بسم الله الرحمن الرحيم
السلام عليكم ورحمة الله وبركاته
واللي عنده اختبار يقوم يذاكر ويخلي عنه الخنبقة
طبعا ازين اوقات التمشيات هي اوقات الامتحانات انت تتمشى وغيرك ماكل هوا شوي يذاكر شوي يسب المعلم او الدكتور وانت تتقلب في نعمة انك افتكيت من الدراسة
المهم ماعلينا ...والله يوفق الجميع وينجحون ويجيهم نجايح
المهم ومع اجواء الامتحانات قلت اعزم ام عبود هالخميس وقلت تجهزي عازمك في الرياض لاننا من سكان القرى نبي نتغدى ونرجع ويمكن نجلس ليلة ...وصرفنا الشباب عند اخوالهم ومشينا ظهر الخميس ودرجة الحرارة لاتسأل كم
وصلنا الرياض ورحنا لبانوراما ودخلنا مطعم لمبرجيني وتغدينا ويالله لك الحمد وقلت يالله نرجع لاهلنا بغت تصفقني ونروح مع خريص على السفارات والا هذا المذكور
ونوصل للمدخل ونسلمهم السيارة ويعطونا كرت للسيارة وندخل
وعلى الاستقبال عشان نسوي دخول
وابلغه بحجزي من بوكينق
ويعطيني كروت الجناح
واعطيه كرت الشنط عشان يوصلونها للجناح
كرت بكرت
ونتوكل على الله ومع الاصنصير للدور الرابع وكل شي واضح مايحتاج احد يدلك
الجناح عبارة عن غرفة وصالة ودورتين مياه اجلكم الله
وهذي صور الصالة
الى اللقاء في الرد القادم بعد قليل
وهذي صور الغرفة
تلين عقب المشوار
هذا تلفزيون الصالة وفيه في الغرفة بعد واحد يعني لاتتهاوشون
الباب على اليمين باب دورة المياه
وهذي صور من دورة المياه الله يكرمكم وفيه صور ثانيه بس نسيت اعدلهن مع ملاحظة انه لايوجد شطاف
وشوي الا ماقصروا الجماعه وجابوا الضيافة عبارة عن طبق كبير فاكهة وصحن حلا شرقي
نشوفكم بعد صلاة العشاء ان شاء الله