1. تفاجات اليوم بايميل واصلني من طيران الاتحاد ... شوفوا وش مرسلين

السلام عليكم ورحمة الله وبركاته
تعبنا وحنا ندعم الناقل الوطني ونلتمس له الاعذار في تاخير رحلاته وقوانينه الجديدة في العفش ،،، حتى وصلنا لمرحة انه يقول لنا ما عندي حجز شوفوا لكم طيران ثاني ،،،
صار لي اكثر من 15 سنة وسفرياتي اغلبها على الناقل الوطني ( الطيران السعودي )
وصادف اني في بعض المرات رحت على خطوط الجيران ( طيران الاتحاد - الاماراتية - القطرية - طيران الخليج )
ما اخفيكم سر اني في كل مرة اقول هذه اخر مرة اطلع مع السعوية ولكن اذا جاء وقت السفر هي اول خطوط ادور عليها ( ما احب الترانزيت )
ان شاء الله روحتي لاندونيسيا بعد اسبوعين وانا حاجز على طيران الاتحاد من حوالي الشهر ( السعودية مثل العادة مقفلة الرحلات من بدري )

تفاجات اليوم بايميل واصلني من طيران الاتحاد ... شوفوا وش مرسلين

هل ترغب في ترقية درجة سفرك ؟التعامل باحترافية مع المسافر هو اللي اعجبني فيهم ... في الايميل يقولون حط عرضك يعني كم تبي تدفع على كل خط ( مثلا من الرياض الى ابوظبي كم تدفع وتركب درجة رجال اعمال ) المطلوب تحط السعر الزيادة اللي انت تشوفه يستاهل وتحط بيانات الفيزا وهم قبل السفر بيوم يعلموك وافقوا على ترقيتك الى درجة رجال الاعمال او لا ،،،البعض يقول ان العملية اشبه بالمزاد واحسن ما تروح الطيارة ومقاعدها فاضية ... انا اقول اني بعد مستفيد لانه ممكن ان ما فيه احد يقدم عرض اقوى مني واركب درجة رجال الاعمال بارخص سعر ...
شكرا طيران الاتحاد وعقبال الخطوط السعودية ( من كل قلبي ادعي لهم )