موعدي بالسفاره الأمريكيه كان يوم الأثنين 28 اوغست رحت لعم الساعه 6 ونص
لقيت قدامي عايله سعوديه واربعه شباب وبعد نص ساعه بدو الناس يجون
المهم كلنا مانجي عشرين مراجع جلسنا الى الساعه ثمان الا ربع وبعدين دخلونا
واحد واحد بعد ما اخذو الجوالات واعطونا عليها ارقام المهم انا كنت ثالث واحد يدخل
طبعا بعد ما شيكو على الأيصال اللي لازم يدفعه كل مراجع وهو 380 ريال عن طريق
بنك سامبا المهم دخلنا وجلسونا في صالة تدقيق الأوراق واعطو كل واحد رقم
بعد ما شفت رقمي جيت الشباك وكانت الموضفه جافه مره وعصبيه من غير اي سبب
وهي معروفه عند كل المراجعين بالأسلوب هذا المهم اخذت اوراقي وقالت روح للشباك
اللي بجنبي على طول رحت له شاف اوراقي واعطاني رقم وقال على المقابله
جلست انتظر وجا دوري على شباك رقم 8 وكان فيه امريكي يتكلم عربي طلبي مني
ابصم بأصابعي وسجل كل شي بالكمبيوتر وقال لي ليش اخترت الجامعه هذي بالذات
وليش تبغى التخصص هذا بالذات وهل تعرف احد في امريكا وكم صار لك متخرج من الثانوي
لما سألني عن سنة التخرج وكانت الشهاده عنده قلت قبل 6 سنوات قال لي ما درست
خلال الست سنوات قلت انا كنت موظف قطاع خاص وما كان عندي الوقت الكافي للدراسه
وبدا يسألني عن طبيعة عملي وبعد شوي ختم على جوازي برفض الفيزه :112: واخذ الورقه
اللي فيها معلوماتي وصورتي ورجع لي الباقي:112: واسودت الدنيا بوجهي حسبي الله عليك من امريكي
حطمني وما خلاني اروح للدوله اللي احلم بالدراسه فيها المهم اخذت اوراقي وطلعت على طول
الحين اخواني كيف الطريقه انا ماسكه ادرس في امريكا كيف اقدر اطلع الفيزه كيف
وابي آخذ رايكم في استراليا كيف الدراسه فيها وهل هي بنفس قوة امريكا ارجو الأفاده
اخواني الأعضاء تراني محتاج وقفتكم