ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
kaled2574
13-12-2022 - 03:18 am
  1. ترا لاشرطه نافعتك ولا سفاره بتلاقي نفسك لحالك بهالمعمعه

  2. ترا الشمسيه ماهي بس للمطر

  3. هذا رقمهم 0060390575757


السلام عليكم
ملاحظات و نصائح بسيطه للمسافرين لماليزيا
1- ياغريب خلك اديب حاول قد ماتقدر تبتعد عن المشاكل خصوصا مع التكاسي لو حصلك مشكله مع تكسي تلاقي رقم الشركه قدامك بالكرسي الخلفي يكفي مجرد اتصال للشركه و تبليغهم بالمشكله

ترا لاشرطه نافعتك ولا سفاره بتلاقي نفسك لحالك بهالمعمعه

نبدا بالمطار للعوايل اول ماوصلون المطار بالتحديد عند مترو المطار الي ينقل للجمارك لازم تتاكد العايله كلها انهم ركبو كلهم مع بعض لاني شفت ناس ركبو وطفل واحد قفل المترو قبل يركب فضاع المسكين وامه انهارت هذا موقف انا بنفسي وقفت عليه
2- المعاريس الجدد الزوج لابس شورت و تي شيرت خفيف والحرمه المسكينه لابس عبايه سودا وحر ورطوبه وشمس ماليزيا لايطاق دايم اقول و اكرر لكل الي بيسافرون سواء عرسان او عوايل بالنهار استعملو شمسيات تراها في البقالات ب 12 رنقت

ترا الشمسيه ماهي بس للمطر

3 - المطاعم العربيه و اسعارها المبالغ فيها البديل وجبات سريعه او تيك اوي من مطاعم باكستانيه او هنديه بشارع العرب والله رزهم روعه و اكلهم نظيف واللحم بالمرق شي رهيب لكن غدا شخصين ب 400 رنقت والله ماهي معقوله ابدمبالغ فيها جدا
ولا مندي شخصين ب 60 رنقت يعني 70 ريال وراس ماله مندي لاحول
4- الملاهي وسنواي لاقون و غيرها حاول تبتعد عن ايام الويك اند لانك منت قادر حتا تحك راسك من الزحمه مع اجازه الماليزيين
5- الصرافين عد الفلوس قدامه زين قبل تعطيه اي مبلغ لازم يشوفك تعد او تاخذ منه الاله الحاسبه واذا عطيته الفلوس تابعه زين لاتنزل علينك ولا ثانيه عشان مايسحب منهم شي و يقولك ناقصه الفلوس
6- السوق الصيني اذا فاصلته علي سعر و ماعجبك امش و اتركه بتشوفه يهاوش و يتكلم عليك طنش كانك ماسمعت شي ترا هذي طريقتهم بالاحتيال علي الحريم و العرب يجبرونهم علي الشراء بدافع فكنا من شره
7- الانترنت افضل شركه هي دي جي digi بحكم تجربه
مع التاكد من عدم الاحتيال عليك بالمبلغ الشريحه و شحن البطاقه بالعربي لاتثق ابدا خلك حذر لانهم يستغلوننا باي مجال بتقولك
8-التكاسي قبل تطلع اي مكان خل الفندق يطلبلك تكسي او انت اطلب بنفسك تراها تضاف فقط 2 رنقت علي التسعيره بس تشتري راحتك

هذا رقمهم 0060390575757

9-ما انصح ابدا بالمترو او الباصات للي معه عايله المترو بالعايله مرمطه بجد
10- شنطة ضهر رياضيه دايمن معك و فيها مويه وواقي شمس و شمسيه وشاحن جوال اضافي الي يشحن 3 مرات الجوال و خفايف بساكيت او اي شي خفيف دايمن معك او كيك سكر ذره للي عنهم سكر الله يشفي الجميع ومناديل او فوط معطره
11-بطاقات البنك وزعها انتبه تحط البيض كله بسله وحده او تحطهم كلهم بشنطه وحده هذا اهم شي
12- العوايل الي معها اطفال صغار اول ماتنزل فندق تاخذ كرت الفندق و تكتب عليه رقم تلفونك و اسم كل طفل و كل ماطلعتو مكان تحط كل كرت بجيب كل طفل تحسبا لاسمح الله لو ضاعو في سوق او مكان تكون بياناتهم واضحه
13- من وجهه نظر و تجربه سوق التايم سكوير افضل من الصيني مليون مره و اريح و انظف و فيه كل بضايع السوق الصيني بستثناء الشنط المقلده هاي كوالتي
4- المكاتب السياحيه الي بالبوكيت بنتانق انبهو من اسعارهم وحاول تلف اكثر من مكتب و تسعر اي شي تبيه و استعن بالانترنت لمعرفة الاسعار لاتخليهم يضحكون عليك
ترا فيه مكاتب بالتايم سكوير بالادوار العليا و فيه مكاتب بالمبني الي مقابل التايم سكوير و كلهم ارخص من مكاتب شارع العرب
15- تبديل العمله مايحتاج صدقوني اخذ معك سعودي و بدل هناك ال 100 ريال ب 82 او 81 رنقت و باي صراف تقدر تبدل
الي يقولك بدل رنقت او دولار من هنا قبل تمشي اقوله مع اعتذاري ماعندك سالفه
16- لاتبدل فلوسك اول ماتجي من المطار اقصد الصرافين الي قبل العفش لا انتظر لحد ماتاخذ شنطك و تطلع من المطار يفتحلك علي الساحه الي فيها الناس الي يستقبلون اهلهم اتعداهم شوي ثم لف يسار تلاقي بوجهك محل بان كيك لذيذ (: وعلي يساره تلاقي محل جوالات digi وجنبه بنك اصرف من البنك حق اول يوم فقط 500 ريال و ارجع للدي جي اخذ شرايح وخلهم يفعلونها لك عندهم ثم ارجع اخذ بان كيك للاطفال ثم رح احجز تكسي من جنب البوابه 3 لهم مكتب كبير
اذا ذكرت شي ثاني بكتبه هنا تحياتي الان


التعليقات (9)
kaled2574
kaled2574
لازم لازم لازم معك اي برنامج نافيقيشن عشان تبحث اذا بغيت مطعم او صيدليه او عياده لاقدر الله يكون معك شي يساعدك لو حتا خرايط قوقل
فيه برامج للايفون كثيره تخدم بالموضوع هذا وفيه برنامج سايجك للاندرويد وهو مكرك وبصراحه هو الافضل لماليزيا
sygic
tripadvisor
streetdirectory
malaysia maps
wizmap
tourist eye

ghamas0a
ghamas0a
أخوي خالد .. أنا سفرتي بعد رمضان أن شاء الله
وبتكون أول سفرهه لي لماليزيا .. ع قول المنتدى زيزا ههه
وكل الي اقدر اقوله لك كفيت ووفيت وابيض وجه .. خشمك ي بطل >

kaled2574
kaled2574
الله يسعدك يابطل اجل اصبرلي يويمن ابنزل موضوع اشياء لازم تجربها هناك يمكن تعجبك بس ماقدرت انزلها بسبب سياسه المنتدى لازم انتظر 24 ساعه عشان انزل موضوع جديدعموما الموضوع عن تجارب لي في مأكولات و حلويات و عصاير روعه بماليزيا

عامر الزعابي
عامر الزعابي
يعطيك العافية على النصائح للي بيسافر ماليزيا

المشتـــــاااق
المشتـــــاااق
يعطيك العافية على النصايح
وننتظر منك الموضوع الثاني
أنا سفرتي قبل العيد بيومين يعني بعيّد هناك والله ييسر الأمور

BoHathal
BoHathal
جزاك الله خير أخي خالد على النصائح المفيده ..

السليم111
السليم111
الله يجزاك خير ويجعل ما قدمته في ميزان حسناتك الى يوم الدين من انفع ما قرأت

ghamas0a
ghamas0a
kaled2574
لا خلا ولا عدم فديت روحك , ما نستغني عن خبرتك وخبرة الموجودين بالمنتدى
وفي أنتظار جديدك ي عسل .. وأكون لك من الشاكرين ..

توتيل
توتيل
يعطيك العافية على النصائح


خصم يصل إلى 25%