الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
تقـآسيم الصباح
13-12-2022 - 02:12 pm
بسم الله الرحمن الرحيم
بعد انقطاع فتره عن المنتدى الجميل اعتذر عنه
وذلك بصدد زياره مفاجاه الى مدينه الضباب تابعه لعمل زوجي
اشتقت كثيرا للقراءه هنا والتمتع بالمعلومات السياحيه التي تنقصني
ونشر معلومه بسيطه قد تفيد غيري وقد يكون في حاجه لها
وكل ما اطلبه دعاء لي في ظهر الغيب بالتوفيق والسعاده الدائمه
بعد المقدمه الطويله هذي وانا لا اجيد فن المقدمات والتحدث المطول
ولكن كل ما اكتبه هو نثر من فيض ما اشعر به واعتذر عن اي خطا تعبيري او املائي
لانني بصراحه لا اقوم بمراجعة ما اكتبه ابدا
اليوم موضوعي او تقريري سيكون عن فندق من فنادق الخبر الجميله
وهو فندق ميكور
الفندق جميل ومنظم الاسباب التي جعلت اختيارنا يقع على هذا الفندق اسباب
من اولها حفل زفاف اخت زوجي والذي تقرر ان يكون في فندق المريكور
اتجهنا الى الفندق وحجزنا غرفه عاديه دبل روم بحيث راح نحتاجها وقت الراحه ولبسي والنوم فقط
وباقي الوقت كله راح اكون مع العروس بجناحها لانها قريبه مني حيل واعتبرها اختي واكثر
التنسيق كله كان علي الورد والطاولات والصاله يعني وقتي كله كان اغلب الغرفه
ام اول شي ندخل نشوف اللوبي
جلسات متفرقه في كل مكان
اناقه وكلاسيك
جلسه جانبيه جنب المصعد
وهنا الممرات الموديه للغرف
الغرفه
السرير
زاويه فيها مكتب صغنن
التلفزيون فيه ترحيب باسم زوجي وهناك جالسه جانبيه
المكتبه
هنا الكوفي ميكر وملحقاته
دوره المياه الله يكرمكم
وطبعا طبعا بس حطيت اغراضي في الغرفه وصورت نزلت
غرفة الاحتفالات اللي بتنزف فيها عروسنا
مشينا هنا
وصلت ههنا
لوحةارشاد وتوجهت للمكان مباشره
دخلت وتفاجات باللي اشوفه المكان كان مثل ماتمنيت واكثر يفتح النفس وريحة الورد تملى المكان
والعاملات كانو متوزعين بكل مكان وكانت تشرف عليهم سعوديتين ولبنانيه
شغلهم يفوق الوصف ماقدرت اصور المكان كامل بحكم انتشار العاملات
بس اخذت كم لقطه لاني بالليل مراح اقدر بسبب تواجد المعازيم طبعا نشوف مع بعض
الورد والفازات الشموع شي راقي جدا جدا
هنا طاولات مخصوصه للاهل بلون مختلف
مغلفات ع الطاوله
انشغلت مهم اغلب الوقت دقيت ع زوجي اني بصعد اريح شوي بعدها اروح جناح العروس صعدت وحسيت اني جوعانه شوي طلبنا قهوه ونوعين حلا والشهاده كانو ممتازين وماتاخرو ابد بالطلب
في هذا الوقت دقيت ع العروسه اطمنها اني موجوده ونزلت اشرفت ع كل شي وكل شي ع مايرام
وشوي بروح لها جناحها وصل طلبنا
القهوه ريحتها منعشه
الحلا الشوكلاته طلب زوجي بما انه يحبها
وانا طلبي فواكه بما اني افضلها عن الشوكلاته ولو اني الحلا بشكل عام مو ضمن اهتمامي
وابتدت التجهيزات زوجي منهمك في الشماغ
ولازالت تلك العيون ترميني في مقتلغرابة اللون وعمق النظره .. آآآه كم اعشقك ياعيونه ..
رحت جناح العروس
سويت شعري بس عند الكوافيره اما مكياجي فتحت عدتي
وتوليت امر نفسي بما اني ما احب المكياج الكثير وماخذه دورتين بلبنان ودوره في لندن للمكياج
ماعلينا بعد ماخلصنا حوسه والزواج كنت في منتهى التعب دقيت ع زوجي وقلت له اني بصعد الغرفه ارتاح
واكيد هو بينشغل شوي قبل مايصعد لانه ع اساس بيوصل اخته وزوجها للمطار بنفس الليله ف انا راح اسبقه لاني تعبانه
دقيت عليه رد بعد مكالمتين تقريبا وحسيته مشغول استاذنت منه اني اصعد وقالي انه بيجي ياخذني يوصلني
قلت له لا مايحتاج بصعد عادي لاتشغل نفسك واصر انه يجي بنفسه بس بعد ربع ساعه
اضطريت اني انتظره وبعدها دق علي وفعلا صعدت وانا ماسكه الكرت بيدي
ناظر فيني وهو مبتسم ايش الكرت اللي عندك قلت له كرت الدخول حق الغرفه
مد يده واخذه مني قال خلاص ذا ماله داعي
ناظرت فيه مش فاهمه ليش عندك كرت ثاني يعني هز راسه بالايجاب
واحنا صاعدين مالاحظت شي لان راسي يفتر من الحوسه اللي اليوم وغير كذا مغطيه وجهي كله
بس دققت قلت فارس غرفتنا مو من هنا قال الا بس انتي تعبانه شكلك ومش مركزه فتح باب ثاني وكنت متاكده انه مش بابنا
قالي تفضلي
دخلت وتفاجات بانه كان مسوي لي مفاجأه حلوه مغير الغرفه لسويت حلو وغير كذا مزين المكان
قلي يا فجر ضوى
وين ياخذنا الهوى
ليه نسأل والسفر.. في بداياته
المهم نبعد كثير.. عن نهاياته
قلبي بالشوق ارتوى
وين يأخذنا الهوى
أنتي أحلامك بحر.. ملحه دموعي
وأنتي جروحك قمر.. ليله ضلوعي
وأنتي يا عمري الهوى
وين ياخذنا الهوى
أنا أحبك ما أبي.. للوله آخر
الحزن يوم مضى.. والفرح باكر
دام أنا وأنتي سوا
حنا يا عمري الهوى
ناظرت لحظه لحظه نفس الورد ونفس التنسيق اللي تحت
صار يضحك ايههه نفسهم ماشفتيهم استاذنو بالعصر ورجعو ثاني
هزيت راسي قال ايه جبتهم هنا يزينون المكان
ضحكت وانا اقول وش عندهم وين بيروحون
طبعا نسيت اصور مره والكاميرا فضى الشحن بس الحمد لله ان زوجي صور قبل ادخل لقطات ع السريع وبما ان الصور فيها خصوصيه كثير واسمائنا تنقيت بعض الصور
بس زوجي مو حريص زينا نصور كل شي خ عموما
هذي بعض اللقطات نفس الغرفه بس ع اكبر والحمام الله يكرمكم فيه بانيو
وتورته صغيره بما اني افضل باسكن
وهديه ناعمه مثل ما احب
أحلى من العقد لباسه ..
يزها بها العقد في جيده
الماسة تلبس الماسه ..
ما زادها الجوهر تزيده
سيد الغنادير ياسيده
الشي اللي احلى ن هذا كله شكري ع وقفتي مع اخته وكان هالشي بهذي المناسبه
شي حلو لما تحس ع تعبك تقدير لك ولفته
يروح كل التعب وتحس بقيمه اللي سويته فعلا نتمنى للعروسين حياه سعيده وهانئه
وبعدها نمنا بعد ليله مرهقه واليوم الثاني نزلنا نفطر وهنا بوفيه الافطار حقهم
المدخل
كان حلو ومتنوع بس انا ماحب اكل كثير ع الصباح
الاومليت وهذا اللي اكلته
صحن فواكه وهات كيك
فول
هنا البحر جنبا
الزجاج وسخ خاطري اجيب لهم ميري تلمعه خ
خرجنا وكانت سيارتنا تنتظرنا عند المدخل الرئيسي
ع فكره فيه باب جانبي ونحنا خرجنا وجينا للسياره من الباب الرئيسي
بكذا انتهى تقريري لهذا اليوم اتمنى انه نال اعجابكم
اعتذر عن كثر الهرج والحكي بس كان ودي اعطي الموضوع حقه
واشارككم شي مره اسعدني وفرحني
واتمنى السعاده والتوفيق لكم
كالعاده ضيافتكم معي وخصوصا بمناسبه زواج حماتي
دمتكم بكامل سروركم وصحتكم وعافيتكم
متنفس
أيامي لكِ.. أنت يا كل الناس
وحياتي لك.. يا عذبة الإحساس
وتسأليني
عن لحظه من وقتي
عشان تقولي إنك اشتقتي
وأنا أصلا كلي لك
وأيامي لك وحياتي لك
أنا عايش لأجل نظرة من عيونك
وش حياتي يا رجا عمري بدونك
يا بعد روحي ويا كل من أشوفه
يكفي قلب إحساس خفاقك وخوفه
حبيبتي.. حبيبتي
ليه تسأليني هالسؤال
وأنتِ أدرى في شعوري بكل حال
وتسأليني
عن لحظة من وقتي
عشان تقولي إنك اشتقتي
وأنا أصلا كلي لك
وأيامي لك... وحياتي لك
الله الله يا هاللحظة الله اللي أسمعك فيها
ردت لي روحي يا روحي وأجمل معانيها
يا أغلى إحساس.. فرحني وبكاني
خذني عن الناس.. خذني لعالم ثاني
وبتسأليني؟
عن لحظة من وقتي
عشان تقولي إنك اشتقتي
وأنا أصلا كلي لك
وأيامي لك.. وحياتي لك


التعليقات (9)
فيصل
فيصل
عودا حميدا
اسال الله لك التوفيق والسعاده مع زوجك
ويوفق حماتك وزوجها
صراحه تصويرك هو الاحلي عاد
الحين اسمه شماغ او غتره
حلوه المفاجأت والتقدير صراحه يبعث السرور
تستاهلين كل خير
نورتي

tab_el
tab_el
ماشاء الله .. الله يوفقهم ويرزقهم الذرية الصالحة .. ويجعل حياتهم سعادة في سعادة
ويوفقك ويسخر لك زوجك ويوفقكم في دينكم ودنياكم
أعجبني التصوير مدري هو من الكاميرا ولا الخبرة تلعب دور
بكل الاحوال .. تسلم الأيادي

مــــــــــسافر على طول
مــــــــــسافر على طول
الله يوفق العرسان تصوير رائع
شكرا

زائر
فيصل
تسلم اخوي
اللهم امين شاكره ومقدره نبيل دعائك
شهاده اعتز وافتخر بها
ام ههه ولازلت اقول عن كل شماغ شماغ
ان شاء الله وصلتك الفكره خ
مع ان زوجي نادرا جدا جدا يلبس الشماغ
اغلب وقته غتره اذا بيلبس بس دائما حتى اذا جبتها اقوله الشماغ
يرد علي مبتسم غتره وارجع اخطا
التقدير افضل مايشعر الانسان بقيمة مايقدمه
وان اخذ كل مايقدمه كل وقته يقابله ولو كلمة شكر
يشعر بأنجاز ماقام به
شاكره ومقدره حضورك واطلالتك
دمت كما تحب
كل الورد

زائر
tab_el
اللهم امين
شاكره ومقدره نبيل دعائك وامنياتك التي اتمنى لك بمثلها
والله مدري
ولكن اشكر لك جميل ثنائك
الله يسلمك
شكرا لتواجدك دمت كما يرضاه المولى
كل الود

محسن58
محسن58
نقل روعه
كلمات النهايه ابداعيه ساحره
موفقين المعاريس
شكرا لجهدك
تحياتي

زائر
مسافر على طول
اللهم امين
شاكره ومقدره اطرائك وتواجدك
كل الود والورد

زائر
محسن58
كلك ذوق اخوي
التوفيق حليقك ايضا
شاكره ومقدره تواجدك واطرائك
دمت كمآ يرضاه المولى
ردي وعبير وردي

الحوسني
الحوسني
عودة حميده وتقرير رائع وصور جميله للفندق ،،، تحياتي لك


خصم يصل إلى 25%