حصلت لي بعض المواقف وحبيت أبينها لكم ، وزاد أعجابي وأحترامي للشعب النمساوي بعدها :
1/ في فينا رحت بقص تذاكر القطار من فينا الى سالزبورغ من محل tabak traffic
لبيع السجاير قالت لي الموظفة أحجز على يوم السبت والاحد بيكون عليها تخفيض كبير .
2/ في سالزبورغ رحت بقص تذاكر القطار من سالزبورغ الى زي لامسي من مكتب تذاكر القطارات الى بالمحطة قالي الموظف تعال بكره قبل الرحلة بساعة وقص التذكرة وبيكون عليها خصم كبير .
3/ في شارع ستيفنز في فينا وحنا قاعد نتمشى دخلنا محل لبيع الشوكلاتة واخذنا كم نوع وعند الحساب قالت لي الي تبيع أنت مسلم ؟ قلت لها أيه . قالت هذا النوع فيه كحول . قلت لها شكراً لك رجعيه مابيه .
4/ في ميونخ وفي مجمع القريب من الحديقة الاولمبية دخلنا محل لبيع الشيكولاتة وكنت بأخذ كمية كبيرة هدايا للأهل فأخذت 3 أنواع أعجبوني وسالت الموظفة قلت لها أنا مسلم وأبي نوع مايكون فيه كحول ولا أي شي من مشتقات الخنازير قالت لي طيب ووضحت لي كل شي وأيش
الي فيه وأيش الي مافيه .
5/ في النمسا في زي لامسي رتبت أنا وعائلتين خليجية على أننا نأخذ سيارة كبيرة تحملنا مع شناطنا وتنزلنا في ميونخ كل عائلة عند الفندق الخاص فيهم وطلعت علينا الروحة أوفر من القطار وبعدها تكسي للفندق . وكلمنا راعي تاكسي نمساوي على الموضوع وقبل ومامانع على أي شي .
حبيت أطرح الموضوع للأستفادة مثل مأنا أستفدت .
المشاركة الأصلية كتبت بواسطة هاوية الاسفار
