لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Joorygolden
18-11-2022 - 08:18 pm
السلام عليكم ورحمة الله وبركاته ..رحلتي بأذن الله في 9 أغسطس ..
ولله الحمد تم حجز التذاكر والفندق
تبقى الفيزه !! صراحه انا ما اعرف عنها شي ؟
كم سعرها بالظبط ؟ وأحنا 3 اشخاص جميعنا بالغين !!
حجزنا في فندق كمبرلاند !! مارأيكم بالفندق مناسب لعائلة ولا لا ؟
أول رحله لي في اوروبا اغلب رحلاتي في آسيا والخليج
وصراحه انا حابه لندن وخايفه بنفس الوقت من المطار !!
لأني فاشله بالأنجليزي جداً وبتورط هل فيه حّل ؟ :"(
وكيف المطار نظامهم يعني ؟
هل الشعب البريطاني يتعامل مع الغير المتحدث الأنجليزيه ؟
وهل يمديني اتعلم أنجليزي في شهرين ؟ أو أني استخدم الأيفون أحمل لي من الأبل ستور برنامج وأكون حافظه العبارات واصير اقولها ؟ ما الأفضل ؟
وش الأمكان الي تفضل نروح لها ؟


التعليقات (5)
Dr Haz
Dr Haz
فندق كمبرلاند اذا كان مقابل الماربل ارش فهو ممتاز مع ان الغرفة ضيقة بعض الشي
اسعار الفيزا يمكن تختلف من بلد الى اخر لا علم لدي انت من اي بلد
عمال المطار في الممتاز و الي يضحك و في الي مو طايق نفسة
بخصوص الاسواق ودودين جدا بالتعامل مع الزبائن
موفق ان شاء الله

لندنيه 2011
لندنيه 2011
الانجلش مش عائق اذا اوراقكم كامله مايحتاج تتكلمون
في كتيب صغير بجرير اسمه المسافر مكتوب فيه معرب وواضح ومفيد
برامج الابل ستور الناطقه ممتازه
لاتشيلي هم
الاماكن السياحيه لازم تطلعون ع التقارير

عبدالله86
عبدالله86
وعليكم السلام ورحمة الله
بما انكم حجزتوا وخلصتوا اموركم ، أنا انصحكم بأن تباشرون بعمل الفيزة من اليوم ، تقدمون الطلب اون لاين وتحجزون موعد ، وشوفي هالموضوع
الفيزا البريطانية - شرح مصور - إرشادات - إستفسارات https://artravelers.com/p/re/784979
وهذا الرابط شرح للمطلوب في ابلكيشن الفيزة بالعربي
http://www.ukba.homeoffice.gov.uk/sitecontent/applicationforms/visas/313079/arabic-vaf1a-1k-guidance.pdf
وهالايام ناس وايد يقدمون على الفيزة البريطانية وبتصير زحمة ، لذلك خلو روحكم بالسليم واضمنوا انها تطلع من وقت
وبخصوص المطار ، ابدا لا تحاتون ، يسئلون اسئلة بسيطة ، شعندكم في لندن وين بتسكنون ، شنو تشتغلون ببلدكم ، وبس

ثلج لندن
ثلج لندن
عجلوا بإجراءات الفيزا ..

mahmeed99
mahmeed99
وعليكم السلام ورحمة الله وبركاته
ما قصروا الأخوان والأخوات في الرد على استفسارج بس أحب أضيف:
أولاً: عن الفيزا ومتطلباتها: الفيزا والأوراق المطلوبة، أخوي عبدالله 86 ما قصر، وطلباتهم باختصارها لج، وهي:
  • جواز السفر ونسخ منه.
  • نسخة من تذكرة السفر.
  • نسخة من حجز الفندق.
  • شهادة راتب من عملك موضح فيها الراتب.
  • كشف حساب 6 شهور لحسابك في البنك.

ثانياً: الفندق: مثل ما قال أخوي Dr Haz إذا كان كمبرلاند إللي مقابل الماربل آرتش فهو ممتاز ويعاب عليه صغر حجم الغرف فقط.
ثالثاً: الانجليزي في المطار: أبد لا تحاتين اللغة الانجليزية في المطار بتجوفينهم متمللين ومب طايقين عمرهم في بعض الأحيان بس الأمور طيبه وأغلبهم بتلاقينهم هنود، بس أهم شي في المطار إنج تملين الفورمه إللي قبل ما تروحين كونتر الجوازات وفي هذي البوابة في المواضيع المثبته أحد الأخوان مسوي تعريب حق هذي الفورمه وشنو الاجابات المتوقعه بالصور..
رابعاً: التعامل مع غير المتحدثين بالانجليزية: مثل ما ذكروا الأخوان والأخوات لا تحاتين أهم ودودين ويتعاملون معاج بسهوله ويساعدونج..
خامساً: الأماكن إللي ممكن تروحونها: طبعاً ما أدري إذا كان المقصود بالأماكن السياحية فهي كثيرة بس تقدرين تختصرين الموضوع في إنج تروحين جولة سياحية بالبق باص (Big Bus) عندهم محطات كثيرة منها محطة عند حديقة الهايد بارك ورا الماربل آرتش .. ذي الباص يودييج جولة سياحية في معظم المناطق المشهورة في لندن على مدى يومين ...
أما إذا كا المقصود الأسواق والمحلات الكبيرة فعندكم المحلات الموجودة في شارع الأوكسفورد منها لرخيصه مثل محلات (بريمارك) والغالية مثل (السلفدرج) وهناك محلات كثيرة في مناطق ثانية مثل (هارودز) ومحلات (أم أند أمز) وغيرها
وبعد عندكم الأوتلت وهناك أكثر من أوتلت في لندن بس أنا رحت الأوتلت الموجود في (بياستر فيلج)
عموما في توقيعي موجود تقرير عن لندن ممكن تستفيدين منه في معرفة بعض الأماكن إللي يروحونها في لندن وفي تقارير أخرى كثيرة ومتنوعة في هذي البوابة ممكن تطلعين عليها للاستفادة ..
ورحلة موفقة بإذن الله


خصم يصل إلى 25%