النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
TARZAN
16-12-2022 - 06:20 am
بسم الله نبدأ
رحلتي 15 يوم
0في النمسا _ 4 سويسرا_ يوم اخير في المانيا
احاول اذكر بعض الامور اللي حصلت لنا يمكن احد يستفيد ويتفاداها
:: الخطوط القطريه نظامهم باصات ما عندهم خرطوش متصل بالطائره. تنزل درج تركب الباص يوديك للطياره وبعدين تصعد سلم الطائره. نظام قديم ومتعب
:: موقع القطريه على النت ممتاز فيه خدمة اصدار البوردنق قبل 36 ساعه من الاقلاع ويسمح باختيار المقاعد واذا معك طفل رضيع يختار لك بشكل تلقائي في الصف 10 المعد للرضع .
:: في مطار ميونخ الشنط تطلع في سير حسب رقم الرحله الا الاغراض الكبيره مثل عربة الاطفال الحجم الكبير تطلع في سير رقم 7 أ . يعني اذا ماطلع لك غرض رح السير 7أ تلقاه هناك
::موظف شركة سكست لتأجير السيارات شاف الاغراض قال السياره الوسط اللي اخترها بالنت ماتشيل اغراضك واقترح علي سياره اكبر شوي وقير اتوماتيك بزياده 10 يورو وافقت. وفعلا يادوب دخلت الاغراض بالسياره
:: الاطفال اللي طولهم اقل من 150 سم بغض النظر عن العمر يحتاجون قطعه سفنج ترفعهم شوي لمن يستخدمون الحزام العادي . هالقطعه يأجرونها عليك ب 4 يورو باليوم. ممكن توفر هالمبلغ وتجلس الطفل على اي منشفه عندك او ملابس ترفعه تقوم بالواجب
:: التأمين الشامل اللي لو ترجع لهم السياره معدومه ولا تتحمل شي ( صفر) قيمته عند كاونتر سكست ب 500 يورو. وعندهم نوع ثاني تدفع 270 يورو واذا صار على السياره شي اكثر مبلغ تتحمله 800 يورو. بالنسبه لي ما ناسبني ولا عرض . ربنا يعديها على خير . امين
:: السياره اودي اي 4 ديزل جديده ماشاء الله عداد 11كم لكن المشكله خبرتي بالالماني صفر ماعرفت اشغلها ولاحد حولي يشرح . بعد ربع ساعه من المحاولات شافني واحد عامل بالمواقف وعلمني كيف تشتغل. بنفس الوقت تضغط المفتاح مع البريك تشتغل. والهاند بريك زر جنب القير لازم النور الاحمر يختفي قبل لا تسوق.
:: بعد ماعرفنا كيف تشتغل الاودي ومشيت مسافه وقفت عن اشاره والا طفت السياره لحالها وابتدا القلق اش فيها السياره؟! . وجلست على هالموال كل ما طفت ارجع اشغلها بالطريقه الاولى بعدين عرفت من نفسي ان بس ارفع رجلي من البريك تشتغل لحالها. بديت احب التقنيه الالمانيه يعني وقت الانتظار عند الاشارات ليه تصرف دراهم وتلوث البيئه؟ كلام كبير
:: لازم توقف في محطه قبل لاتدخل النمسا وتشتري ستيكر الطريق وتلصقه بشكل واضح والشرطه يشيكون عليه اكيد في نقاط التفتيش ما ادري بكم بس اقل من 10 يورو وصلاحيته 10 ايام
هذا اللي عندي للان وباذن الله اذا جد جديد اذكره هنا


التعليقات (8)
Usas
Usas
شكرا على المعلومات المفيدة ,,, بس سالفة الاودي تطفي اوتوماتيك عند الاشارة مصيبة عندنا
تحياتي لك وسفرة موفقة

oceanus
oceanus
نقاط تشكر عليها
بخصوص السيارة ..نفس الحكاية صارت معاي مع المرسيدس الفيتو
لازم تضغط ع اللبريك حتى تشتغل

الوجهـهـ غيـر معــلومــهـ
الوجهـهـ غيـر معــلومــهـ
ما قصرت ع هالتوضيحات ..
ويارب رحلة سعيدة لك وللجميع ..

ام محمد2030
ام محمد2030
الله يسعدكم ومعلومات قيمة
شكرا لك ومتابعين

آخـــرفـــرصــة
آخـــرفـــرصــة
ملاحظات مفيدة
تخيل تطفي السيارة عندنا و انت واقف بالاشارة
تموت من الحر و البواري وراك ماتسكت
الحفاظ على الانسان اولى من الحفاظ على البيئة ههه
هذا النوع مصمم لهم و لاينفع عندنا
بس حركة التشغيل زي اللي عندنا
متشوقين للجديد

بو الزبير
بو الزبير
أشكرك عالتقرير اللطيف والرائع ويدل على انك شخص تحب الخير للناس ....خبرنا عن الجو وعن الطرقات .. في انتظارك

العندلييب
العندلييب
ههه والله ضحكتني على موضوع السياره تطفي لما توقف ، لان انا استاجرت نفس السيارة وعلمت معايا نفس الحركة في اول مره ، لكن ماشغلتها بالطريقة التقليدية لاني اول مارفعت رجلي عن الفرامل اشتغلت ، فعرفت ان نظام السيارة كده ، ومع الوقت عرفت ان دعستك على الفرامل هي اللى تحدد ، يعني مو لازم لما تضغط الفرامل تطفي ، يعني دعسه خفيفه ما تطفي ، لكن دعسه قوية تطفي ، عموما السيارة ممتازه ، والجي بي اس اللى فيها ممتاز جدا وكنت معتمد عليه طول الرحلة

TARZAN
TARZAN
صباح الخير للجميع ومشكورين على التعليقات والدعوات الله يجزاكم بمثلها
امس كان يوم حافل بالتنقلات ما امدى ادخل المنتدى وارد
الجو بالنهار شمس مع شويه غيوم اما الطرق سالكه كلها
النافيقيتر حق الاودي لسا ما تعمقت فيه لانه بلغتهم وانا اصلا مجهز نفسي باكثر من جهاز ملاحه للحين ما احتاجه
:: محطات الوقود فيها فروقات صغيره في اسعار الديزل تمر على محطه تشوف سعر الديزل في اللوحه 1.39 وتمشي شوي تشوف محطه فيها الديزل 1.30 يورو . اذا كان التانكي فاضي ترا يفرق بالسعر حوالي 6 يورو حتى تفلل سياره مثل الاودي 4 سلندر. ارخص محطه شفتها في سالزبورغ اسمها JET 1.309
:: مويه الحنفيات صالحه للشرب سم بالله واشرب وصلح منها شاهي وقهوه بعد
:: في السوبرماركت اذا بتشتري مويه صحه انتبه لا تشتري غازيه لان شكلها من برا كانها عاديه . النوع اللي يصلح لنا مكتوب عليه still
:: عند الاشارات اذا فتحت لك الاشاره خضرا وشفت واحد قدامك قطع عليك ودخل يسار .. لا ترتبك ترا عادي عندهم


خصم يصل إلى 25%