خمسة أيام في فندق هوليوود خربت برنامجك .. يعني انت مرتبط معاهم

عموما حصل خير .. ما لك إلا تلغي بيهاتش نهائيا
اليوم الأول تشيك إن وترييحة من عناء السفر والتجول في الاليجا
اليوم الثاني .. النهار كله في فريلو بوسنة .. من اول الليل حتى العشاء في السنتر
في اليوم الثالث من وصولك لسراييفو .. انت مرتبط بفندق هوليوود

اطلع من الصباح باكر يعني الساعة ٨ وانت مفطر ومجهز حالك لزيارة يايتس وشلالها وبحيرتها والمطاحن والتنزه على بحيرتها .. لأقصى ما تستطيع
في الرجعة لسراييفو .. تمرّ ترافنيك وتجلس عند النبع الأزرق ومطاعمها .. ورتب وجباتك .. وتقدر تزور ترافنيك والقلعة بالنهار .. وترجع للأليجا
رحلة يوم كامل من دون مبيت قيمتها ١٠٠ يورو
أنا اعرف انه مرهق .. لكن على فكرة هذه طريقة كثير من اخواننا الكويتيين
اليوم الرابع .. راحة من عناء رحلة اليوم السابق .. تقدر تروح للسنتر ومطعم الأمراء وفيه شلال قريب من العاصمة ١٢ كلم اسمه Skakavac
اليوم الخامس .. روح فونيسيا وشلالاتها وبحيراتها fojnica
FOJNICA - Bosna i Hercegovina
اليوم السادس تشيك أوت .. وحجز في كونيتس وخذ عن نفسك ٣ ليالي فيها .. تسكن امام النهر وتزور موستار والنبع والشلال وتشوف لك رحلة صغيرة مع مرشد سياحي يرتب لك قوارب وغداء وغيره
الليلتين الاخيرة في السنتر بسراييفو

طيب اخوي كونيتس فيه فندق او مكان كويس تنصحني اسكن فيه وبالنسبه للسائق يكون معاي اليوم الاول اللي يوصلني فيه طيب اليومين االباقيه هل ممكن القي سائق في نفس المنطقه ؟ معليش كثرت اسئله اتمنى تفيدني

نعم .. يوجد في كونيتس فندق رائع ومميز
Garden City Hotel & Resort - Home

وللزيادة خذ هذا الموضوع .. فيه معلومات مهمة

https://travel.maktoob.com/vb/travel832337/

أما السؤال الثاني .. افضل حل تستأجر سيارة وتقودها بنفسك
بالنسبة لكونيتس .. اتفق مع أي سائق يوصلك لها وهي ٤٥ كلم .. يعني مو ذلك السعر .. واذا وصلت ما تحتاجه يعني اتفاقك معاه فقط توصيل
اليوم الثاني عندك شلال والنبع وموستار إما تتفق مع اي مكتب سياحي يأتيك للفندق لرحلة لمدة يوم كامل .. وعادي كونتيس ساعة من سراييفو مو مشكلة يأتيك وتتفق معه فقط من دون مبيت أو الفندق يكتب بصفحته أنه يتكفل بروّاده أن يذهب بهم نحو موستار والشلال والنبع فتستطيع تراسله على موقعهم الذي وضعته لك
اليوم الثالث .. نفس الشيء .. النت مليان عن مكاتب سياحية تعمل لك رحلة في الطبيعة ويختاروها قريبة من كونيتس .. تكون فيها قارب وطبيعة وشلالات وغداء وغيره على حسب رغبتك او اتفاقه معك وعروضهم .
اليوم الأخير .. تشيك أوت وأي تاكسي او الفندق او بالباص تعود للعاصمة والمسافة ٤٥ كلم ما هي شيء .

شوف يا أخي .. هوليوود عقّدها عليك والواجب من البداية ما تقبل لانه ربطك بالمبيت بالعاصمة ولمدة ٥ ليالي
فلهذا ينبغي تغامر وتتواصل بكثرة وتسأل كل أحد وتحاول تتفق مع كذا مكتب .. هذا يضبط لك رحلة لمكان واخر لمكان ثاني وهكذا او تسوق بنفسك في كونيتس .. وتخلي المكتب يوصلك لترافنيك ويايتس .. ومكتب ثاني فونيسيا او شلالات واماكن قريبة من سراييفو اثناء ارتباطك بالمبيت بفندق هوليوود .

الله يعينك .. واهم شيء خذ اللي تستطيعه وانبسط لأقصى درجة

اخوي الحجز فل في قادرن سيتي فيه فندق ثاني او اغير المكان غير كونيتس مارايك وهوليوود تعرف فندق اهم شي واسع انا معاي اطفال نبي نتوسع شوي جزاك الله خير

مو مشكلة .. بإذن الله ارتب لك برنامج ما يخرش ميه ومجنون ورائع بس اعطيني كم ليلة مدة مكوثك في البوسنة ومتى بتروح .. والليلة ان شاء الله اضبطه لك

الحمد لله إنك ما حصلت حجز في كونيتس .. أنا قهرني ارتباطك بهوليوود ٥ ليالي .. فما قدرت افكر كويس ، سامحني يا أخي

شوف البرنامج اللي ما تحصل زيه وممتع ومريح وايق .. وما ادري كيف فاتني !

انت كتب الموضوع يوم ١٤ يونيو .. وتقول بعد اسبوع سفرك .. يعني لم تسافر بعد .. حلو
وحتجلس .. ١٠ أيام أم ١٠ ليالي
فلنفرض انك ارتبطت بهوليوود عشان يعطيك فوتشر ١٠ ليالي .. يعني عندنا ١١ يوم

=======

اليوم الأول : توصل بالسلامة مساء .. تشيك إن بهوليوود وتريّح شويه .. وتنزل السنتر بالترام .. يعني تخرج من الباب الخلفي لفندق هوليوود وعلى اليمين مشي دقيقتين او اقل تجد الترام والباصات .. اشتري تيكت لك وتيكت لزوجتك وتيكت واحد للطفلين وشريحة جوال BH ب ١٠ مارك مشحونة ب ٥ مارك .. اشحنها ب ٢٠ مارك للاتصال بالسعودية .ولاتصالاتك بالمكاتب وغيره في البوسنة . . اذا رحت السنتر بالترام اسأل عن السبيل عنده يتوقف الترام لحظات انزل .. وعيش ليلتك هناك واذا تعبت ارجع للأليجا بنفس رقم الترام ٣ .

اليوم الثاني : تفطر وتتمشى على نهر البوسنة الذي بجوار فندقك .. تجد الكثير من الجلسات والكوفيهات واكتشف الاليجا عموما .. في الظهر مبكرا اتغدّى وبعدها روح لفريلو البوسنة طيلة النهار وقبل المغيب ارجع .. ريح بالفندق قليلا .. وروح السنتر .. تبغى تدخل سينما افلام كرتون بعد ثالث وتروح مول BBI وتشوف القسم النمساوي كلها بجوار بعض .. يبعد هذا كله 10 دقايق مشي عن السبيل . وترجع تنام في الفندق .
اليوم الثالث : تكون متفق مع سائق او مكتب سياحي يوديكم موستار بس مبكر جدا .. وفي الليل ترجعوا .. خذ سيارة صغيرة ب ١٠٠ يورو .. كالتالي : الافطار في الفندق ٧ يعني انتم ٨ محركين كأقصى حد .. شوف تقريري صفحة ١١ عن موستار
https://travel.maktoob.com/vb/travel785767-11/

اليوم الرابع : تفطر وتتمشى في الاليجا او تروح فريلو البوسنة الصباح بالتاكسي من البوابة الخلفية - شرحت الطريقة في تقريري - تجلسوا فيها ساعات .. وترجعوا بداية الظهر تطلعوا مطعم اسمه park of princes الأمراء مشهورعلى تلّة مرتفعة تشوف سراييفو كلها .. علي العصر روح الملاهي بالترام كأنك رايح الأليجا .. وقبل ما توصل للأليجا تشوفها على اليمين .. ممكن تسأل عن مبنى التلفزيون في سراييفو تكون بجوارها الملاهي .. ترجع بعدها للسنتر وتصلي في جامع غازي خسروبك وتتقهوى في كوفي فندق هيكو بجوار الشعلة .. وتتمشى في باتشارشايا وشارع فارهديا والصناعات النحاسية التي بجوار السبيل .

اليوم الخامس : إذا تبغى تروح شلالات قريبة او اي مكان طبيعة قريب من سراييفو تقضي فيه ٣ او ٤ ساعات بكيفك بس لا يكون مرهق لك .. وترجع للمولات بالسنتر او تتمشى فيها وتتعشى .. يعني اليوم هذا رتبه باللي يناسب جوكم .. لأنه آخر يوم لكم بسراييفو .

تكون كذه خلصت من ٥ ليالي مبيت في فندق هوليوود .. وغطيت كل شيء عن العاصمة وشبعت منها
====================
شوف هذا الرابط .. انا مغطي كل التحركات والفنادق والمطاعم الموجودة في الغرب البوسني .. ترافنيك ولاشيتش ويايتس وبيهاتش .. ومتى تحرك وفين تروح ..
https://travel.maktoob.com/vb/travel832337/

اليوم السادس : تسافر على ٩ صباحا ترافنيك .. وتبات في ولاشيتش .. بحسب ترتيب الرابط السابق .. ولعله لم ينتهي الربيع في الجبال بعد .. وتستنشق أنقى هواء في حياتك
اليوم السابع : تسافر لبيهاتش .. بس ريّح شويه عند البحيرة التي بيايتس .. وكمّل على بيهاتش لأن يايتس حترجع وتبات فيها بعدين
اليوم الثامن : بيهاتش
اليوم التاسع : على ١٢ الظهر تكون بالسيارة مغادر بيهاتش على يايتس والمبيت على البحيرة pliva
اليوم العاشر : فطور وعلى ٩ صباحا وانت محرّك على سراييفو .. توصل تقريبا ١٢ علشان انه هذا آخر يوم لكم في البوسنة .. تكون حاجز في هيكو او اولد تاون او B&B ديفان ليلة واحدة وهي الأخيرة لك في البوسنة .. منها تريّح ليلة في العاصمة قبل الرحلة الدولية .. ومنها تباخذ النهار كله وإلى منتصف الليل في العاصمة

اليوم الحادي عشر : هو يوم المغادرة .. ٣٠ مارك يوصلك للمطار .. اقل من نصف ساعة وانت هناك .. ساعتين قبل الرحلة ممتاز اكثر من ساعتين ما ينفع لان المطار صغير وتخلص اجراءاتك بسرعة .. وما ادري متى رحلتك .. فيه رحلة الصباح .. وفيه رحلة العصر

==========

ملاحظة : إذا ١٠ ايام وليس ١١ يوم .. يعني مبيتك فقط ٩ ليالي .. اخبرني حتى اعدّل ببرنامجك بشيء طفيف .. بحيث الغي لك المبيت في الجبال ولاشيتش ..
انتظرك

نسيت اقول لك .. افضل شيء تقود السيارة بنفسك وتاخذ قارمن وتنزل فيه خريطة البوسنة 2013 .. وتستخدم ادخال الاحداثيات في القارمن اذا كان الجهاز ما يعرف الاماكن اللي بتروح لها
باستخدام موقع : panoramio

يعني القارمن مثلا ما عرف الشلال في ترافنيك " ماء الأزرق " .. فتكتب اسمه Plava Voda او تكتب اسم المدينة travnik في الموقع .. يطلع لك :
Panoramio - Photo of Travnik Plava Voda......
تجد في نفس الصورة خريطة على اليسار .. تحصل تحت الخريطة بخط صغير احداثيات المكان وبالقارمن تدخلها وهو يوصلك ..

او يكون معاك سمارت فوت .. اي فون او جالاكسي .. تضع برنامج igo .. ونفس الحكاية

فإذا قررت تقود السيارة بنفسك .. اعطيك ارقام مكاتب التأجير يأتوك للفندق بنفسهم لمن توصل .. او تتفق معاهم اذا ناسبك السعر بالمكاتب الموجود بالمطار .. وسعر التأجير نظيفة وجيدة 25 - 30 يورو باليوم .. يعني 50 - 60 مارك
.............
ما تناسبك القيادة .. او تخاف تسوق في اماكن ما تعرفها
اتفق مع مكتب سياحي .. يوديك ترافنيك ولاشيتش وبيهاتش وفي النهاية يايتس وترجعوا للعاصمة يعني ممكن يكلفك 500 يورو واقصى حد 700 يورو .. يعني ما بين 2500 - 3500 ريال سعودي

.............

بالنسبة لحجز الفنادق .. انت قريب موعد سفرك .. بلانكا تحصل حجز الان في بوكينق .. اما في بيهاتش كوستيلا .. الشباب يقولوا ما يردوا على بريدهم .. فاذا رحت هناك ووصلت بالسلامة وفي الخمسة الايام الأولى .. اتصل في فندق كوستيلا واحجز .. وفي فندق يايتس واحجز بنفسك .. ولو تبغى تخلي بوسني يعرف عربي يتصل لك ويتفاهم معاهم .. لان بفندق هوليوود فيه كذا واحد كنت اتكلم معاه يشتغل عامل يجيبوه للعرب اللي ما يعرفوا يتكلموا انجليزي .. بس انتبه لا تطبّ في الشريطية اللي شغالين بالسياحة وممكن يتصلوا على الفنادق ويقولولك ما في حجز .. وانحن نحجز لك حتى يستفيدوا من ظهرك .

الله يجزاك الجنة