غريبة انا لما بحثت العام طلع الجانب السويسري اغلى بكثير.
انا حجزت السيارة بفيزتي وكنت انا السواق وكذلك اضفت زميلي كسائق اضافي.
اتوقع يمديك تحجز السيارة بأسم شخص اخر دام انه متواجد معكم, لكن يفضل التواصل مع الشركة قبل السفر للتأكد.

من شروط حجز السياره الاساسيه ان تكون الفيزا باسم المستأجر وان يكون المستأجر معة رخصه سارية المفعول ويمكن ان يضع احد الاشخاص سائق اضافي
طبعا لو رتاسل الشركه راح يرفضون لانها صارت لي وراسلتهم وكلمتهم بنفسي ورفضوا والسبب انه لا يوجد معها رخصة قياده وكنت مضطر لان الفيزا حقتي صار عليها مشكله قبل السفر بفتره بسيطه
المهم اني حجزت سياره باسمي وسويت خطة طواري بحيث خليت كل حجوزات السكن قريبة من محطات النقل العام وتكلت على الله ورحت لهم ويوم وصلت المكتب جيتهم بكل ثقه وبدون ما اسأل واتفلسف وطبعا كانت زوجتي معي ومعها وثائقها الجواز المهم اعطيته الفيزا حقتها ومشت الامور بسلاسه
ومره في زل امسي استأجرت سياره بالفيزا حقة اختي ؟؟!!!
يعني الشغله ممكن تكون مزاجية موظف لو يرفض يكون معه حق لان النظام يقول كذا وكنت وقتها افكر واقول طيب الشخص الكبير سن مثلا ولا يستطيع يسوق وبيسافر بالسائق الخاص كيف بيحجز سياره ؟؟؟
انت راسلهم او كلمهم وجرب لكن راح يرفضون بكل تاكيد
وانتم عددكم 10 اشخاص والفان هذا حق 9 يعني فيه راكب زايد ويعتبر مخالفه لكن الله يكون بالعون يمكن سياره كبيره ومحد ينتبه لكم
اتمنى لك سفره ميسره
تحياتي

الله يعطيكم العافية وماقصرتوا بس استغربت مافي سيارة اكبر وماقلتولي وش رايك بالموقع مضمون احجز واتوكل ع الله
المشكلة شخصين يسوقون اللي باسمها الفيزا والشخص الثاني وكلهم معهم رخصة دولية عادي الامور تمشي حتى لو ماقلنا لهم نبي سائق اضافي ولا ممنوع

الحين سويت بحث لقيت نفس كلامك الجانب الفرنسي ارخص بس مشكلة في سيارات فان ب5969 ريال
وفان ب3654 ريال احترت وش اختار ونفس الموصفات تكفون ساعدوني
وش الميز فيهم
https://www.tikbok.com/car/ar_book.p...efined

الموقع اخوي انا حجزت منه وتعاملت معه ممتاز جدا اجداويعطيك خصم 15%
والفرنسي ارخص من السويسري

طيب اخوي تاجر في فرق بسيارات مثلا فان عدد 9 ركاب وقير عادي ب3645ريال
والثانية نفس المواصفات 5969 ريال وسش الفرق بينهم مو عارف ياليت تشوفيلي يعطيك العافية يوم 2 اكتوبر الى 13 اكتوبر وش المواصفات الاحسن

يا ثامر انتم عددكم ما شاء الله 10 يفترض تبحث عن سياره بعددكم او اكثر طبعا توفرها صعب شوي وهناك سيارات حق 12 راكب
في اليورب كار من مطار جنيف الفرنسي موجدود سياره 9 راكب من نوع MERCEDES VITO 9 PLACES بسعر 3590 احجز من مواقع الشركات الرسميه افضل لك واضف معها تأمين شامل يكلفك 1377 ريال وخلك من المواقع الوسيطه اللي كلامهم مبهم وغير واضح يكفيك انهم يسحبون عربون ولا يرجعونه احجز من الشركه اللي قلت لك وتقدر تكنسل باي وقت بدون رسوم حتى قبل موعد الاستئجار ب48 ساعه ياخذون منك 30 يورو فقط مو مثل رنتال كار سيحب منك عربون اقل شيء 100 يورو حتى تغيير الموعد ما يغيير كثير من الاعضاء يشتكي منه صحيح فيه ناس امورهم مشت لانه تم تحويلهم الى شركات ممتازه ولم يواجهوا مشاكل هناك ولكن البعض تم تحويلهم الى شركات سيئه والبعض قرر تغيير او تاجيل سفره والموقع غير متعاون معهم
شوف الاخت هذي امس تشتكي رفضوا تغيير موعد الاستلام رغم ان الخطاء من الموقع
https://artravelers.com/p/re/839351

الله يعطيك العافية اخووي سويت بحث ولقيت سيارة من موقع اليورب كار 12 شخص مره غالي حدود 20الف واكثر مو عارف يمكن انا غلط او
اي شي تكفي ساعدوني ابي احجز مبكر ل12 شخص دورت بكل شركات مالقيت غير 9 ركاب وش الحل

اخ ثامر بما ان فيه شخصين يسوقون المسأله بأذن الله محلوله سيارتين 5 ركاب وبتطلع عليك بسعر رخيض افضل واضمن من المخالفات شوف موقع اليورب مره ثانيه وشوف سيارتين كم تكلف من الجانب الفنرسي والسويسري