كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AL-NASHMI
06-02-2022 - 10:00 am
  1. طبعا كان برنامجي كما يلي :

  2. وأفاموسا يالإخواني هذي حكايتها حكاية .......

  3. إرتحت شوي وقلت .. يالله دامها برخيص شبتطلع !! .....

  4. عرض السفاري :


السلام عليكم ورحمة الله وبركاته ....
وصلت قبل أسبوع بحمد الله من ماليزيا بعد قضاء 19 ليلة ... كانت رائعة بنسبة 80% ..... وال20% الباقي بقول لكم وين راحت :112:

طبعا كان برنامجي كما يلي :

  • ليلتين في سنوي لاقون - سيلانجور
  • 4 ليالي في هوليدي إن - بيننج
  • 4 ليالي في لنكاوي لاقون - لنكاوي
  • ليلتين في منتجع أفاموسا (الله لايعيده ) :112:
  • 7 ليالي في فندق رينسانس - كوالالمبور

وأفاموسا يالإخواني هذي حكايتها حكاية .......

بإعتبار أني مغرم بالطيران .... وسمعت أن في هذا المنتجع طيران شراعي .... بحوالي (100 رينجت ) قررت أني أسأل عنه ..... لكن ماحصلت معلومات كفاية عنه ... سواء عن طريق تجارب الاعضاء أو عن طريق بعض الاقارب اللي عندهم خبرة ....... كل اللي قرأته كان دون تجربة ... بأنه رائع وفيه أنشطة وعروض و ..... ولمن سألت عن سعر الغرف فيه قال لي المكتب بحوالي 240 رينجت :shocking: ...... بصراحة السعر كان مفاجأة ... وقررت للأسف حجز ليلتين فيه ..... خصوصا وان دعايات المنتجع مغرقة الدنيا .
طبعا نزلت الى مطار كوالالمبور ... وأخذت تاكسي الى أفاموسا ب180 رينجت ...... وبأعتبار ان المنتجع خارج البلد ...
  • وقفت في قرية قريبة من أفاموسا ... وطلبت من بيتزاهت ..... وسألت الموضف عن توصيل الطلبات ... فقال لي نوصل بس مانقدر نوصل لأفاموسا ...... طيب معقولة ماتوصلون لفنادق .....
  • وصلت الى المنتجع ..... ونزلت الشنط لأني ماحصلت أحد ينزلهم لي .
  • لمن دخلت الرسيبشن .. لقيت طابور طوييل .... والدنيا حوسة تقول كأنك ببقالة . حاولت بس أستفسر غرفتي في أي مبني , ويرد على بنفس شينة .. أوقف في الطابور بعدين أجاوبك
  • سويت الشيك إن ... طيب وين اللي ينقل العفش ؟؟؟؟ مافيه ومرة ثانية أشيل العفش الى الغرفة .
  • الغرفة اللهم ياكافي قذرة ... مافيها صندوق أمانات ... قفل البلكونة مكسور .... تطل على مكان مبنى تحت الانشاء .
  • كلمت الريسبشن وقالو لي عندهم صندوق أمانات تحت .... طبعا حطيت فلوسي والجوازات فيه ... وتخيل كل مرة دور لك موضف يطلع نعاك ويفتح كذا باب .. علشان تفتح صندوقك وتاخذ اللي تبي وترجع الباقي .

إرتحت شوي وقلت .. يالله دامها برخيص شبتطلع !! .....

  • توجهت للوتر وورلد - الحديقة المائية - ... حديقة متهالكة .... تصدقون حتى الالعاب الخطرة مافي عليها حارس !!!!! بركها قديمة والعابها أقدم ....
  • طلعت وقلت بدخل السينما اللي عندهم ... ولمن سألت قالو السينما داخل مدينة الكاوبوي ... علشان تدخل مدينة الكاوبوي حوالي 50 رينجت لمشاهدة العروض أو 60 رينجت للعروض + الالعاب ......
  • دخلت بعد ماأخذت البكج تبع بو 60 .... انا والمدام .. ودخلنا الى عرض الهنود الحمر ..... فكرت عندهم سالفة طلع العرض عبارة عن 3 هنود بنفخون في النار (يحط في ثمه بنزين وينفخ على النار ) وبس .
  • خلص عرضهم الماصخ .... وتوجهت الى عرض الكاوبوي ...... مافيه زود ,,, كأنك جالس في دعاية للمنتجع ... وفي الختام شوية طراطيع على العاب نارية ...... (هذي بلعناها )
  • خلال العرض تدخل راقصات بلباس الرقص العربي .... وهز وسط ..... تخيل الاحراج بجانب المدام ( كان بنام ذاك اليوم على الرصيف :biggrin: .... وتخيل إحراج اناس اللي معاهم أطفالهم .....
  • توجهنا بعدها للألعاب ...... إكتشفت أن العابها للأطفال الا ماندر ... ومافيها شي مميز .. وقليلة .... وأحلى شي اللي أهو التصويب ... بفلوس
  • بعدها توجهت للسينما ... الا عروضهم مخلصة ... وطبعا إدفع لتدخل
  • بغيت أصور بجانب الافعى أو الببغاء أو النمر .... .... ممنووع . لازم تدفع 11 رينقت علشان يصورونك ويعطونك الصورة ... ونفسهم الله بالخير شينة كأنك تشحت من عندهم
  • رجعت الفندق ..... وإكتشفت إختفاء جوالي اللي كنت تركته في جيب البنطلون ... وقلبت الغرفة فوق تحت ماحصلته وعندي شك 90% أن أحد سرقة من داخل الغرفة لكن بما أن الجوال رخيص - متخذ إحتياط - وعلشان ال10% قلت حرام أحد ينظلم .... عند ربك ماتضيع
  • طلعت ثاني يوم للفطور ... قالو لي توجه لقرية الكاوبوي .... فطورهم الله يكرم النعمة أهوه والقلة واحد ..... المكان قذر , في مسرح كأنك في مدرسة .
  • وأنا طالع من بعد الفطور سألت عن الطيران الشراعي قالو لي ب180 رينجت والوزن لازم 75 كجم أو أقل

عرض السفاري :

  • عرض الفيلة مالحقت عليه من الاول بس لحقت على الفيلة وهي تسوي مساج .... وفيها كمن منظر ماودي أقولها
  • التوير بقرب الفيلة ممنوع الا إذا إشتريت رسمة من اللي رسمهم الفيل -(نصب عيني عينك ) -
  • عرض الحيوانات ....... مقبول نوعا ما ... ولو انه دون المستوى
  • نفس الحكاية في التصوير مع الطيور ....
  • دخلنا السفاري .... السواق مستعجل حده مدري شوراه ... واللي يعلق نص نايم ..... والحيوانات ماقيه ذاك الزود ...
  • عرض الحيوانات لا جديد .....
  • عرض الكاوبوي قالو لنا أنه أحسن عرض ... وأنتضرنا في الحر ساعة ونص ... للأسف طلع عرض إستهبال وقلة حيا .... قصتهم إثنين كاوبوي يتصارعون على هندية حمرا ... وتمثيلهم بوس ومحاولة إعتداء وطبعا نص الجماهير ... أطفال
  • طبعا أنا وصلت عندي لين ال H وقررت أصل في الغرفة أرتاح لين ثاني يوم الصباح علشان آخذ تاكسي واتوكل على الله ..... قبل لاأدخل الغرفة سألت الرسيبشن عن التاكسي .. قال لي 350 رينجت بينما يوم أتصلت على صاحبنا راعي التاكسي اللي جابني قال لي ب220 رينجت

طبعا حمدت الله الف مرة على مرور هذين اليومين العصيبين ..... واللي أهم من أسوأ أيام السفرة ... وأقسمت ماعاد أطب هذا المنتجع ,,, وأنصح العير بعدم الذهاب اليه ....
طبعا هذا عن تجربة شخصية ورأي شخصي .... أحد الاقارب أيضا إستأجر فلة ... ويقول لي الوضع هناك سيئ جدا ... والمنتجع قذر .... .
  • المنتجع مستهلك جدا ..... وينقصه الفخامة والنضافة .
  • أسعار المنتجع مبالغ فيها جدا.
  • أسوأ شي وقت تحس أنهم يبون يبتزونك بأي صورة .

هذي النصيحة الاخوية لكم إخواني ....... أتمنى أن لاتقعو في تجربة مثل هذي التجربة ولا تغركم الاعلانات ... وأتمنى لكم رحلة موفقة .... .


التعليقات (9)
n_1661
n_1661
Welcome back
ووسع صدرك , الدنيا تجارب .

ديالا
ديالا
AL-NASHMI
هي الدنيا تجارب ما قلنا لا
بس نصيحة للمسافرين الي حب الي انذكر يروح والي ايامو هناك محدودة مايضيع وقتو بالمكان الكريه
انا بس رحت السفاري وعرض الفيلة في عرض قمة بالسخافة والقذارة مابعرف كيف سامحين فيه
ياريت رحت بكت تنجي ولا ضيعيت يومي هناك
شكرا لنصيحتك

واصل
واصل
شكرا لك لعرض تجربتك للاستفاده منها
ياليت كل من حصل تجارب سلبية يعرضها للاعضاء للفائدة وله الاجر والثواب
جزاك الله خير

bigbin609
bigbin609
الحمدلله علي السلامة
وانا توني واصل من السفر
بس الحمدلله اني مارحت لأفاموزا
لقيتها من البرامج والحمدلله

AL-NASHMI
AL-NASHMI
العفو إخواني ......
عموما أنا عندي شبه يقين أن صاحب المنتجع شخص هندي ...... لأن تقريبا كل اللي شغالين فيه إما هنود أو صينيين ........
لو قارنت بينها وبين بوكيت ميراه - صاحبها مسلم - لوجدت أن بوكيت ميراه برغم أنها اصغر لكن تعاملهم رائع جدا وأغلبهم مسلمين .....
حتى أذكر سألت واحد عن عرض الافاعي قال لي أنتهى بس أصبر شوي .... ثم طلع لي وحدة من الافاعي المدربة علشان أصور معها وسلمني إياها ... ويوم أنتهيت رجعتها له وخذها وأهو مبتسم .. وطبعا بدون مايطلب اي شي ...... .... بينما في أفاموسا , مايمديك تقرب ,, ولا حتى تلمس الا لمن تدفع ثمن يصورونك على الطاير وتوكل على الله .......هذا مجرد مثال

riyadh1972
riyadh1972
نفس الموقف حصل معاي . نصيحة حتي يوم واحد كثيرة عليها

a-k-j-2006
a-k-j-2006
مشكور اخوي على المعلومات وياليت كل واحد يسوي زي ماقال واصل (( يحط التجارب السلبيه ))

ابو ناصر
ابو ناصر
هلا اخوي
انا الصراحه ماسكنت افاموزا لاكن رحت لها بالنهار ورجعت بالليل ب250 رينجت وكانت من افضل الأيام التي قضيتها في ماليزيا

ونة خفوق
ونة خفوق
لي عوده ان شاء الله وانا اخالفك الرأي قليلا


خصم يصل إلى 25%