باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رائد بومريم
21-10-2022 - 07:33 am
السلام عليكم ورحمة الله وبركاته
احب ان اضع تجربتي مع شركة سكسيت للتاجير السيارات
بسم الله نبدا
اولا قمت باستأجار سيارة بي ام دبليو 1ER
من الانترنت وتم الدفع عن طريق النت بمبلغ 4500 ريال تقريبا
على ان يكون الاستلام من فيينا بتاريخ 30/5/2013 من فرع فندق الهليتون
ويكون التسليم في باريس بتاريخ 9/6/2013 في فرع محطة قطار(saint lazar)
لمدة عشر ايام
ولم اختار اي تامين
وفي اليوم المحدد ذهبت الى فندق الهيلتون ووجدت مكتبهم ودار الحديث التالي:-
انا مستاجر سيارة من عندكم عن طريق النت وهذا اوراقها
اوكيه وين الرخصه والماستركارد والجواز
عطيتها الرخصه الدوليه والماستركارد والجواز
رجعت الرخصه الدوليه وقالت لي رخصة بلدك
وعطيتها الرخصه السعوديه
طق طق طق (تطقطق على الكمبيوتر)
قالت لي انت مش مأمن على السيارة !!
تبغى تامين؟
قلت لها ايه زيرو اكسس من فضلك
اوكيه 550 يورو
اوكيه سحبيهم من البطاقة
سحبتهم وجاتني رسالة انه تم السحب
قلت لها فيه مبلغ تاخذونه وترجعونه اذا رجعت السياره
قالت ايه (السكيورتي)
قلت لها كم؟
قالت لي ضعف مبلغ التاجير 4500*2=9000ريال
قلت لها كثير
قالت هذا النظام عندنا
قلت لها اوكيه حجزيهم من البطاقه (ماجاتني رسالة انه تم الحجز)
(قلت يمكن لانه حجز على المبلغ مش سحب ماراح يرسلون شي )
عطتني مفتاح السيارة وقالت لي السيارة موجوده في الدور الثاني تحت -2
رقم الموقف 19
قلت اوكيه ورحت وحصلت نفس السياره اللي مستاجرها ولله الحمد
اخذتها وعلى طول الى زيلامسي لتكميل الرحله
انتهت سالفة الاستلام
ذا الحين سالفة التسليم
وصلنا باريس ولله الحمد بعد جولة في زيلامسي وانترلاكن
وكان يوم استلام الفندق هو نفسه يوم تسليم السيارة
استلمت الفندق ونزلت الشنط ورحت لفرع الشركه في محطة القطار
ومع زحمة باريس
والوقت المتاخر
وخايف اتاخر على الشركه ويقفل المكتب مع اني وصلت تقريبا 7 مساء
والمكتب مكتوب في الموقع انه يقفل الساعه 8 مساء
وصلت الى محطة القطار وعلى ماحصلت موقف غلط
وكنت متوتر جداً
وقفت ونزلت الى المحطه وحصلت مكتب شركة AVIS وبدجت
سالتهم وين مكتب سيكست sixt
قالوا لي مافيه مكتب لشركة سيكست هنا
شلون , كيف ,؟؟
قال لي مافيه!!!! مكتب هنا
زاد التوتر
تركته ودخلت لمكتب المعلومات الخاص بمحطة القطار
وسالته وين مكتب شركة سيكست؟
قالي مافيه مكتب لشركة سكست هنا!!!
زاد التوتر الى اقصى الحدود
طبعا هذا مكتب المعلومات ماظنيت انه مخطى
تركته وطلعت وانا متوتر جدا جدا
وين اصرف السياره
وش اسوي في ذا السياره
بحثت في الجارمن عن اقرب مكتب
وحصلت مكتب قريب
رحت له وشفت انه مقفل بس فيه اثنين داخل جالسين يصفون الحسابات
وقفت سريع سريع ونزلت لهم
اشرت لهم اني ابغى اكلمهم
واشروا لي انهم مقفلين ولا نستقبل احد
ومع الحاح مني جاوا وكلموني
قلت لهم استلموا السياره
قالوا لي حنا مقفلين ولا نستلم سيارة
قلت وش اسوي بالسياره طيب
قالوا لي رح للمواقف واعطوني عنوان للبنايه اللي فيها المواقف التابعه لهم
قلت لهم والمفتاح
قالوا لي عطه الحارس
قلت طيب وعلى ماحصلت البنايه مع شوارع باريس المداخلة في بعض
يمكن نصف ساعه وانا ادور هذه البنايه وهي تبعد عن المكتب دقيقتين مشي
المهم
وصلت البنايه ووقفت السيارة وعطيت المفتاح الحارس
وانتهيت من سالفة تسليم السياره
الشي الكويس في الموضوع
اني في اليوم الثاني تذكرت اني سلمت السيارة وانا ماعبيتها ديزل
ولا فيها الا الربع
وغير كذا اني سلمتها الى فرع ثاني غير اللي انا محدده في النت
ارسلت لهم ايميل اني سلمت السياره الى فرع ثاني ولا ذكرت اني تركت السيارة بدون مااعبيها
ارسلوا لي انه ماعندك مشكله
رجعت السعوديه واتصلت على شركة الماستركارد ابغى اشوف اذا فيه مبالغ محجوزه او لا
قالوا لي ماعلى البطاقة اي مبالغ محجوزه
قلت حلو
وبعد الحسابات تأكدت انهم ماسحبوا شي
من حظي
ماادري هل هي غلطت موظف او لانها زيرو اكسس
المهم سلمت السياره وهي مافيها ديزل ولا اخذوا علي شي
اسف على الاطالة


التعليقات (1)
oceanus
oceanus
الموضوع مطروح هنا /
https://artravelers.com/p/re/837265


خصم يصل إلى 25%