البؤساء في ماليزيا
:smile002:
المقدمة
في البداية كنا جالسين في غرفة الوالد :m9: الله يخليه لنا قولوا آمين
وكنا نفكر وين بنسافر السنة اللي يقول لبنان واللي يقول مصر واللي يقول لندن و أختلفنا وفي
الأخير أبوي قال أيش رأيكم في ماليزيا قلنا
ماليزيا
:rolleyes:
يالله ليش لأ خل نشوف الديرة اللي كل الناس تمدحها
وفتحت النت وصرت أدور أدور لي ما حصلت هالمنتدى الرائع
والصراحة قبل ما أعرف هالمنتدى كنت ما أحب أجلس عند جهاز الكمبيوتر وبعد ما أشتركت
في المنتدى صرت مدمنة أنترنت:36_1_37: ويبيلي علاج :36_1_38: :36_1_4:
من الأدمان
أشكر كل الأعضاء :smile001: على كل شيئ والصراحة ما قصرتوا
:x1: :x1: :x1: :x1:و
ألف ألف شكر
:smile106:
طبعا أستفدت الكثير من المنتدى وبدأت
أخطط لسفرتنا وحجزنا كل شيئ
وبعدها تعرفون اللي صار
والحمد الله على كل حال خالتي تعرضت لحادث
شنيع
وألغينا السفر طبعا
وبعد ما حسب لنا المكتب كم خسايرنا
:36_1_25: :36_1_36:
قرر الوالد أن بعد ما تتحسن حالة خالتي الصحية راح نسافر و تعرفون الأطفال ما تقبلوا فكرة ألغاء السفر
والحمد الله حصلنا حجز على تاريخ 3 / 8 / 2006 م
عدد الأشخاص 10 أشخاص
8
كبار و2 أطفال
تكاتيك أحنا نسميهم تكاتيك
التكتوك6 سنين و التكتوكة 4 سنين :icon_flow
خطوط الطيران الكاثي باسيفيك
وآآآآآآآآه من الكاثي باسيفيك
أخترتها عشان دقة المواعيد والسمعة الطيبة مع أنها تمر ترانزيت
فضلتها على غيرها قلت خل نجرب
وليتني ما أختاريتها
عدد الليالي 14 ليلة كانوا أزيد بس بعد اللي صار قصرنا المدة عشان نختصر السفرة
وطبعا تغيرت بعض الفنادق
لأن ما في حجوزات
فنادق 4 و 5 نجوم كوكتيل
(( عدد الغرف 3 ))
غرفة للوالد والوالدة الله يحفظهم لي
:m9: :mf_leia:
وغرفة فيها البنات وأنا القائدة
:gathering :8888:
وغرفة فيها أختي الكبيرة وأخوي والأطفال 2
التكاتيك
(( مخطط الرحلة ))
أول ليلتين فندق صن واي لاقون ريزورت 5 نجوم
الليلة للغرفة المزدوجة
ب 590 ريال
ثلاث ليالي فندق باي فيو بيننغ
4 نجوم
بعد ما كان حجزنا على فندق الهوليدي أن بس ما حصلنا حجز فيه هالمرة
والليلة ب 260
للغرفة السوبريور
ليلتين لنكاوي فندق بلانجي بيتش ريزروت
5 نجوم
والليلة ب 550 ريال
للغرفة المطلة على البحيرة
ليلتين فندق فيرست ورلد جنتنغ
4 نجوم
الليلة ب 260 ريال للغرفة السوبريور ورلد كلوب
أربع ليالي كولالمبور
(( فندق الريجنت ))
5 نجوم
بعد ما كان في الجي دبليو ماريوت نفس القصة ما حصلنا حجز في الماريوت
والحمد الله حصلنا في الريجنت
الليلة ب 520 ريال
تاريخ السفر 3 /8 /2006 م
بس
اللحين بتعرفون ليش صرنا البؤساء
تحياتي ريانة دهن العود
كنا جالسين نسكر الشنطة الا جاني الوالد
الا يقول لي تعالي بقولج شيئ قلت له شنو
قالي ما بنسافر اليوم
قلت له ليش عسى ما شر
قال لي في أعصار في هونج كونج ووقفوا جميع الرحلات
قلت له تمزح
معقوله
قمت أضحك وقلت شكلنا ما بنسافر
:36_11_6: :36_11_6:
أصلا ماليزيا
الله موكاتب لنا نسافر
وشوي الضحك يقلب زعل وشوي وبتدمع عيني
:36_1_44:
قلت للوالد من قالك
رد علي قالي المكتب
قمت أتصلت:36_13_1: على خطوط الكاثي باسيفيك والرقم على طول
مشغول
ما عنده غير طوط طوط
ما في أمل يرن
:112:
قمت أتصل على المكتب اللي حاجزين عليه
قالي أنه الرحلة تأجلت لبكرة لأن في أعصار في هونغ كونج وما في أمل أي طيارة تطير اليوم وأن شاء الله بكرة تسافرون
قلت الحمد الله
والصراحة كانت حالتنا تعور القلب
محد فينا مشتهي لا يضحك ولا يأكل ولا يشرب ولا ينام
:sad1:
والوقت يمر شوي شوي:36_6_4: أصلا ما كان راضي يمر ذيك الليلة
وأحنا أعيوننا على عقارب الساعة متى يمر الوقت ويجي نهار يوم ثاني
متى أصلا يجي
وقت الرحلة
ومن زود ما كنا متضايقين
قررنا وقلنا أن شاء الله بكرة أحنا أول ناس بالمطار
كانت الرحلة على الساعة 9
ورحنا المطار من الساعة 5 العصر
أول ما فتح الكونتر أحنا بوجههم
أصلا تبغون الصدق وصلنا قبل ما يفتحون الكونتر بنص ساعة قبل
وأخذنا البوردنغ حق الرحلة من البحرين
:8888:
لهونغ كونغ
أخيرا
وألتفتنا على الشاشة :36_1_25: الا تأخرت الطيارة من الساعة 9 لحد الساعة 11 بالليل
ولا ياليت بس هذا اللي صار
الكمبيوتر ما رضى يعطينا البوردنغ حق الترانزيت في هونغ كونج
لكوالالمبور
:112: :112: :112:
وهني صارت المشكلة
وأبتدى مسلسل البؤساء من قلب
يعني لا بوردنغ وتأخير بعد
من أولها تأخير يا الكاثي باسيفيك :36_1_28: وين الدقة في المواعيد
الوالد قام :m9: يبي يهدأ الوضع قال روحوا صلوا صلاة ربكم
وتعشوا :36_1_51: وتسوقوا في السوق الحرة
:36_1_24:
والحمد الله ضاع الوقت
وهذه أول صورة من مطار البحرين
وباقي الصور في حلقات البؤساء القادمة
تحياتي ريانة دهن العود