وعليكم السلام ورحمة الله وبركاته
اولا مبروك مقدماً
اخواني انا محتار بين عدة دول وابي اشوف رايكم بسويسرا هل تناسب او لا لشهر العسل في اكتوبر
سويسرا لا تحتار فيها .. بالنسبة لي ممكن تكون أفضل دولة بأوروبا لشهر العسل
كيف الجو بيكون في اكتوبر ؟؟؟
بارد شوي
كيف تعامل الشعب مع السياح والمسلمين والحجاب واي لغة يتكلمون ؟؟؟
جدا ممتازة .. اما اللغة شمال وشرق يتكلمون الماني والجنوب ايطالي والغرب فرنسي
هل تكفي ميزانيه 30000 ل11 يوم شامله التذاكر ؟؟؟
انت رايح شهر عسل يعني توقع كل شي بيكون فايف ستار فخلها 30 الف بدون تذاكر
بماذا تتميز بالطبيعه ام الاسواق ام الفعاليات ام ماذا ؟؟؟
بكل شي لكن الفعاليات مع اكتوبر تبدا تقفل

الله يعطيك العافيه
احس اني تحطمت شوي يعني مافي فعاليات و30000 غير التذاكر
طيب لو اقتصدت نوعا ما في السكن
هل تكلفة التنقلات كبيره وايضا هل زيارة الامكان تحتاج رسوم يعني مصروف كبير

تكفيك ان شاء اللهوالاماكن السياحية كلها بفلوس
والتنقلات تقدر تدخل على موقع http://www.eurostar.com وتشوف اسعار القطارات لكل رحلة

الله يعطيكم العافيه
ودي اعرف كيف درجات الحراره بتكون في اكتوبر
ايضا بالنسبه للسكن ماراح اسكن في قنادق 5 نجوم بسكن في4 نجوم عشان اوفر
طيب كيف الصرف في التمشيات والفعاليات واسعار المطاعم

وعليكم السلام ورحمة الله وبركاته ::
من وجهة نظري المتواضعة ..ممكن تكفيك الميزانية ل 11 ايام كأول سفر لك في سويسرا .
بشرط تذاكر الطيران ما تتعدى 6000 ريال لشخصين .
والفنادق في حدود 800 الى 1000 ريال .
وايجار سيارة صغيرة ما تتعدى 2000 ريال .
والصرفية اليومية بمقدار 1000 ريال يوميا وممكن اقل .
وتكسر خط الرحلة بزيارة القرى القريبة من سويسرا ..مثلا رست اللي فيها مدينة الالعاب ..وأنسي بالقرب من جنيف ..لأن السكن فيها ارخص من سويسرا .
تقريبا 80 % من ميزانية الرحلة تقدر تحددها وانت لسه ما سافرت ..تذاكر سكن فيزة سيارة ..ويبقى عليك مصروف .
توكل على الله واعزم ..الديرة تستاهل كل ريال فيها .
واذا بغيت المستحيل بذاته ..ما شاء الله ..انصحك بقراءة التقرير التالي :
https://artravelers.com/p/re/540792
راح يعطيك امل

======
اذا كانت اجازتك في اكتوبر ..انصحك تكون في بداية اكتوبر ..وتكون رجعتك قبل يوم 20 اكتوبر
لأن الغالب من 15 اكتوبر تبدأ الكثير من الانشطة بالاقفال استعدادا لموسم الشتاء.
وكنت منزل موضوع للسنة الماضية عن مواعيد اغلاق الانشطة ..تلقاه في التوقيع ..خذ فكرة عنه .
وبالتوفيق أخوي .

Medo 77
الله يعطيك العافيه اخوي سفرتي مشكله بتكون من 10 الى 21 اكتوبر
ايضا بالنسبه للطيران وين افضل منطقه انزل فيها
ووش توزيع الرحله المقترح
ماهي اهم الفعاليات والانشطه اللي راح تتسكر
ايضا وش نوعيه الملابس اللي احتاجها
بحاول اقدمها ممكن اشوف فرصه

السكن 800 الى 1000 تقصد حق الليله
اعتقد ممكن القى ارخص بكثير مو شرط 5 نجوم يهمني نظافته واثاثه حلو

الطيران دايركت على السعودية من جنيف
تقعد يومين في لوزان
خمسة في انترلكن
يومين في رست
يومين في ضواحي جنيف الفرنسية
من 800 الى 1000 ريال ما ابغى احطمك ان فيه 3 نجوم بالسعر هذا في المواسم.
لا تحكم الين تشوف البوكنج
اما. الانشطة فيه اللي مفتوح طوال العام وفيه اللي يقفل. وبعضهم ذكر موعد الاقفال والبعض لا.
انت شوف مواعيد العمل في الرابط اللي قلت لك عليه والمواقع الرسمية للانشطة
وبالتوفيق

خسارة درجات الحراره تقول ان الجو بارد بزياده ماهي بروده معتدله