تقـآسيم الصباح
13-12-2022 - 08:12 am
مسائيه/ انثرها ل ارواحكم محمله بين جناح فراشه
تحلق بسلام بين اقسام العرب المسافرون
وصباح يشبه ابتسامه طفل بريئ يبعث السعاده على من حوله بكرم مغدق
السلام عليكم ورحمه الله وبركاته
اتمنى للجميع دوام الصحه والعافيه
من خلال صفحتي هذه اقدم تقرير بسيط ومتواضع ل مطعم من افخم وارقى مطاعم الخبر
من ناحيه التقديم والخدمات وجودة الطعام
براسا دي برازيل
اول شي بتكلم عن المطعم هذا مطعم لا استغني عن زيارته شهريا
حيث ديكوراته تبعث الراحه لنفسي وتقديمه جميل وتعامل الويتر جدا راقي
لاسيما جوده الطعام المقدمه ذات النكهه المميزه
نتعرف شوي عن هالمطعم وماذا يقدم
مطعم يشبه كثير تقديم المطاعم بالبرازيل وهذا مايجذبني اليه
حيث يذكرني ب اجواء البرازيل واول سفره لي مع زوجي في بداية زواجنا
اول مادخلنا ابتسم الويتر اللي يعرف زوجي تمام المعرفه بسبب الزيارات المتكرره بعمق وحياه بلغة اسبانيه بلطف وبادره زوجي بالرد
ودار الحديث بينهم وبما اني للاسف لا افهم اللغه الاسبانيه انسحبت واخذت وضع التصوير
نشوف سوا
الطاولات والديكورات الجميله
مطل الطاولاات ع طاولات اخرى خارجيه تطل ع البحر بس طبعا مع رطوبة جونا ماتقدر تشوف شي من النوافذ
السلطات كانت نظام بوفيه مفتوح وهذا مايجذبني للمطعم
سلطاته لذيذه جدا جدا وذات طعم مميز لا تتذوقه الى في
والسوشي عندهم رائع جدا
وهنا قسم الشوربات ويوجد نوعين من الشوربات بحريه والاخرى عدس
الاثنتان لذيذه
وانا اصور مر زوجي من جنبي وقالي من وقفتك هذي وحماسك بالتصوير احس انك ناويه ع تقرير
اخيرا بعد كل هالزيارات نويتي تفكين الحصار وتسوين لهم دعايه
ضحكت وهزيت راسي قلت اشغل وقتي لين ماتخصلون سوالف بما اني مثل الاطرش مافهمت حكيكم بس شكلكم تحشون و دائما المكان هنا زحمه واحس بحرج من التصوير بس الحمد لله
اليوم المكان فاضي الا مني وزوجي وعائله في الجهه الثانيه بعيده عن طاولتنا
ويوجد تحت محل للعزاب كان مزدحم عند دخولنا
هنا انواع الحلا ايضا
فطيره التفاح والقرفه لذيذه جدا جدا لاسيما اني اعشق تذوق هالنكهتين ب اي شي
وخصوصا القرفه
وهنا مكان الشوي الخاص فيهم وجنبه بعض الاطباق مثل رز وكذا شي
لاني ما اخذ منه شي ما اتذكر ايش فيه بالضبط
نظامهم اول شي تاخذ من البوفيه اللي يعجبك بعد ماتشبع
هنا السطات اللي اخذتها صحني
وهم يقدمون لك صحن فيه رز وفاصوليا وبطاطا للاسف نسيت اصوره
مع كم نوع صوص خاص فيهم
شوربتي
تقلب العلامه هذي جهه الاخضر يعني يبون يقدمون اسياخ الشوي
وهي انواع كثيره من اللحوم تقريبا 8 انواع
اطيب شي عندهم السي فود طري جدا وطعمه مميز جدا جدا
هنا يدخل الويتر ويقطع لك القطع اللي تبيها بالصحن وب استخدام الملقط تحطها بصحنك
وتقدر تطلب مره ومرتين وثلاث لين تشبع
السمك اللذيذ
ريش
لحم غزال
طبعا انا من اكل السلطات احس بشبع قبل ابدا المشاوي حتى الويتر دائما يقول لزوجي
اسرع ناس شفتهم يجون ويكتفون من كمية المشاوي
فيه جلسات خارجيه ايضا بس بما ان الجو مايساعد وبرضو مكشوفه افضل الجلسه جوا
بالنهايه هنا الجلسات اللي تحت
وانتهى تقريرنا لهذا اليوم امله انني قدمت مايرضي فضولكم لمعرفه هذا المطعم الراقي
دمتم بكامل صحتكم وسرروركم وعافيتكم
متنفس
ياسحاب على الساحل مشى بالمزون
نور برقه يبشر بالحياه من بعيد
تنثر الماء مزونه فوق مرعى الضعون
كل ما مات عشبه نبت عشب جديد
ربع القلب وأثمر يوم شفت الغصون
بين هاك الروابي تايهات تميد
ريف قلبي وروحي شوف نجل العيون
ساعةٍ مع حبيبي كنها يوم عيد
كل شيٍ يهون الا الغلا مايهون
كل ماصدّ عني شفت حبه يزيد
من فقد نور عينه صار فيه مغَبُون
مايلام المولّع لا بِكي من يرد
ترى مش الكل يعرف الشرقيه زين
وين موقعه لو سمحتي
نبي هذا