البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ناوي غرامك
13-12-2022 - 09:57 am
السلام عليكم ومساكم الله بالخير ياهل البحرين
بغيت استفسر عن المطاعم الشعبيه بالبحرين مثل احسن مطاع حق الجباتي والسمبوسه وبعد لاهنتم خباز هولي حق الخبز مال اول اللي كان بالشرقيه
واي اضافات منكم تشكرون عليها


التعليقات (7)
ناوي غرامك
ناوي غرامك
مسامحه وبعد مطعم قلقامش وين مكانه ؟؟

mahmeed99
mahmeed99
وعليكم السلام
يا هلا ومرحبا بك في البحرين، اماكن السمبوسة والجباتي في البحرين كثيره وما في اماكن محدده بس عندك مثلا في عراد محل سمبوسة عبدالقادر معروفة ومشهورة ... وعندك مكانين للسمبوسة بالقرب من جمعية التربية الاسلامية (نادي الخليج سابقاً) وفي محل جديد في منتزه الأمير خليفة اسمه كرك وجباتي... عندك بعد آلو بشير في سوق لمحرق ... وترى محلات السمبوسة مثل قلت كثيره في البحرين أغلبها في لمحرق وعراد والمنامة...
أما إذا كنت تقصد مطاعم شعبية فعندك مطعم زعفران بسوق لمحرق وفي فرع ثاني بالرفاع عند قلعة الفاتح.. ومطعم بن رشدان في منتزه دوحة عراد... ومطعم البادكير في منطقة عراد ... ومطعم الليوان في جزر أمواج ...
بالنسبة عن الخباز عندك في منطقة لمحرق بفريج البنعلي وفي منطقة الحجيات بالرفاع الشرقي وعندك خباز مميز في منطقة بوكواره جريب من the walk مب هولي بس يسوي انواع من الخبز عجيبه وغريبه اسمه خباز الأبواب السبعة أو خباز السبعة أبواب..
بالنسبة مطعم جلجامش ما عندي فكره عنه بس سمعت عن قاعة جلجامش للأفراح في فندق راديسون بلو على ما اعتقد

ناوي غرامك
ناوي غرامك
يعطيك العافية اخوي محمد ومساحة على التاخير في الرد

mahmood_almuhanna
mahmood_almuhanna
كل اللي تبيه تحصله في سوق المنامة الشعبي (باب البحرين)
يعني السمبوسة والجباتي والخبز الإيراني والفطور الشعبي تحصله إذا توغلت شوي بالسوق وهلون أما إذا تبي الفطور الشعبي بس بطريقة راقية وعلى طريقة المطاعم ال5 نجوم فعليك أنك تروح باب البحرين وتدخل المول الخاص ( باب البحرين مول ) اللي بيكون على اليمين وتروح محل اسمه زعفران
+

ناوي غرامك
ناوي غرامك
تسلم اخوي محمد بس سؤال لاهنت باب البحرين ماغيره او في مكان ثاني ؟؟؟ لأني جيته من زمان لقيت فيه محلات عادية بس مافيه شي شعبي

mahmood_almuhanna
mahmood_almuhanna
ناوي غرامك
اي باب البحرين ما غيره ... الحين عدلوه وسو مجمع على شكل سوق شعبي (صغير) هاي فيه زعفران واذا تبي الخباز والسمبوسة امش كله سيده من الباب حوالي 200 متر او اكثر وفي هالدواعيس بتحصل الخباز والسمبوسة واسال الهنود اللي اهناك ومن المحلات الشعبية الو بشير / قهوة المسيلة وإلخ

ناوي غرامك
ناوي غرامك
حلو حلو سبق زرته باب البحرين من زمان بس ماعجبني وماطبيته من يومها الحين اشتقت لزيارته من كلامك ماقصرت اخوي محمد يعطيك العافية


خصم يصل إلى 25%