سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فــ الشوق ــارس
09-03-2022 - 07:28 pm
الاخوه الاعزاء الاعضاء السلام عليكم ورحمة الله
وبعد للي يبي يروح سوريا يرسل لي رساله خاصه وانا اعطيه معلومات عن افضل سائق لموزين يخاف ربه ما يغش وطيب وونيس وحبوب واللي تعطيه ما يزعل سواء عطيته ريال او خمسه او عشره يرضى بالقليل وصديق خاص لي وهذا رقم جواله للي يبي يتصل من خارج سوريا 0096393285602 واسمه اسامه عمره تقريبا 35 سنه واذا تبيه بعد ينام عندك ينام غير متزوج ومفرغ نفسه لاي مشوار له ما يقارب 100 صديق سعودي انا كل ما اروح سوريا اتصل عليه يستأجر لي شقه بمواصفات معينه وبالسعر اللي ابيه واحسن ما فيه اي مكان تدخل فيه سواء مطعم او منتجع او مقهى يدخل قبلك ويفاصل في السعر حتى ما يغشونك انا شخصيا اختبرته ووضعت مبلغ كبير امامه ابي اشوف ممكن يسرقه قام ورجع لي الفلوس وقال خذ فلوسك ترى ضاعت منك .... يعني الرجال نقاوه طبعا من اراده فليرسل رساله خاصه حتى اعطيه اسمي واول ما تقوله انا من طرف فلان صدقني راح تشوف معامله غير ،،،،، تحياتي لكم جميعا
فارس الشوق


التعليقات (9)
فيصل666
فيصل666
شكرا ف الشوق ارس
لو تعطينا وتقول لنا وين استاجر لك وبكم السعر
عشان الواحد يحسب ميزانيته ويزبطها

KABAYAN
KABAYAN
طيب أخوي فارس ليه ما تروح لوحدك للمطاعم اللي تروح لها أنت وأياه بس تروح لوحدك وتشوف الفرق بالأسعارهل هو مثل ما جابه لك او أقل أوأكثر ومن هذي النقطة راح تعرف صاحبك،،،
لأننا واجهنا صعوبات هناك والسعر يتغير عليك مجرد ما يكون معك سوري ،،، يعني يضيف 500 الى 1000 ليره عشان يعطونها له لأنه دلك على مطعمهم،،،
وبشرنا باللي يطلع معك لأننا محتاجين لهذي النوعية،،،

دب بس سريع
دب بس سريع
ابوي فارس ترى كثير منهم اسلوبه كذا على اساس إنه جاب لك أسعار خاصة واللي تعطيه مايطلب زرود خصوصاً في غير المواسم لاكن علمنا كم اسعار الشقق وموقعها والمواصفات وكم غرفة وكم اخذ عليك يومية السيارة واذاكنت رايح للمطاعم نظام البوفيه المفتوح كم جاب لك سعر الطاولة ولا سعر الشخص وإذا فيه شي بعد تحب تذكرة لنا كلنا هنا اذان صاغية لك

فــ الشوق ــارس
فــ الشوق ــارس
خوي فيصل ستات

فيصل666
فيصل666
متاكد
مساكن برزه ب 5000 ليره بالصيف
غاليه
علما بان هناك من يقول ان مساكن برزه ما تصلح مشاكل واشياء ثانيه تجرك الى المشاكل
اما التجار فانا اعتقد انه حي قديم
  • *

اغلب الشقق اللي بدمشق قديمه
ومن وجه نظري انها ما تصلح
لان الواحد بيسافر يبي يسكن في مكان راقي وفيه طبيعه مثل بلودان وزبداني
اي واحد عنده استفسار الاخ ف الشوق ارس موجود
وما راح يقصر
وانا بجهز لك كم سوال لاحقا
شكرا

دب بس سريع
دب بس سريع
ابوي فارس الشوق ماأفدتني بكم يوميه الشوفير والمطاعم مث لاً مطعم القرية أو الروابي ...وبكم يجيبلك الكولا امزح أمزح لالا نكتفي باليومية والمطاعم اللي ذكرت ومشكور

فــ الشوق ــارس
فــ الشوق ــارس
اخوي فيصل تصدق عاد فيه بعض الشقق على 8000 و10000 وفيه سعوديين ياخذونها وارسلي على الخاص وانا اقولك وين هي هالشقق وليه يدفعون هالمبالغ فيها
وبعدين مثل ما قلت مساكن برزه تكثر فيها المشاكل بسبب تواجد الشباب السعودي والشباب الكويتي فيها بكثره وانت عارف عاد المضاربات على الخناقات على البوليس السياحي و الخ
وبالنسبه لحي التجاره فأنا مو شايف انه حي قديم بالعكس فيه شقق افخم من الفنادق وبالنسبه للزبداني وبلودان فحقها 3 ايام او اربعة وبعد كذا تطفش وتبي تغير جو ....... ويا هلا فيك
اخوي دبدوب سريع مره يومية الشوفير ما تتعدى 800 ليره في الصيف وبالنسبه للمطاعم صدقني رخيصه رخص التراب ..... يعني لو عملت لك ميزانيه معينه للمطاعم مثلا خل يوميتك 100 ريال للأكل والشرب راح تكفيك انت وخمسه معك وبالنسبه للكولا ارسلي على الخاص وانا اقولك كم سعرها ;)
تحياتي وانا في انتظار اي سؤال عن سوريا

دب بس سريع
دب بس سريع
تكفيني انا وخمسة ....

الامل المجروح
الامل المجروح
مشكور جدا على المعلوماتا الهامه للايه لكن بغيت اسالك عن الوقت الحالى معلومات عن افضل الشقق وانا بكلم الشخص اللى ذكرته وابتكل على االله ثم على كلامك ثم على الشخص المذكور وشكرا


خصم يصل إلى 25%