .. واثناء البوردنق قالي فيه شنطه ثانيه كبيره لازم تدفع .. ودفعت 35 يورو !!
بالمختصر .. من خلال تجربتي .. الشنطه اللي تاخذينها معك بالطياره ماعليها رسوم .. واللي تنشحن ياخذون عليها رسوم ..

tefa99

06-12-2022 - 12:06 pm

شكرا لك يا اخوي
طيب وبخصوص القطارات أو الباصات اللي تنقلنا من منطقه لمنطقه؟

Mezajee_KSA

06-12-2022 - 01:07 pm

الطيران لازم تدفعون على كل شنطه تشحنونها وكل شنطه لازم وزنها 23 كيلو كحد اقصى .. ولكل شخص مسموح شنطتين وسعر الشنطه الثانيه اغلى ... وتدفعون رسومهم وقت الحجز من الموقع ....
القطار الوزن مسموح اي وزن واي كمية شنط

Mezajee_KSA

06-12-2022 - 02:08 pm

ومسموح لكم تركبون معكم باليد شنطه صغيره + شنطة لاب توب او شنطه يد نسائيه

tefa99

06-12-2022 - 03:09 pm

شكرا جميعا على الرد
استفسار آخر بخصوص العبايه والحجاب والنقاب !
أنا أعرف انه مسموح لكن هل فيه نظرات استغراب وممكن يكون فيه أذيه أو شي من هالقبيل !
وشكرا

Mezajee_KSA

06-12-2022 - 04:10 pm

لا عادي مافيه مشاكل انشالله