كان المفروض نسافر تاريخ 3 / 8 / 2006 م
كنا جالسين نسكر الشنطة الا جاني الوالد
الا يقول لي تعالي بقولج شيئ قلت له شنو
قالي ما بنسافر اليوم
قلت له ليش عسى ما شر
قال لي في أعصار في هونج كونج ووقفوا جميع الرحلات
قلت له تمزح
معقوله
قمت أضحك وقلت شكلنا ما بنسافر
:36_11_6: :36_11_6:
أصلا ماليزيا
الله موكاتب لنا نسافر
وشوي الضحك يقلب زعل وشوي وبتدمع عيني
:36_1_44:
قلت للوالد من قالك
رد علي قالي المكتب
قمت أتصلت:36_13_1: على خطوط الكاثي باسيفيك والرقم على طول
مشغول
ما عنده غير طوط طوط
ما في أمل يرن
:112:
قمت أتصل على المكتب اللي حاجزين عليه
قالي أنه الرحلة تأجلت لبكرة لأن في أعصار في هونغ كونج وما في أمل أي طيارة تطير اليوم وأن شاء الله بكرة تسافرون
قلت الحمد الله
والصراحة كانت حالتنا تعور القلب
محد فينا مشتهي لا يضحك ولا يأكل ولا يشرب ولا ينام
:sad1:
والوقت يمر شوي شوي:36_6_4: أصلا ما كان راضي يمر ذيك الليلة
وأحنا أعيوننا على عقارب الساعة متى يمر الوقت ويجي نهار يوم ثاني
متى أصلا يجي
وقت الرحلة
ومن زود ما كنا متضايقين
قررنا وقلنا أن شاء الله بكرة أحنا أول ناس بالمطار
كانت الرحلة على الساعة 9
ورحنا المطار من الساعة 5 العصر
أول ما فتح الكونتر أحنا بوجههم
أصلا تبغون الصدق وصلنا قبل ما يفتحون الكونتر بنص ساعة قبل
وأخذنا البوردنغ حق الرحلة من البحرين
:8888:
لهونغ كونغ
أخيرا
وألتفتنا على الشاشة :36_1_25: الا تأخرت الطيارة من الساعة 9 لحد الساعة 11 بالليل
ولا ياليت بس هذا اللي صار
الكمبيوتر ما رضى يعطينا البوردنغ حق الترانزيت في هونغ كونج
لكوالالمبور
:112: :112: :112:
وهني صارت المشكلة
وأبتدى مسلسل البؤساء من قلب
يعني لا بوردنغ وتأخير بعد
من أولها تأخير يا الكاثي باسيفيك :36_1_28: وين الدقة في المواعيد
الوالد قام :m9: يبي يهدأ الوضع قال روحوا صلوا صلاة ربكم
وتعشوا :36_1_51: وتسوقوا في السوق الحرة
:36_1_24:
والحمد الله ضاع الوقت
وهذه أول صورة من مطار البحرين
وباقي الصور في حلقات البؤساء القادمة
تحياتي ريانة دهن العود

:smile002:
(( حلقة الثانية ))
من البؤساء في ماليزيا
أخيرا جات الساعة 10 ونص وأحنا بالمطار جنب البوابة ننتظر الفرج
وطبعا أغلبية اللي معانا من الشين شان شونغ
أو على قولة أختي(( أوتايا ))
يعني 20 % عرب وبالباقي (( أوتايا ))
وهذي كم صورة أخذتها من المطار قبل الأنطلاق
وطبعا الكاثي باسيفيك ما يبغيلها كلام من ناحية الخدمة:36_1_11: لا يعلى عليها
ولو أن خسارة فيهم المدح بس هذه الحقيقة
ومن ناحية الطيارة كانت ممتازة
وفيها شاشات وبرامج التسلية
وهذي كم صورة من الطيارة
وهذي صورة واحد ((أوتايا )) كان لابس النظارة :36_9_4: طول الوقت مع أن الوقت ليل وما في أصلا شمس
ورايح بسابع نومة :36_1_50:
الوقت الرحلة كان طويل 9 ساعات :36_1_5: وأحنا بالطيارة بل
ليش وين رايحين
وطبعا
بما أن الليلة اللي فاتت ما نمنا
:36_1_48:
فطبيعي أن كلنا نمنا بالطيارة
:36_1_6:
والحمد الله وصلنا مطار هونغ كونج
:36_1_33:
بالنسبة لي مطار هونغ كونج ديرة ما شاء الله مو مطار
وصلنا هناك إلا موظفة للكاثي باسيفيك
تسأل المسافرين وين وجهتكم :21:
قلنا لها كولالمبور
قالت راحت الطيارة اللي أنتوا عليها
:36_1_25:
بس في رحلة بعد شوي
المشكلة رحنا للبوابات قالوا لنا ما ندخلكم بدون البوردنج
:112: :112:
قمنا نصارخ ندري بس وين نأخذ البوردنج اللحين بتطير الطيارة
عنا
طبعا تعرفون سيارات المطار
أخذنا سيارة
:36_7_14:
ورحنا مكان البوردنغ
إلا المكان غير طبيعي
زحمة وحشرة وناس تصارخ وشوي راح يصير طق ومطاقق
:36_6_8: :36_6_7: :36_6_2:
وحتى الشينغ شانغ شون بعد يصارخون
:36_7_6:
قلنا شالسالفة يا رب شنسوي
قام الوالد :36_1_29: يصارخ وين المدير حق الكاثي باسيفيك ما أبغي أكلم أي أحد غير المدير
قام جاه المدير وقاله ايش تبغي قاله عن المشكلة قام رد عليه مشكلتك مثل هالعالم كلها أنتظر دورك
قام يصارخ الكاثي باسيفيك والكاثي باسيفيك
وعشان طبعا يحافظ على سمعتهم قام المدير
وخلص شغل أبوي وعطاه البوردنغ
:36_1_33:
أخيرا
بس قال له لازم تركضون :36_1_34: عشان تلحقون على الرحلة
قلنا له أكيد بس أنت عطنا البوردنغ
أخذنا البوردنغ وبسرعة على السيارة اللي بالمطار
:36_7_14:
وعلى فكرة كانت تأخذ على الشخص دولار واحد عشرة دولار ولا تفوتنا الطيارة طبعا
والسيارة ما يصير تدخل مكان البوابات وواصلنا مشي وهذي كم صورة في الطريق للبوابة
إلا البوابة مسكرة الموظفة قالت لنا خلاص
:36_1_10:
سكرنا البوابة ألا تقول لنا رايحين كوالالمبور
قلنا ياليت قالت بكلمهم:36_13_1: يفتحون لكم البوابة وكلمتهم
وأخيرا دخلنا الطيارة اللي متوجهة لكولالمبور
وطبعا مثل ما تعلمت من هالمنتدى
كتبت الكارتات عطيت الوالد خمس وأنا خمس يعني نص بالنص
:36_1_12:
وما وصلنا كولالمبور إلا على الساعة 8 بالليل
يعني أخر رحلة
بالله عليكم في أحد من الأعضاء وصل ماليزيا بالليل
ولا يقدر يشوف شيئ من طبيعة اللي يتكلمون عنها
:36_6_1:
هذا حال البؤساء طبعا
كنت أبغي أصور كم صورة من الطيارة قبل الهبوط
لكن هيهات
ما في غير اللمبات بوسط الظلام
وياليت بس هذا اللي صار تابعوا أيش صار في البؤساء في ماليزيا
تحياتي ريانة دهن العود

1. طبعا:36_1_22:


2. رحنا قسم المفقودات

الحلقة الثالثة
(( مفاجئات مطار كولالمبور ))
وصلنا مطار كولالمبور أخيرا
:8888:
وهذي كم صورة لمطار كولالمبور
في أحد يصور المطار بالليل
وأعذروني أول يومين من اللي صار لنا ما كان لي خلق أصور وايد
أصلا كرهت عمري من اللي صار
ركبنا القطار اللي يأخذنا لصالة القدوم
ورحنا نبغي أغراضنا
ننتظر
ننتظر
ننتظر
وين أغراضنا للحين ما جاو
وسكر السير المتحرك :36_1_25:
وما في أثر لأي شنطة من الشناط
يا ناس يا عالم
:112: :112:
وين شنطنا
8 قطع وين أخذتوهم
أصلا توقعت من دخلنا الطيارة أنهم ما دخلوا أغراضنا معنا وقلت للوالد هالكلام وأحنا داخلين الطيارة

طبعا:36_1_22:

رحنا قسم المفقودات

سألناهم قالوا ما ندري وين شناطكم اللحين وما نقدر نتأكد وين هم ألا بكرة بنسأل مطار هونغ كونج إذا موجودين عندهم ولا لأ وبما أن مطار هونغ كونج في ربشة فطبعا أحتمال أنهم غلطوا وأخذوا أغراضكم لمكان ثاني وأن شاء الله بكرة الصبح الساعة 8 ونص راح نعرف وإذا كانوا في هونغ كونج راح يوصلون بكرة على الساعة 1 ونص الظهر
يعني شنو
ما في الا بكرة الساعة 8 الصبح
:112: :112:
قلنا وشلون ننام الليلة
قالوا ما في أمل عطونا عنوانكم في ماليزيا في أي فندق جالسين وبكرة الظهر أن شاء الله راح يجيبونهم لكم
إذا موجودين في هونغ كونج
قلنا من أولها لا حول ولا قوة الا بالله
وأن شاء الله ربي يرجعهم لنا
أمرنا لله
ورحنا نأخذ تاكسي للفندق الا يقولون لنا (( نو لاقيج ما في باق ))
ما في أغراض وين أغراضكم قلنا مافي
أحنا غيرعن الناس نوصل كولالمبور خفايف
:bounce8:
:36_1_24: :36_1_21:
وأحنا نضحك
:3: :3: :3: :3:
وعليه علينا يقلون
(( شر البلية ما يضحك ))
وهذا اللي صار معنا صرنا مثل المجانين
أخذنا تاكسي فان ب150 رينجت لفندق الصن واي لاقون
طبعا في البداية قالوا لنا 170 قلنا لهم أعملوا لنا تخفيض لأن ما عندنا أغراض وأخيرا ب 150
بس قبل ما نطلع من المطار مرينا
على سيليكوم وأخذنا بطاقات جوال :36_13_1: البطاقة ب10 رينقت بس :36_1_11:
قمنا أخذنا 7 بطاقات
:36_1_13:
وأتجهنا للتاكسي
أول ما فتح باب المطار
وطلعت برة ألا أشوف الجو أبرد من عندنا ألا أقول وين الحر اللي قالوا عنه الأعضاء
صراحة أول ما وصلنا كان الجو حلو يعني ربيعي عندنا
:36_15_24:

وصلنا منطقة الفندق الصراحة المنطقة كانت روعة من قلب
مجمع وفندقين جنب بعض ما توقعتهم قراب من بعض لهدرجة
وغير الملاهي المائية والثيم بارك يعني أختيار موفق للعوائل
وصلنا الفندق الفندق كان قمة في الروعة
وأعذروني ما قدرت أصور صور كثيرة من زود العرب في هالفندق
بس
كان فيه شيئ غريب في قسم من اللوبي كان فيه مغنية وأنارة خافتة
قلت شالسافة من أولها هالسوالف
مكان الأنارة الخافتة اللي باللون الأزرق
رحنا لقسم الأستقبال
سألناهم في حجز بأسم ...........................
قامت الموظفة تطقطق:36_1_37:
تطقطق
في الكمبيوتر
تبغي يطلع لنا حجز مافي
أفا
ليش
عطيناها رقم المكتب اللي حاجزين لنا من ماليزيا
قالوا لها ما عندنا أسمهم وما في حجز
قمنا عصبنا :112:
حيل
وخلاص نسيت من الصدمة أصور الفندق عدل وأعذروني
:36_1_4: :36_1_4:
وأتصلنا على المكتب في البحرين :36_13_1:
قالوا لنا لأنكم تأخرتوا ليلة ألغينا الليلة اللي فاتتكم
وألغي الحجز
أأأأأأأوف ايش هالسالفة
:36_1_10:
(( بعد ما في حجز بالفندق ))
:36_1_4: :36_1_4:
على طول الوالد سأل الموظفة إذا في ثلاث غرف فاضية
قالت أي في بس ثنتين جنب بعض والثالثة شوي بعيد قلنا معليش
بس دخيل الله نبغي بس نرتاح
:36_1_44:
يعني تتخيلون حالتا طالعين من بيتنا بالبحرين من الساعة 5 العصر وما وصلنا ماليزيا ودخلنا الغرفة في الفندق الا الساعة 12 بالليل بتوقيت ماليزيا بعد أزيد من 24 ساعة
:36_1_48:
ولا ياليت أغراضنا معنا أغراضنا ضايعين ويعلم الله إذا راح يرجعون لنا ولا لأ
وهذي كم صورة للغرفة وأعذروني على القصور في تصوير هالفندق بس أوعدكم أن شاء الله أعوضها لكم بالفنادق الجاية ولا يهمكم
وهذي الغرفة
وهذا الحمام أعزكم الله
طبعا مثل ما تعرفون أن أحنا ولا شنطة عندنا
يعني ما عندنا ولا شيئ
والصراحة طلبنا :36_13_1: من الفندق مشط ومعجون أسنان
وأرواب الأستحمام :36_1_43:
عشان نلبسهم وننام وما قصروا الفندق يوم عرفوا بوضعنا جابوا لنا وبكميات كبيرة
وطبعا من التعب على طول نوم
:36_1_50:
يوم جلست لصلاة الفجر فتحت الستارة و صحيتهم كلهم عشان الصلاة وعشان يشوفون المنظر من الغرفة
اللي الصراحة طير النوم من عيونهم
وهم يشوفون الملاهي المائية ويقولون ما بنقدر نلعب فيها لأن ما عندنا ملابسنا
وهذه صورة لمسبح الفندق
وبعدها نزلنا على الفطور في الفندق والصدق ينقال أن الفطور كان منوع وفيه لكل الأذواق
حتى فيه قسم للأكل العربي
حمص وفول ومتبل
تفطرنا وعلى طول رحنا نتصل على المطار نشوف أيش صار على أغراضنا
قالوا لنا لا جديد
طيب والحل المفروض اليوم نروح بنينغ
قالوا لنا أنتظروا ولا تبغون تروحون بنينغ وبعدين نجيب لكم أغراضكم لكم هناك
قلنا لالالالالالالالالالالالالالالا
وألف لا
:36_1_30:
حرام عليكم لي متى راح نظل على هالحال
قالوا ما نقدر نعطيكم خبر الا الساعة 1 ونص الظهر
قلت للوالد ما في فايدة من الأنتظار في الغرفة
خل نروح ننزل الثيم بارك على الأقل ونشوف الوضع
وفعلا نزلنا ويوم وصلنا عند الكاونتر حق التذاكر تذكرت أن لنا تخفيض في التذاكر لأننا نسكن بالفندق بس نسينا نأخذهم من الأستقبال
من الربشة لأن الحجز ما كان موجود
يالله طبعا ولا رجعنا الفندق ولا شيئ وقطعنا التذاكر ودخلنا
و
وتمشينا ولعبوا التكاتيك:36_1_33: وكان الجو يومها شمس بس في هواء عليل
يهب من لحظة للثانية
والحمد الله على النعمة
وهذي الصورة من الجسر بس مو أنا اللي أخذتها لأني كنت أحاتي الشناط
وطبعا كنا نحاتي أغراضنا ونفكر فيهم وعشان هالسالفة رجعنا الفندق وما خلصنا تمشي بالثيم بارك
كلها
بس الصراحة أنبسطنا ونسينا اللي صار شوي
ولما رجعنا الفندق أتصلنا مرة ثانية
قالوا لنا أنتظروا لحد الساعة 1 ونص
قلنا زين فهمنا خلاص ما بنتصل لحد الساعة وحدة ونص
وعشان يضيع الوقت
سكرنا الستارة ونمنا :36_1_6:
لحد ما جات الساعة وحدة ونص أتصلنا الا يقول لنا الموظف بالمطار
حصلوا شناطكم في مطار كونغ كونج وأن شاء الله راح يجون في طيارة الساعة 4 ونص العصر
قلنا الحمد الله حصلوا :36_1_11: أغراضنا بس لي الساعة 4 ونص وأحنا نبغي نروح بنينغ
وجلسنا ننتظر لحد ما جات الساعة 4 ونص
جات الساعة 4 العصر وطبعا ما كان فيننا صبر نبغي نتأكد أن شناطنا وصولوا
أقترحت للوالد أن نعمل جيك أوت من الفندق
ونأخذ أغراضنا من المطار ونروح على طول بينانغ
لأن الموظف اللي بالمطار قال للوالد أن أغراضكم إذا هم راح يوصلونهم لفندقنا راح يتأخرون أزيد
وطبعا هذا اللي صار و رحنا المطار
والحمد الله ما كان في تعقيد في الموضوع لأن السايق اللي أخذناه من الفندق لحد المطار هو اللي خلص لنا أمورنا
وأستلمنا العفش أخيرا
والحمد الله أنهم وصلوا لنا بالسلامة
أخذنا من ماكدونالدز عشاء لأننا ما طلعنا من المطار الا الساعة 8 بالليل

أكلنا العشاء:36_11_15: بالطريق وهذي الصورة أخذتها بالطريق إلى بينانغ

أدري الصورة بالليل
بس حبيت أطلع فيها

وهذه كم صورة لمحطة وقفنا فيها




وهذا (( داس )) أسم السايق اللي وصلنا لبنانغ وهو هندي بس
الشهادة لله أنه قمة في الذوق ونصوح وما قصر
أخذنا من الفندق صن واي لاقون لحد المطار وخلص إجرائاتنا وبعدين أخذنا لبنانغ ومع أن الوقت متأخر ب 700 رينقت
رقم تيلفونه : 2428776 019
سيارة فان كبيرة

والصراحة أستراحاتهم غير عنا :36_1_11:
حسيت أن فشلة لو أحد منهم يجي الخليج ويشوف أستراحاتنا شلون صايرة :yuk:
وهذه صورة الحمام أعزكم الله في المحطة


وكانت فيه عاملة تنظيف
أخيرا قربنا لبنانغ والصراحة أستغربت
كثير يوم دخلنا بينانغ
لأني ما أذكر أحد من الأعضاء ذكر أن طرق بينانغ ملتوية
أو على قولتهم (( درب الحية ))
شوي يمين وشوي يسار وتدوخ الرأس
:36_1_5: :36_1_5:
وهذا الشارع الليلي قبل ما نوصل الفندق بشوي

وأخيرا وصلنا الفندق في أحد يوصل الفندق في بينانغ
الساعة 1 بالليل طبعا لالالالالالالا
بس مع البؤساء
أكيد
وأن شاء الله بكرة راح تعرفون تقييمي عن فندق باي فيو بيتش بينانغ وكل
صوري لهذا الفندق
لا تخافون هالمرة صورت كل زاوية بالفندق لأن الشنطة معي
وأنتظروا
جولات
البؤساء في بينانغ

الحلقة الرابعة
للبؤساء في ماليزيا
طبعا مثل ما تعرفون وصلنا بينانغ على الساعة 1 صباحا
خبركم بؤساء
المهم رحنا على الأستقبال وقلبنا يدق
يا ترى في حجز ولا بعد نفس المرة اللي فاتت
والوالد يقول إذا هالمرة بعد ما في حجز ما في غير الفيزا
وقلبي يدق يدق
وأخيرا في حجز هالمرة ما صرنا
بؤساء الحمد الله
وهذي صورة للوبي بالليل أول ما وصلنا
وعلى فكرة المكان ما فيه تكييف مفتوح على برة
وهذا المصعد كان في 3 مصاعد في الفندق
والصراحة مو كفاية في وقت الفطور يصير زحمة عليه
وهذا المصعد الثالث في الطريق للغرفة
المهم رحنا على طول الغرف وأخيرا الشنط هالمرة قبلنا
والحمد لله هالمرة الثلاث غرف قريبين من بعض
وكانت غرفتنا جنب المصعد بالضبط
وهذي كم صورة للغرفة
أوه أقصد مفتاح الغرفة
هذي الغرفة
والصراحة خواتي كان ودهم يطقوني
:36_6_8:
لأنهم تعبانين ويبغون ينامون وأنا
وخروا شوي بصور هالصوب
وتعالي هنا أحسن
ولا أحد يعفس شيئ قبل ما أصور للمنتدى
وهم واصلين حدهم
وأنا أضحك وأقول لهم ما تقصرون وربي يخليكم لي
وهذي الثلاجة ومحتوياتها بعد
أنطباعي عن الغرفة نظيفة بس الأثاث مش ولا بد
وأحسن ما
فيها هالشيئ تقدر تسكر وتشغل اللمبات من هنا
أستغربت فندق 4 نجوم فيه هالخدمة والله زين
وهذا الحمام أعزكم الله
تقييمي للحمام أعزكم الله 6 من 10
هو نظيف بس ما فيه شيئ من الفخامة وشكلة جديد بس بدون شطاف
وطبعا بعد هاليوم الحافل على طول
:thumb_ico
وأول ما صحيت لصلاة الفجر فتحت البلكونة وأخذت لكم هالمناظر
نسيت أقول أن غرفنا غير مطلة على البحر
والله على الجو وقتها
كان قمة في الروعة مع صوت العصافير
وهذي الجلسة بالبلكونة
طبعا بعد ما أخذت هالصور رجعت كبرت الوسادة ونمت
وما صحينا الا الساعة 9 ونص
ورحنا نتفطر في الفطور
وهذه كم صورة لمكان
الفطور أخذتها من فوق قبل ما أنزل
المكان مفتوح ومو مكيف مثل اللوبي
أنطباعي عن الفطور حلو ومنوع بس كان عصيرهم البرتقال تانج
مو طبيعي مثل باقي الفنادق
وفيه قسم للأكل العربي ويراعون جميع الأذواق
وللأسف ما قدرت أخذ لكم كم صورة من البوفيه لكثرة العرب في المكان
وهذا يجلس يجلس جنب البوفيه يتفنن في الأسامي
يعمل الأسم ب 20 رينجت مكانه جنب الفطور بالضبط عشان السياح أقصد
العرب
لأن أغلبية اللي كانوا بالفندق عرب و10 % بس الأجانب
وهذا
المسبح للأطفال
المسبح الثاني
بس الصراحة الأجانب مصخوها بلبسهم
في الطريق إلى الشاطئ
ولا الجو يومها كان رهيب مو طبيعي شوي غيم وشوي مطر
هواء قوي
شوفوا شلون الموج عالي من زود الهواء
لا تلوموني أحب البحر
وهذا مبنى الفندق وأحنا راجعين
وأحنا راجعين الفندق شفت شيئ خلاني أضحك
أول ما كنت حاطة بالي عليه بس يوم شفته قلت لازم أصوره دليل وأثبات لكلام الريم لأنها نزلت موضوع بالمنتدى تقول في كثير غربان في بينانغ
والصدق يقال أن بينانغ مليانة منهم
طبعا تمشينا في
الحديقة وصورنا كم صورة لنا
بعدها رحت على اللوبي وأخذت هالصور
وهذا قسم علوي للوبي والجلسة فيه أحلى لما يكون الهواء قوي
وهذا المسبح من فوق
أنطباعي عن الفندق ككل نظيف موقعة ممتاز ومرافقة حلوة الحديقة
والمسبح
ومن قال أنه بعيد عن السوق الليلي أصلا كانت المحلات جنبنا
والأكشاك فاتحة جنبنا على طول
بس الفندق مو ذاك الزود وكنت لما أشوف الهوليدي أن أقول
كان حجزنا فيه بس مالله كتب ولما شفت البارك رويال ما حسيته فخم من برة والصراحة أحس
فنادق الباتو فرينجي كلها نفس الحال
ولا فندق من فنادق هالمنطقة فخم
(( وهذه وجهة نظري ))
إلا الفنادق اللي وسط الديرة مثل الشيراتون
المهم طلعنا برة نبغي سيارة بعد الجولة في الفندق
نبغي نروح نشوف بينانغ
وهذه الصورة أخذتها عند باب الفندق
وأنا طايحة تصوير في هالوقت
راح الوالد وسأل الأستقبال إذا عندهم سيارة فان
يقول أحسن وأريح له قلب وعشان ما يخاف علينا
سألناهم قالوا لنا الساعة ب 50 رينجت قمت قلت لهم بس 30 قالوا
يالله عشانكم آخر كلام 40 رينجت الساعة قلت للوالد يالله نتوكل على الله
وبدأت جولتنا في بينانغ
وهذه صورة لطرق بينانق الملتوية
والمرتفعة عن سطح البحر
وهنا تخلص حلقة اليوم وأن شاء الله
أشوفكم بكرة مع حديقة التوابل والفواكة والفراشات وهضبة بينانغ
ومغامرات البؤساء في بينانغ
تحياتي ريانة دهن العود

:smile002:
الحلقة السادسة
من البؤساء في ماليزيا
والحمد الله هذا اليوم كان يوم حلو وما فيه شيئ من البؤس
وطبعا مثل ما قلت لكم أخذنا تاكسي من الفندق فان كبير وأنطلقنا
وأحنا لما بننطلق بننطلق وبننسى كل شيئ
وكان أقرب شيئ للفندق حديقة التوابل
:36_1_22:
وهذه أول صورة للحديقة
وهذا مكان قطع التذاكر :36_1_36:
وأول ما وصلنا على طول هلت تباشير الخير :rain:
الحمد الله ربي كريم
والصراحة يوم مطرت فرحنا كثير
وراحوا التكتوك والتكتوكه تحت المطر يركضون وينطون من الفرح
:36_1_33:
وأحنا تعالوا لا تلعوزون روحكم :112:
وأحنا ننتظر متى يخف المطر عشان ما يضيع الوقت:mf_depres
والحمد الله شوي شوي قام يخف
وبدأ المشوار في الغابة
الحديقة كبيرة وفيها عدة مسارات كل مسار بلون وأحنا مشينا في المسار الأحمر
وهذا المنظر عجبني وكان خاطري أركب القارب
بس أكيد ما عملت اللي بخاطري
واللحين أخليكم مع الصور
والصراحة الحديقة كبيرة وروعة بس ما شفنا فيها بهارات كثير
لأننا أصلا ما خلصناها
والسبب أن في وسط البحيرة اللي شفتوها
حيوان غريب زاحف مدري شنو هو بالضبط
بس شكلة زي التمساح بس صغير
:m12:
قام الوالد :m9: يسوي فينا مقالب
طول ما أحنا في الحديقة كان ماسك عصا
وكان يحرك الزرع وكل ما حركة لنا كنا نخاف نصرخ ونركض
وهو يضحك
:36_11_6: :36_11_6:
وساعات كان يحركة ويصرخ وصل وصل كاهو جنبكم
وأحنا نتراكض
وهو ميت من الضحك
:36_11_6: :36_11_6:
بس الصراحة الحديقة حلوة:36_1_11: وتنفع للتصوير فيها مناظر رهيبة
بس اللي قاصرها مرشد فيها
وقبل ما نطلع من الحديقة صورت لكم البهارات اللي ما شفت منهم شيئ كل من الخوف
:36_1_7:

حلقات جميلة .. مشكورة على الصور .. والله يخليلكم الوالد ..

وبعد الجولة بالغابة الأستوائية
أنتقلنا لحديقة الفراشات
وهذا المنظر العام للحديقة
واللحين تفضلوا داخل الحديقة وهذا الممر اللي تمر فيه عشان تدخل الحديقة
الممرات داخل الحديقة
وأول ما دخلت صرت أدور الفراشات دواره وهذه أول فراشة أشوفها
وأنا أقول نزلي عشان أصورك للمنتدى نزلي عيت النحيسه
مشيت شوي الا أشوف أهلي متجمعين رحت الا أشوف الفراشات حواليهم
وجلست أصور وأصور بس الفراشات كلهم يعاندوني من أجي أبغي أصورهم للمنتدى يطيرون
شوفوا كيف كنت ألحقهم :36_1_22:
عشان أصورهم
قمت عصبت حيل :112: عليهم وتركتهم وصرت أصور بالمناظر الحلوة بالحديقة
وأخليكم مع الصور
في ذمتكم مو صور المناظر أحلى من صور الفراشات النحيسات
وأحنا عند شباك التذاكر أخذت أكل للسمك والكيس كان برنجت واحد
لأني أعرف أن في سمك بالداخل والفضل لهالمنتدى الرائع :x1: :x1:
والصراحة السمك غير عنا ما شاء الله كبير
وأحنا السمك عندنا صغار وما يكبرون
وكتكوتنا عاد يموت في شيئ أسمه سمك زينة
عنده بالبيت حوض سمك صغير هو اللي يهتم فيهم
ويوم شاف السمك عندهم هناك غير
قال ليه ما يكبرون السمك اللي عندي زييهم
أنا بربيهم لي ما يصيرون هالكبر
على باله شيئ سهل
وخاطري أعرف هذا أيش جابة مع الفراشات
سمك وقلنا معليه بس
وبعدها خلصت جولتنا في حديقة الفراشات وبعدها أنتقلنا للقسم الثاني في
حديقة الحشرات
وطبعا عندي صور كثيرة بس ما أبغي أخرب تقريري بصور حشرات تخرع
وفي النهاية تمرون على متجر للهداية وللفراشات المحنطة
وهذا يقابلكم عند الخروج من الحديقة
تقييمي عن الحديقة حلوة وفيها مناظر حلوة ومسلية للأطفال
كثير والصراحة حلو تواجدك في مكان حلو مثل هالمكان وكل هالمخلوقات من حواليك
حتى أن الوالد كان في وده أنه يأخذ الطقاقة حق الحشرات
:36_1_42: :36_1_42:
ويلحق الفراشات كلهم ويذبحهم يسوي مذبحة فراشات
طبعا أبوي يمزح مو تصدقون