الحمد لله إنك ما حصلت حجز في كونيتس .. أنا قهرني ارتباطك بهوليوود ٥ ليالي .. فما قدرت افكر كويس ، سامحني يا أخي
شوف البرنامج اللي ما تحصل زيه وممتع ومريح وايق ..
وما ادري كيف فاتني !
انت كتب الموضوع يوم ١٤ يونيو .. وتقول بعد اسبوع سفرك .. يعني لم تسافر بعد .. حلو
وحتجلس .. ١٠ أيام أم ١٠ ليالي
فلنفرض انك ارتبطت بهوليوود عشان يعطيك فوتشر ١٠ ليالي .. يعني عندنا ١١ يوم
=======
اليوم الأول : توصل بالسلامة مساء .. تشيك إن بهوليوود وتريّح شويه .. وتنزل السنتر بالترام .. يعني تخرج من الباب الخلفي لفندق هوليوود وعلى اليمين مشي دقيقتين او اقل تجد الترام والباصات .. اشتري تيكت لك وتيكت لزوجتك وتيكت واحد للطفلين وشريحة جوال BH ب ١٠ مارك مشحونة ب ٥ مارك .. اشحنها ب ٢٠ مارك للاتصال بالسعودية .ولاتصالاتك بالمكاتب وغيره في
البوسنة . . اذا رحت السنتر بالترام اسأل عن السبيل عنده يتوقف الترام لحظات انزل .. وعيش ليلتك هناك واذا تعبت ارجع للأليجا بنفس رقم الترام ٣ .
اليوم الثاني : تفطر وتتمشى على نهر
البوسنة الذي بجوار فندقك .. تجد الكثير من الجلسات والكوفيهات واكتشف الاليجا عموما .. في الظهر مبكرا اتغدّى وبعدها روح لفريلو
البوسنة طيلة النهار وقبل المغيب ارجع .. ريح بالفندق قليلا .. وروح السنتر .. تبغى تدخل سينما افلام كرتون بعد ثالث وتروح مول BBI وتشوف القسم النمساوي كلها بجوار بعض .. يبعد هذا كله 10 دقايق مشي عن السبيل . وترجع تنام في الفندق .
اليوم الثالث : تكون متفق مع سائق او مكتب سياحي يوديكم موستار بس مبكر جدا .. وفي الليل ترجعوا .. خذ سيارة صغيرة ب ١٠٠ يورو .. كالتالي : الافطار في الفندق ٧ يعني انتم ٨ محركين كأقصى حد .. شوف تقريري صفحة ١١ عن موستار
https://travel.maktoob.com/vb/travel785767-11/
اليوم الرابع : تفطر وتتمشى في الاليجا او تروح فريلو
البوسنة الصباح بالتاكسي من البوابة الخلفية - شرحت الطريقة في تقريري - تجلسوا فيها ساعات .. وترجعوا بداية الظهر تطلعوا مطعم اسمه park of princes الأمراء مشهورعلى تلّة مرتفعة تشوف سراييفو كلها .. علي العصر روح الملاهي بالترام كأنك رايح الأليجا .. وقبل ما توصل للأليجا تشوفها على اليمين .. ممكن تسأل عن مبنى التلفزيون في سراييفو تكون بجوارها الملاهي .. ترجع بعدها للسنتر وتصلي في جامع غازي خسروبك وتتقهوى في كوفي فندق هيكو بجوار الشعلة .. وتتمشى في باتشارشايا وشارع فارهديا والصناعات النحاسية التي بجوار السبيل .
اليوم الخامس : إذا تبغى تروح شلالات قريبة او اي مكان طبيعة قريب من سراييفو تقضي فيه ٣ او ٤ ساعات بكيفك بس لا يكون مرهق لك .. وترجع للمولات بالسنتر او تتمشى فيها وتتعشى .. يعني اليوم هذا رتبه باللي يناسب جوكم .. لأنه آخر يوم لكم بسراييفو .
تكون كذه خلصت من ٥ ليالي مبيت في فندق هوليوود .. وغطيت كل شيء عن العاصمة وشبعت منها
====================
شوف هذا الرابط .. انا مغطي كل التحركات والفنادق والمطاعم الموجودة في الغرب البوسني .. ترافنيك ولاشيتش ويايتس وبيهاتش .. ومتى تحرك وفين تروح ..
https://travel.maktoob.com/vb/travel832337/
اليوم السادس : تسافر على ٩ صباحا ترافنيك .. وتبات في ولاشيتش .. بحسب ترتيب الرابط السابق .. ولعله لم ينتهي الربيع في الجبال بعد .. وتستنشق أنقى هواء في حياتك
اليوم السابع : تسافر لبيهاتش .. بس ريّح شويه عند البحيرة التي بيايتس .. وكمّل على بيهاتش لأن يايتس حترجع وتبات فيها بعدين
اليوم الثامن : بيهاتش
اليوم التاسع : على ١٢ الظهر تكون بالسيارة مغادر بيهاتش على يايتس والمبيت على البحيرة pliva
اليوم العاشر : فطور وعلى ٩ صباحا وانت محرّك على سراييفو .. توصل تقريبا ١٢ علشان انه هذا آخر يوم لكم في
البوسنة .. تكون حاجز في هيكو او اولد تاون او B&B ديفان ليلة واحدة وهي الأخيرة لك في
البوسنة .. منها تريّح ليلة في العاصمة قبل الرحلة الدولية .. ومنها تباخذ النهار كله وإلى منتصف الليل في العاصمة
اليوم الحادي عشر : هو يوم المغادرة .. ٣٠ مارك يوصلك للمطار .. اقل من نصف ساعة وانت هناك .. ساعتين قبل الرحلة ممتاز اكثر من ساعتين ما ينفع لان المطار صغير وتخلص اجراءاتك بسرعة .. وما ادري متى رحلتك .. فيه رحلة الصباح .. وفيه رحلة العصر
==========
ملاحظة : إذا ١٠ ايام وليس ١١ يوم .. يعني مبيتك فقط ٩ ليالي .. اخبرني حتى اعدّل ببرنامجك بشيء طفيف .. بحيث الغي لك المبيت في الجبال ولاشيتش ..
انتظرك