بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



جفين القحطاني جفين القحطاني
فندق البارك رويال.... للاسف الشديد
13-12-2014 - 12:20 pm

السلام عليكم ورحمة الله وبركاته .....

احبائي اعضاء منتدى المسافرون العرب أحببت أن انقل لكم قصتي وتجربتي السيئة مع فندق البارك رويال


اعتذر لعدم ارفاقي حالياً أي صور ولكن عندما اعود لكم مرة أخرى سوف اضع لكم صور إن شاء الله مع بعض التقارير عن الفنادق التي زرتها


بالنسبه لي حجزت 3 ليال في بينانغ في فندق الرويال بارك واخترت غرفه من نوع مطله عالمحيط على قولتهم
يجب ان تعرفوا ان هناك فرق بين الشاطئ والمحيط
الفرق بين SeaView
and
coastal View
لا اعلم ولكن عند حجز الغرفة لم يظهر لي الا باللغة العربية واخترت غرفه مطلة عالبحر الزبدة ما اطول عليكم
حجزت الغرفة وانا كنت اتوقعها افضل الغرف لديهم ولكن عندما ذهبت هناك اكتشفت ان الغرفة اللي اخترتها اسمها
Deluxe Coastal View


وترتيب الغرف لديهم كان
1- standard Hillview السعر كان 775 رنقت
2- Superior Hillview السعر كان 825 رنقت
3-Deluxe Coastal View 925 رنقت
4- Deluxe seaFacing 975 رنقت
5- Grand Deluxe seaView 1075 رنقت
and More


تخيلوا عطوني غرفه رقم 614 وطلعت غرفة بالعرض وزواية واخر شئ من جهة الشارع يعني لو كنت في مربع ويحطونك في الزواية اليسرى اللي ورا بينما اطلالتك لقدام هههههههههههه اللي فهم زين
يعني لنت اللي على الشارع اطلالتك او الحديقة يعني حاطينك مع الغرف اللي تفتح على الحديقة بس انت تفتح عالبحر من بعيد المهم يبيلك دربيل عشان تفرج على اللي عالبحر ولا تشوفهم الا بنص عين ولا فيه بلكونه ولا شئ ههههههههه بينما انا شفت ان فيه تقارير هنا ان اللي حتى عالحديقة عنده بلكونه


مالكم في الطويل


جيتهم وأول مادخلت الغرفة شافت زوجتي وزغ - او ضعراط - او سموه اللي تبون .... عاد هي قمطت العافية وقالت مافية امل انام هنا عاد انا وعدتها اني اقتله ههههههههههه المهم نزلت لهم على طول وقلت لهم ابي اسوي أب قريد للغرفة ساعدوني قالوا خلاص بنعطيك الليله ب 420 رنقت يعني 420 * 3 = 1260 رنقت ؟؟؟ قلت ليه
انا كنت ابي الغرفة اللي اسمها Grand sea View
قلت لهم الفرق عندكم في السعر بين الغرفة حقتي وغرفتكم كلها 150 رنقت
اللي هو 1075 - 925 = 150 رنقت
بعطيكم 150 * 3 ليالي = 450 رنقت


قالوا لا بنسوي لك خصم الليلة بـ 390 رنقت المهم اني رفضت لان المبلغ مبالغ فيه قلت شرط بالمبلغ هذا احجز في الهوليدي إن ليلتين الزبدة زعلت وتخانقت مانع مهم ... كلمت اجودا مشكورين بكل صراحة وحصلت لي مصري جزاه الله كل خير وقلت انا ابسوي اب قريد من عندك قال ماعندي مشكلة بس خلني اخاطب الفندق عشان اعرف عندهم الغرفة شاغرة وهل راح يرجعون لك مبلغ اول ليله لاني اصلا ماوصلت لهم الا سبع المساء لاني رحلتي كانت متأخرة .....


قال لي هم الحين مايتخاطبون معي عشان الوقت متأخر بكرة الله يعينك الليله هذي تعديها وبكرة نغير لك الغرفة قلت اوكي


شغلت المكيف وكل شئ ورحت اتمشى واستانس وقلت ماراح نجيها الا وقت النوم
يوم وصلت للغرفة بنام وادخل الا المكيف حار ..... مابرد كلمتهم وارسلوا لي عامل الصيانة ... شاف المكيف قال مافيه امل نصلحة الليله لازم بكرة الصباح عشان نستطيع نصلحة وبعدين يستغرق وقت .... قام عامل الصيانة وكلم الاستقبال ... وكلمني الاستقبال وقال تعال تحت نتفاهم ...
المهم جيتهم تحت وقالوا شف حنا الليله بنعطيك غرفة اعلى من غرفتك بس بكرة بنغير غرفتك اوكي اذا صلحنا المكيف ... قلت لهم شف حبيبي انا ماراح اغير بكرة ولاشئ حتى لو نزلت غرفتي اقل مستوى ماعندي مشكلة بس لاتقولي غير الغرفة انا جيت ارتاح مو كل يوم اتنقل انتقالي راح يكون لمرة وحدة وانتم بكيفكم لو تعطوني HillView
قالوا ليه ..... قلت هذا اللي عندي عاجبكم او صلحوا المكيف الحين .... اختاروا


المهم جلسوا يتكلمون مع بعض وقام واحد منهم وقال اوكي حنا ماعندنا الا هالغرفة ... قلت بكيفك ماتأجر لي غرفة مكيفها خربان والفندق خمس نجوم وله اسمه ... قال اوكي اجلس الثلاثة ليالي في الغرفة اللي افضل من غرفتك قلت انا اوكي بس لا تطالبوني بفلوس زيادة ولا تطالبوني بكرة بانتقالي من الغرفة ... قال اوكي


ونقلت اغراضي .... المفاجأه الصبح ازعجوني بالتلفونات من صباح الله واوراق دخلوها من تحت الباب الرجاء الرد على الهاتف وتعال للاستقبال ودقوا الباب مع اني حاط ممنوع الازعاج


المهم قمت من النوم على ازعاجهم ونزلت جيتهم الا الناس متغيرين وفيه وحدة رئيسة لهم قالت انا المديرة هنا .. قلت لها اهلا وسهلا وش تبين ... قالت لي انت في غرفة ماهي لك .... قلت ادري لان غرفتي مكيفها خربان .... قالت لازم الحين ننقلك لغرفة ثانية قلت لها مشي بوزك لو يجيني صاحب الفندق طلعت من الغرفة واللي فيه خير يدخلها ..... قالت ليه انتقلت ... عطني التفاصيل المهم قلت لها السالفه وهي تسجل وتكتب ملاحظات انا قفلت معي حسيت انها تحقق .... قالت لي خلاص وقع عالورقة هذي .... قلت لها الاخت محققة ؟؟ توكلي انا مااوقع على اوراق ... قالت لا هذي عشان بس انت تضمن حقك لان حنا بنخصم على الموظف اللي عطاك الغرفة الثانية .... قلت انا ماراح اوقع لين يجي الموظف اللي دخلني الغرفة .... ويبرر عن موقفه لانه ماحصل غرف فاضية .... عاد هي نطت وقالت لي هذي شغلتي مع الوظفين حقيني ....قلت دام انه شغلك اجل ليش داقة علي من صباح الله خير ومزعجتني وتلفونات وانا حاط الرجاء عدم الازعاج وش تبين ..... قالت انا ابي بس افهم السالفه .... قلت لها تبين تفهمين كلمي موظفينك انا لا تزعجيني


المهم راحت داخل وهي تبربر ههههههههه


طلعت وانا افكر ... المسكين بيخصمون عليه حسبي الله عليهم وش ذنبه المسكين .... من الواضح ان فيه مشاكل في الادارة عندهم لان الموظفين كل واحد يقول ماعليك من هذا يعني يتكلمون في بعض مثل حق الصيانة قال ليه انت جيت هنا تعرف ان فيه فنادق ارخص واحسن ؟؟؟


احس فيه شئ غلط عندهم .... المهم رجعت واتصلت على المصري حبيبي اللي في اجودا وقلت له سنعني ابي اطلع لو ماترجع فلوسي بس ابي افتك من وجع الراس ادري انها بترجع وبتزعجني .... قال لي اوكي انا بكلمهم الحين عشان مايحسبون عليك الا اليوم اللي نمت فيه


قال اوكي .... والحمدلله رحت للهوليدي ان بجنبه بالضبط واخذت غرفة على الشاطئ ولكنها ليست مطله على البحر لانه فل ... بسعر 660 رنقت في الشاطئ وليس في البرج اللي على جهة المدينة ... ياناس يوم دخلت الغرفة اول كلمه قلتها ... لنفسي والله اني غبي اللي اصلا قبل كذا كنت ساكن في الهوليدي ان لكن عشان سمعت ان البارك رويال شئ رهيب وانغشيت فيه


يمكن بعضكم يدافع عنه لكن والله مافي قارنه بينه وبين الهوليدي ان ... لا في النظافة ولا في الخدمة ولا في السعر ..... نصيحة اللي يبي يستمتع الهوليدي إن بدون منازع


هذي تجربتي وراح احكيلكم عن الفنادق التالية
ويستن لكناوي
الهوليدي ان
دوريست ريجنسي
والفندق الرائع
Best Western Premier Dua Sentral kuala lumpur


لكنه بعيد عن شارع العرب ولكن بالتاكسي ليس بالبعيد فقط 10 الى 15 رنقت


انا حاليا في ماليزيا في فندق دورست ريجينسي ولا انصح فيه بكل صراحة ... اللي يبي يسكن ولا يهمة الفطور مالك الا الويستن


الريجينسي قديم وزحمة واللفت يطول والادوار كثيرة والنظافة مشي حالك الله يعين


اشكر لكم سعه خواطركم ... في رعاية الله





المشاركات

Yahya123 Yahya123
فندق البارك رويال.... للاسف الشديد


يعطيك العافيه على المعلومهوانشاءالله سفره ممتعه
وترجع بالسلامه


جفين القحطاني جفين القحطاني
فندق البارك رويال.... للاسف الشديد


الله يعافيك اخوي يحيى .... والله يسلمك


جفين القحطاني جفين القحطاني
فندق البارك رويال.... للاسف الشديد


اضافة عشان يكون الموضوع يحمس لان ماشاء الله شفت المشاهدين 48 والردود 1 فقط
راح اضيف لكم المعلومة هذي هنا لاني ماقدرت اسوي موضوع جديد خلال 24 ساعة واخاف يفوتكم العرض وياليت اللي يقدر يحط موضوع في المسافرون العامة له الاجر

الان لاصحاب الايفون برنامج Sygic مجانا التحميل لجميع الدول
Sygic gps navigation : all regions لمده سبعة ايام او اقل بتحصل فيها جميع دول العام ( ماليزيا - امريكا - السعودية الي تبيه حمله وراح تكون التوجيهات الصوتية مجانا ولكن بعدين بفلوس تقريبا


هذا ماحبيت اشارككم فيه .


KDSAEED KDSAEED
فندق البارك رويال.... للاسف الشديد


الهوليدي ان ممتاز انا سكنت فيه عام 2010 وكان من اروع مايكون حتى الموقع ممتاز
يعطيك العافية


قصة حب تايلندية قصة حب تايلندية
فندق البارك رويال.... للاسف الشديد


ووووووووووواو ضاق خلقي من هالسالفه
ليش يسوون جذيه ؟؟
عاد انا حاجزة فيه بصراحة
وكنت حاجزة معاه الهوليدي ان وبسعر اعلى من البارك رويال بس لغيته
لكن عقب هالسالفة بشاور نفسي

والله يسهل


شكرا على طرح التجربة والنصيحة
براك الله فيك


قصة حب تايلندية قصة حب تايلندية
فندق البارك رويال.... للاسف الشديد


في موقع بوكينق
في برجين
الشاطي وبرج فرنجي ؟؟؟

ايهما الأفضل ؟؟؟


عيناوي قديم عيناوي قديم
فندق البارك رويال.... للاسف الشديد


بالتوفيق إن شاء الله


mo_jalhoum mo_jalhoum
فندق البارك رويال.... للاسف الشديد


قصة حب تايلنديه

الصراحه انا دخت علشان احجز بالهوليدي ان ومني فاهم


بس اخ وافي يقول الفرنجي الافضل


لان الهوليدي ان برج يقع بالشارع وفي بينهم جسر يودي للفندق الي ع الشاطئ


اتاكدي قبل تحجزي والله يوفقك يارب


AL3DNI AL3DNI
فندق البارك رويال.... للاسف الشديد


معروف الهولدى ان افضل من بارك رويال

بارك رويال الناس تذمه من زمان حتى بطلنا نشوف تقارير عنه




التاور على الشارع الثاني و لازم تستعمل جسر علشان توصل للبحر لاكن الفرنجي مقابل البحر وجربه اخوي وعجبه كثييييييييير




انتبهوا بالحجز لا تاخذوا تاور


علشان محد يقوا ما نبهنا



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

فندق البارك رويال.... للاسف الشديد