السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رعبــوب
03-12-2022 - 11:10 am
بسم الله الرحمن الرحيم
اخواني انا كنت حاجز سيارة صالون 9 ايام من مطار ميونخ الاستلام والاسترداد في محطة ميونخ الرئيسية بميلع 2700 ريال شامل تامين شامل
شفت كذا ترجبة لاحد الاخوان حجزو عن طريق مكاتب سكست الي بالخبر وشخص اخر حجز عن طريق سكت الرياض يعني الفروع الي بالمملكة ارخص بمبلغ مجزي وخصوصا الي ماخذيين السيارة مدة طويلة استفادو كثير
المهم انا اخذ الفوتشر حقي الي من النت وذهب الي سكست الخبر قابلني موظف ودود خلوق محترم جدا متعاون اسمة احمد هندي قلت لة بصراحة عندي حجز من النت قيمتة 2700 ريال 9 ايام عندك لي عرض افضل من كذا بكنسل الاول وبحجز من عندك قال اشكرك علي الصراحة وتفضل الرجال بكل رحابة صدر قال ببذل كل ما بو سعي عطيتة مواصفات السيارة والمكان وكل شي قال اسوية لك من النهاية 2200 ريال شامل تامين كامل وش رايك قلت لك مبلغ حلو من 2700 الي 2200 وفرت 500 ريال ولاحظو عدد الايام قليل لو اكثر كان جاني اكثر المهم اخوكم طمع الان ههه انا بخاطري سيارة كشف بس لقيتها من المطار فيها عيوب تهمني منها ان الكيلو محدود وهذا شي مهم عندي ابية يكون مفتوح وثانيا سعرها قبل شهرين كان غالي 3400 تامين شامل فلذاك صرفت النظر عنها قلت للاخ احمد الهندي كم سعر الكشف طيب وابيها ذا تخدمني يكون التامين شامل والكيلو مفتوح قال ابشر طق طق بالكيبورد قالي احسبها لك 2500 ريال قلت له احجز وانت مغمض اة اة يابعدهم ههه طقيت اصبع شوفو الفرق قبل 3400 الان 2500 ولا تامين شامل والكيلو مفتوح ,,,, الان اشوف عليها عرض 3000 بس الكيلو محدود ماينفع المهم من الشرووط الدفع عندة بنفس الفرع يعيك الفوتشر قال خلاص توديه لهم ويسلمونك السيارة مافيها اي مشاكل
العيوب ,,,,,, الحجز من الانترنت تقدر تكنسلة باي وقت بدون اي خصم
اما عند الفرع قالي لو كنسلت بتروح عليك قيمة 3 ايام
طبعا انا ماهمني قلت لة ان شالله برووح وان الله عاد غير الامور خلاص ما باليد حيلة وذا الوقت عاد الخاطر مايهمني فلوس ولا غيرة كثر اني ارووح وتتم سفتنا علي خير ان شالله
اتمني تجربتي تفيدكم وانتم اصحاب القرار وشكرا لكم


استئجار سيارة استئجار سيارت تأجير سيارات حجز سيارة تأجير سيارة
التعليقات (9)
رعبــوب
رعبــوب
هذا رقم سكست يا ياشباب نسيت اقولكم 038451020 ومكانهم طريق الكوبراري شارع الدمام الخبر الهاي وي الي من طريق شارع الببسي اول ماتوصل عند مجمع حايل سنتر خلة علي يمينك وانت جاي من الخبر رايح للدمام ادخل مع الاشارة يمين الي عند المجمع وتمشي طوالي الي نهاية الشارع ثم يمين ثم اطلع شوي قدام تحصل بنك ساب جنبة عمارة كبيرة كلها محلات تحصل من ظمنهم من الخلف مكتب سيكيت صغير مرة المحل يضيع والله يعينكم

فيصل
فيصل
جزاك الله خير
والله يا غالي السياره مثلها مثل الفنادق
قارن من بين المواقع كلم الفندق مباشره وشوف الارخص
السياره صراحه لو الدفع فوري ما اشوفه مشكله باذن الله
واشكرك صراحه علي ذكر التجربه موفق يا غالي

رعبــوب
رعبــوب
هلا وغلا اخوي فيصل هلا بمديرنا هلا بالبيق بووص ههه
اي والله ولا ومالك لوااء ازيدك من الشعر بيت علي قولة الاخوان الي يقولون احجز بدري والله انها خراطة كرمكم الله في حجوزات سويتها قبل خمس شهور من بوكينج واتفاجاء بعد 3 شهور ينزل سعر افضل من الي انا ماخذة بكثير مبلغ يسوي وبقوة ونفس الغرف بعد لا تقول فية شي غير
لازم احنا نسال زين مازين قبل ولا ننتكل علي شي معين

abu waleeed
abu waleeed
جزاك الله خير
بس على حسب ماقرينا من الاخوان ان سكست ماعندهم مصداقيه بحجز السياره يعني تحجز سياره ويعطونك على كيفهم
وسالفه التامين الي ضعف المبلغ مرتين شوي مبالغين
بس يورب كار ياخذون 40 بالمئه اتوقع من قيمه الاجار
وشكرا على حرصك

رعبــوب
رعبــوب
اي كلامك صحيح اذا ماحصلو السيارة نفسها يعطونك سيارة نفس الدرجة بنقس المواصفات والزين بسكست سياراتهم جديدة
وكلامك صحيح ايضا التامين حقهم مبالغ فية بس الزين فيهم فروعهم كثيرة والاكثرية تمدهم وتمدح سياراتهم جديدة موديل السنة
والخيار لك بالنهاية

abdulaziz10111
abdulaziz10111
السلام عليكم
اخوي كلام حلو
بس تاكد منهم هل التامين شامل لاني عندما كنت اريد ان احجز من مكتب الخبر حسب لي المبلغ وقال لي التامين الشامل تدفعه عند استلام السياره من اميونخ

TARZAN
TARZAN
رعبوب
اوقع على كلامك اعلاه بدون تفكير لانها صارت معي

TARZAN
TARZAN
طيب بقول لك تجربتي وودي اشوف رايك
دخلت موقع carrentals
وشفت لي سيارة حجم intermediate يعني سيدان وسط حق 5 كبار والدبه تشيل 3 شنط ملابس
الصورة اللي حاطينها صورة اوبل
العداد مفتوح
اما الشي اللي مو محدد هو الوقود يعني مو محددين بنزين او ديزل
الشركة Dollar
المده 15 يوم ب 405 يورو حوالي 2025 ريال ( هذا المبلغ ادفعه هناك بالمطار عند الاستلام)
اما التأمين الشامل شريته مقدما من carrentals بمبلغ 180 دولار يعني 675 ريال
يعني السيارة تكلف 2025+675 = 2700 ريال لمدة 15 يوم
اش رايك بالموضوع عندك ملاحظات على طريقة حجزي
الصراحه شاك بالتأمين هل هو معتمد أو لا؟!

ام محمد2030
ام محمد2030
شكرا لك على ذكرك تفاصيل ما حدث معك..بخصوص حجز الفندق انا حجزت شقتين في فيينا بسعر 1850 يورو وتفاجات من اسبوع ان السعر نزل 1600 يورو يعنى 200 يورو اقل وناويه اكنسل الحجز واغير الفندق..
الله يعطيكم العافيه.


خصم يصل إلى 25%