- 5-اذا نزلت من التاكسي تأكد من كل اغراضك معاك
بسم الله الرحمن الرحيم
السلام عليكم ورحمه الله وبركته
شباب هذي بعض النصايح للي بروح تايلند وخاصه الي اول مره يروح , بسم الله نبدأ :
1- اذا احد اذاك بأسلوبه او تصرفه نصيحيتي طنش , وهذي نصيحه خاصه للشباب , لا تدش في مشاكل
2-"لا تكاسرفي السعر اذا ما عندك نيه تشتري من الأصل , وفي نفس الوقت اذا بغيت تشتري شغله(وخاصه اذا ما عليها سعر مكتوب ) كاسر في السعر لي قاع" - ترا السعر الي يعطيك اياه في البدايه اكثر بكثير من السعر الي هو يبي يبيعا (50-80% اقل)
3- لا تركب توك توك في بانكوك - هذي نصيحتي وانت كيفك
4-اذا ركبت تكسي تأكد انه يشغل العداد ( لتحصل على افضل سعر) او على الأقل اتفق معاه على السعر قبل ان تركب (علشان لا يغشك )
5-اذا نزلت من التاكسي تأكد من كل اغراضك معاك
6-لا تسخر من ملك تايلند او اصنامهم - راح تدش في مشاكل كبيره تصل للاعدام
7-نصيحه اشتر شريحه اتصال وفيها انترنت - حتى لو قاعد اسبوع ترا رخيصه حيل (سعر المكالمه من تايلند الى الكويت 5بات ) واذا بتي تتصل دولي ادخل رقم 00500 لتحصل على سعر اقل للدقيقه وبعدين ادخل رقم الفتح للدوله بعدين الرقم الي تبيه (مثال :0050096512345678)
8- صرف فلوس في دولتك قبل الذهاب لتايلند - راح توفر كثير - وعند قيامك بعمليه سحب كي نت , يخصمون عليك 150بات لكل عمليه + عموله 2% او اكثر حسب البنك
9-اذا اجرت سيكل او سياره مع تأمين - شركه التأمين لن تأمن لك اذا ما عندك ليسن تايلندي - فإذا سويت حادث (لا سمح الله ) انت راح تدفع كل شي - فدير بالك لا يقص عليك الي بأجرلك - تقدر تطلع ليسن تايلندي في 6 ساعات ويكلف 300بات وجذي ترتاح
اسف على اي خطأ يبذر مني وهو مسحوب مقدما
هذا وللحديث بقيه ان شاء الله
يعطيك الف عافية على هذا المجهود الطيب.
تحياتي لكم ""