عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hasnhasn7
17-12-2022 - 08:38 am
الله يبلغنا ويبلغكم رمضان . ملاحظ مشاء الله ان الغالبية العظمى من اللي يكتبون عن سفراتهم كلهم نازلين مدح في مدح عن كل بلد يرجعون منه لدرجة ان اللي يقرأ هالمدح يتصورهالبلد شيء ولا في الأحلام وينخدع بالصورة ويحسب ان الواقع مثل الصورة وإذا راح عشان يشوف هاللي أخذ عقول المسافرين ولخبطها ينصدم ويجيه خيبة واكتئابمعقولة الناس عندهم غيبوبة وكلهم مبرمجين برمجة واحدة من يومين واصل من بلد لي 5سنوات وأنا أشوف صور لها وكم آسرتني صورها وكم وكم تحسرت ودي أشوفها وأعيش فيها شهرويوم قدر الله ورحت لها شفت الواقع غير الصور وشجر الصور غير شجر أرض الواقع وحتى الجو كئيب مرة .. شوي وأصيح لولا اني عارف اني مارح أطول كلها أيام وراجع راجع للصور أحسن لي من الواقع


التعليقات (9)
آخـــرفـــرصــة
آخـــرفـــرصــة
اللهم بلغنا رمضان
كلنا يعلم أن لكل بلد ايجابيات و سلبيات
لذا عند قراءة أي تقرير لابد من التدقيق في كل ما يكتب
فبعض المسافرين يرى كل ماهو ايجابي
و البعض الآخر يتفنن في صيد السلبيات
و دورنا أن نقرأ ما بين السطور
سأقوم بنقل الموضوع للبوابة السياحية

Usas
Usas
فعلا مافي بلد مثالي 100% , بس احيانا بعض الدول تزيد الايجابيات عن السلبيات (او العكس) , واهم شيء صياغة التقرير بكل الجوانب لتزويد المسافرين بكل مايحتاجونه من معلومات عن البلد
تحياتي

مــــــــــ بنت ــــــكة
مــــــــــ بنت ــــــكة
دايما التجربة خير برهان ...
والي يعجبك مايعجب غيرك...وهكذا
انا مثلا سمعت عن ماليزيا انها خيال ولما روحتها انصدمت ولو تجيني تذاكرها ببلاش مستحيل اكرر التجربة لها او لاي دولة في شرق اسيا

زائر
الحمدلله انا لو يعجبني التقرير
يشدني بس لو شنو ما انجذب لاي دوله اسيويه
خاصة لان جوهم كله رطب والاكل الصراحه ما اثق فيهم
يعطيك العافية

فيصل
فيصل
كل شخص وله حريه بذكر الاحداث التي جرت له
ممكن تضع تقريرك ونرى مرئياتك عن البلد التي زرتها

thana90
thana90
يوه حتى انا مستغربه من هالشي مدح مو طبيعي اشك في ان هالمدح دعايه لهالمنتدى
مثلي اخذت مقلب بهونج كونج توي راجعه منها قرات عنها مدح قلت من افضل دول شرق اسيا ويوم شفتها انصدمت
اقل من عاديه ولافيها اماكن سياحيه كثيره تحسفت على كل ريال اندفع فيها وغير كذا ماتحسها ونيسه ابد فيها كآبه مو طبيعيه
تبت ماعاد اصدق مدح احد بهالمنتدى بالذات ماغير شغالين مدح خلاص فهمنا الطبخه

مسافره 27
مسافره 27
غالبا الرحلات في المنتدى كلها رحلات سياحيه يعني استجمام وراحه ووناسه طبيعي بتلاقون مدح ..
واللي يعجبك مايعجب غيرك
واهتماماتك غير اهتمامات غيرك
غير هالشيء ممكن تتعرض لموقف في دوله يخليك تكرهها وتسبها لانك تضايقت بينما غيرك ماواجه شي فما كرهها ولا شاف الجانب السلبي فيها
دائما الواحد يحدد ميوله ورغباته واهتماماته بعدين يختار الدوله اللي تناسبه ويبدى يقرى السلبيات قبل الايجابيات عشان لاينصدم ويتندم!

فيصل
فيصل
thana90
ترى المنتدي مش تسويقي
وللأسف كلامك خاطئي

TARZAN
TARZAN
طبيعي يصير هالشي مثل ماتشتري سياره جديده وتكتشف انك تدبست فيها
فايش تسوي؟ تمدح
ماتبغى تبين للناس ان اختيارك خاطي او انه انلعب عليك في البيعه
ماتبغى تكون في موضع الشفقه
( مسكين ماانبسط مسكين خسر فلوسه عل الفاضي)
وكذا يعني
ممكن تستبدل السياره بالزوجه او اي شي ثاني


خصم يصل إلى 25%