و عليكم السلام
النظام تطلع الفيزا من الدولة الاكثر اقامة
اذا بتطلعوها من المانيا لازم حجوزات وهمية
لان المدة فيها حسب مخططكم اقل
بس عندكم وقت كافي لعملها بشكل نظامي
بطاقات فيزا مايحتاج
حجوزات فنادق لازم لكل واحد بس ممكن اذا اثنين ساكنين بغرفة
تقدمون نفس البرنت بس موضح فيه لشخصين
طلبات الشنقن مذكورة باكثر من موضوع بالبوابة

يا هكونا متاتا
وش هذا اللعب اللي انتو تسوونه؟؟
رتبوا أموركم بشكل منطقي ومحدد عشان ما تواجهون عقبات في سفركم
متاتا
ركز الله يرحم والديك
كلكم تقدمون على أخذ موعد فيزا من السفارة الألمانية كل واحد برقم جوازه بشكل مستقل
بعد ما تحصلون على الموعد المحدد للحضور عليكم تجهيز الآتي
تعبئة نموذج التأشيرة المكون من 4 ورقات موجودة في الموقع
استخراج تأمين طبي من أحد الشركات مثال التعاونية تقدرون تطلعونها أونلاين
حجز طيران مؤكد للإحتياط رغم إنهم ما يطلبونه منكم
حجز فندق في ألمانيا ويجب أن يكون أطول مدة للحجز تكون في ألمانيا سووا حجز وهمي بعدين الغوه
تعريف بالراتب من جهة العمل باللغة الانجليزية موضح فيه الاسم حسب جواز السفر
صورة من جواز السفر
صورتان شمسيتان مكشوف الرأس والأذنين واضحه والخلفية بيضاء المقاس 3.5×4.5 تأكد من المقاس
بعد ما يستلمون الأوراق والجواز يطلبون منكم مبلغ وقدره الدفع كاش ريال ينطح ريال
يعطونك إيصال باستلام المطلوب واستيفاء الشروط
بعد ثلاث ساعات تجيك رسالة على الجوال إن أوراقك أرسلت للسفارة الألمانية
بعد عشرة أيام تجيك رسالة تقول: اذهب للمكتب لأستلام الجواز والفيزا الفيزا ورقة ملصقة على أحد أوراق الجواز
وسلامتكم
ورحلة سعيدة

يا هكونا متاتا
نسيت شي اذكره لك
بعد ما توصلون ألمانيا إن شاء الله على خير وبسلامة
تقدرون تروحون لأي دولة من ضمن الاتحاد الأوروبي
لكن هناك ضرائب في بعض الدول خصوصا في الطرقات
اذا استأجرتوا سيارة اختاروا ديزل أرخص لكم البنزين غالي مررة
انصحكم بما إنكم مجموعة من العناصر الفكاهية الشقردية
أن تأخذون معكم جهاز قارمن الدليلة عند الضياع
وأدخلوا فيه الخرائط الاوروبية
قبل تسافرون لألمانيا لا تنسون شي مهم
اليورو على شكل عملة معدنية لأن العربيات
بفلوس ما فيه شي بلاش
ولا تشتغل العربية الا بعد ما تبلع يورو
اذا وقفتوا عند الجوازات لا تصفون جنب بعض
كأنكم عند مصرف الراجحي
النظام نظام
فيه خط احمر ما تتجاوزه إلا بعد ما يخلص اللي قدامك ويناديك الموظف
///////////////////////////////
ملاحظة خاصة ولا تعلمون أحد
خوذوا معكم أكياس بلاستيك مثل اللي نحط فيها الأغراض في بنده أو العثيم أو كارفور
الأكياس هناك بفلوس ما فيه شي بلاش
ولا تكثرون من الملابس والعفش اللي ماله داعي ، الكشخات مالها لزوم
كلها ثلاث بناطيل وقميصين وانت ماشي
اذا سكنتوا في فندق طبعا ما فيه غسالات ولا نشافات
انتبهوا تروحون تغسلون عند المغاسل
غسيل وكي البنطلون ب90 ريال
غسيل وكي القميص ب80 ريال
هناك فيه محلات غسيل ذاتية.. تجيب ملابسك وتغسلها بنفسك
بربع القيمة وأصح وافضل على الأقل انت تشرف على غسيل ملابسك
كلها نص ساعة وانت مخلص
نجي للجوالات وما أدراك للجوالات
قبل السفر بيوم فعلوا خدمة الابتعاث عشان تستقبلون الاتصالات مجاني
رسوم الخدمة(30) ريال بالشهر
بس بعد ما ترجعون لا تنسون تلغون الخدمة.. والا بتواصل تحسب عليكم
اذا أنتم من مستخدمي النت بشكل مفرط
خذوا شريحة وحدة بيانات لمدة شهر تقريبا ب40 يورو
واشبكوها في آيفون وخلو الأيفون يكون مزود للخدمة لكم نقطة اتصال
وادهرو
الطقس ضروري متابعته يوميا عن طريق الفندق أو موقع الطقس
weather نقيطه كوم
بيجيكم مطر احرصوا على اخذ الأمبريلا
هذا ما عندي الحين
اذا تذكرت شي بسدحه لكم
رحلة ممتعة

الله يسعدكم ويوفقكم ...
النقاط اللي قلتوها كلها اخدتها بعين الاعتبار ...
والله ييسرها ...
مشكورين وما قصرتو والله يعطيكم العافيه
فديتكم