السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
تقـآسيم الصباح
13-12-2022 - 09:13 pm
مساء السعاده ل أنآس قلوبهم الماس صباح البيآض وليس غيره
اليوم جايتكم بتقرير حلو وخفيف عن مطعم من مطاعم مدينتي
السنبوك وبكذا نكون اكملنا سلسه مطاعم قرية الدغيثر الا مطعم ايطالي
ما اعجبني ابد ولا حبيت اجربه
نشوف تقريرنا اليوم
اول شي بعض الصور ليست بتلك الدقه التي تعودت عليها
لانها تصوير كاميرا سوني عاديه صغيره
لانها خفيفه في الحمل
وبعضها بكاميرتي الاحترافيه
والصور السوني قديمه بعض الشي رغم ان زيارتي متكرره ولكن يصادف
ان لا احمل معي كاميرتي
نشوف سوا
الصور من زيارتين
نظامهم تقدر تختار السمك والروبيان من الكاونتر الموجود
وهم يسووه لك بالطرق الموجوده عندهم بالمنيو او مشوي او مقلي
براحتك ومايناسب ذوق كل واحد
هنا الكونتر طبعا صورت من بعيد لان المكان كان مزدحم بالناس
الجلسات الخارجيه بالطابق السفلي
ومن هنا الطابق العلوي
الجلسات والبحر
الجلسات الداخليه يبي له اهتمام اكثر بالديكور الداخلي
قديم بعض الشي
بعض الصور من المنيو
هنا تقدر تختار طريقه الطهي
طلباتنا كانت سمك هامور مشوي لذيذ لابعد حدوروبيان
الهامور من قرب باين ان السمك طازج جدا
الشوربا كانت روبيان توم يآم كونج تايلنديه بنقصها درجه بس مدري ليش
تبوله لذيذه كانت مقبلاتهم بشكل عام ممتازه
حمص
الطلبات
صحن فيه وربيآن وسمك مكس
بطاطا مهروس مع كريمة خفق طعمه مميز
العصيرات مره كان ليمون نعناع اثنين منعش
والمره الثانيه زوجي كالعاده مايحب شي مخلوط مدري ليش لسانه مايتذوق المخلوط ابد خ
مانجو اما انآ كان كوكتيل
في نهايه التقرير اتمنى اعطيت معلومه مفيده لكل العابرين
لاني احس بنقص كبير في قسم مدينتي والشرقيه بشكل عام
رغم ان الشرقيه فيها مناطق كثيره ومطاعم متنوعه مختلفه لمحبين كل الاصناف
فيها بوفيهات او بحري خمس نجوم ايطالي هندي
ان شاء الله نقدم اكثر لتعم الفائده وارواء بعض من فضول القراء
للتعرف مثلي ع مختلف المدن او الدول
نلتفي في تقارير اخرى بأذن المولى
الى ذلكم الوقت دمتم بكامل صحتكم ..وسروركم .. وعافيتكم
تفضلو ضيافتتكم من باسكن روبنز في زيارتنا الاخيره لتايوآن ..
متنفس
مساء الخير والاحساس والطيبه
مساء مايليق إلاّ بأحبابي
مساء غير غصن الطير يحكي به
عن اللي مسكنة جفني واهدابي
هلا باللي أحبه كثر تعذيبه
وكثر ما هو يغيب وكثر ترحآبي
حبيبي هو ولو ما قصر الغيبه
ولو عن بسمتي قد طول غيابي


التعليقات (9)
اللـــــيث
اللـــــيث
تقاسيم
اول شي بالعافيه عليك ...
ما شاء الله تبارك الله ... صراحه امر على المطعم ولا فكرت يوم ادخله
بس بعد تقريرك بداء التفكير ان اروح له
اهنيك على تقاريرك الرائعه
بانتظار تقرير قادم

زائر
الله يعافيك اخويايه لازم الواحد يجرب كل شي صراحه مطعم يستحق التجربه
خصوصا لمحبين الفاسفود مثلي
تسلم كلك ذوق
ممتنه لحضوركم الذي هو اساس الجمال
كل التقدير

tab_el
tab_el
ماشاء الله عليك . أنتي لو تكتبين تقرير عن الحراج ولا سوق الغنم أتوقع كل الأعضاء بيروحون له
تصوير ممتاز دقة تفاصيل معلومات .. عيني عليك باردة
أذكر سألت شخص من الناس عن بوفيه ونصحني بالسنبوك .. مدري وشلون اشكره
شغل مرتب والاكل زيادة برضو .. يعني نصيحة اللي عندي 40 ضيف يقولهم 30 او 27
بالعافية عليكم
شكرا سيدتي

زائر
واضح ان المطعم مميز بأطباقه ,,,
اطلالة المطعم رائعه ....
ماقصرتي ,,

【ツ】أنا【ツ
【ツ】أنا【ツ
يعطيك العافيه
صور الأكل مشهية
اشتقنا للشرقية

الحوسني
الحوسني
يعطيك العافية على التقرير من واقع تجربة

Usas
Usas
شكرا على التقرير عن المطعم والاكل اللذيذ ,,,

ثلج لندن
ثلج لندن
أطعم شيء في السنبوك اللوبستر + الربيان المشوي
الشوربة البحرية بطلة برضو
عليكم بالعافية و تسلمين

ارمـــ ARMANI ـــاني
ارمـــ ARMANI ـــاني
هناء وعافيه عليكم اختي تقآسيم الصباح
ومشكورة على هذا التقرير
ونحن ننتظر تقاريرك القادمه على احر من الجمر
اخوك : https://artravelers.com


خصم يصل إلى 25%