كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بين الذكريات
06-07-2022 - 02:11 am
السلام عليكم
رتبت جدول اول محطه لي في ماليزيا الي هي سيلانجور والحمدلله لانها سهله ويومين بس
والحين جا دور لنكاوي وداخ راسي وانا الف على المواضيع بالمنتدى
يمكن تقولون لنكاوي سهله بحكم انها صغيره
بس الي معاه اطفال يفكر كيف راح تكون تنقلاته سهله وامنه في نفس الوقت
زي مثلا اول شي
رحلة المانقروف احسها غير امنه للاطفال لان عندي بنت عمرها سنتين ونص واخاف انها تخاف من كهف الخفافيش لانه مظلم وغير كذا اخاف عليها لانها حركيه فأخاف انها تتحرك في القارب كثير وتطيح بعد الله يحفظها لذلك استبعدتها
ثاني شي الشلالات قريت انها متعبه للاطفال وانه حقت كوالا احسن لذك استبعدتها كذلك
ثالث شي الفورملا عجبتني بس ما تفتح الا السبت والاحد وانا ماشيه منها الجمعه فاستبعدتها
رابع شي حديقة الفواكه قريت في المنتدى انه السياره الي بنركبها في الحديقه خطيره فاستبعتها
خامس شي قريت انه الاكواريوم وحديق الطيور والفراشات حقت وكوالا احلى فاستبعدتها كذلك
سادس شي حديقة التماسيح ما شدتني وقريت انه ريحته معفنه فاستبعدتها كذلك
سابع شي مزرعة الخيول عجبتني بس حسيتها للي عندهم خبره في ركوب الخيل فقط فاستبعدت
وبكذا خلصت الاماكن ومافي شي اروح له بلنكاوي الا التلفريك والقريه الشرقيه
وين اروح بلنكاوي وانا قاعده فيها ثلاث ايام
اخ ياراسي
ارجوكم ساعوني


التعليقات (9)
abohamad1
abohamad1
وعليكم السلام ورحمة الله وبركاته ماشاء الله عليك استبعدت كل شي مابقى الا النشاطات
البحرية اذا مانت راعي نشاطات بحرية بعد انصحك ماتروح لينكاوي
فيه جزر قريبة من لينكاوي تقدرتروحلها بالقارب هادية وجميلة حسب ذكر بعض الاخوان لها
وان شاء الله يفيدك احد الخبراء في ماليزيا
تروحون وترجعون وانتم بأفضل حال

Mercure
Mercure
أختي...
اذا على المخاطره حتى التلفريك فيه مخاطره والسباحه في المسبح أو الشاطئ فيه مخاطره..
يعني مابقى الا النوم في الفندق والتسوق في المولات اللي مافيهم مخاطره باذن الله طبعا ... أقول توكلوا على الله فهو خير حافظ
زين ماخبرتينا عن برنامج بينانق

شموخ عتيبة
شموخ عتيبة
يسعد صباحك عزيزتي ..
ما بقي شي من النشاطات ما استبعدتيه !!
بالنسبة لرحلة المانغروف تقدرين تلغين كهف الخفافيش , أنا في رحلتي ألغيته لأني ما حبيته واتجاوزناه يعني مو إلزامي ..
بصراحة المانغروف أهم نشاط في لنكاوي ..
وفيه كمان القرية الشرقية والتلفريك .. ورحلات للجزر المجاورة كما ذكوا الأخوان ..
جولة في كواه .. واستودعي الله نفسك وأطفالك والله خير الحافظين ..
أتمنالك رحلة ممتعة عزيزتي ..

بين الذكريات
بين الذكريات
Abohamad شكرا على المشاركه انا نسيت اني اقول لكم اني اخاف من الجت سكي مع اني ركبته قبل 12 سنه في يينانج والباراشوت قريت كم واحد في المنتدى طاح منه

بين الذكريات
بين الذكريات
Mercur شكرا لك على المشاركه بالنسبه للمسبح انا اخذت فيلا بمسبح بالويستن وما اكذب عليك افكر اني ألغيه عشان بنتي اخاف يكون كله مستوى واحد وعميق او انها تروح له وانا غافله والتلفريك ركبته في النمسا ما خفت منه

بين الذكريات
بين الذكريات
شموخ عتيبيه
شكرا عالمساعده
بدأتي تقنعيني برحلة المانغروف بس اذا حبيت الغي كهف الخفافيش واطعام النسور وكهف التماسيح اذا كان معاي سياح في القارب ما راح اقدر
وبالنسبه للقريه الشرقيه والتلفريك حطيته في الخطه

بين الذكريات
بين الذكريات
وبالنسبه للقارب في رحلة المانغروف هل هو واطي اا عالي

عيش الاخرة
عيش الاخرة
اهلا بك اختي الفاضلة
واضح كثير انك خايفه ومشدودة من الرحلة وكما قالوا لك الإخوة والأخوات إذا كنت تفكرين باهذا الأسلوب لم يبق لك الا التسوق والجلوس في شاطئ الفندق
توكلي على الله واستمتعي بالنكاوي ولكن كوني حريصة على الأولاد أو خذي الخدامة معك لذلك مع اني لاأفضل ذهاب الأطفال وخوصوصا الصغار منهم ..
وفقك الله في حل وترحالك

بين الذكريات
بين الذكريات
عيش الاخره شكرا على المشاركه بس انا ما فهمت ما تفضلين ذهاب الاطفال الى لنكاوي او للسفر كله


خصم يصل إلى 25%