1. مالكم بالطويله

بسم الله الرحمن الرحيم
اخواني واخواتي السلام عليكم ورحمة الله وبركاته
انا توني جاي من النمسا قبل كم يوم من تاريخ 18 مارس الى 1 ابريل
وكانت رحله طيبه ولله الحمد على النمسا وكل شي حلو فيها وكذلك المانيا
ومثل اي رحله طيبه استمتعنا فيها ولله الحمد
بس حبيت اشارك بخصوص الخطوط الناقله وكذلك تأجير السياره لانها كانت تجربه من نوعين الخطوط كانت تجربه ناجحه اما تأجير السياره كانت تجربه فاشله نوعا ما

مالكم بالطويله

حجزت على الخطوط النمساويه رغم تخوفي منها لانها جديده وماقد شفت تقارير عنها وكانت الرحله من دبي الى فيينا والعكس صراحه خطوط قمه في الروعه ومثل درجه اولى في الخطوط السعوديه دون مبالغه سعر التذاكر 6600 ريال لشخصين كبار وطفلين يابلاش ويسمونها رد تكيت (red ticket) الي حجزت عليها حجزتها عن طريق مكتب احتياط واخذ 300 ريال زياده قلت اضمن في حالة الالغاء لاقدر الله كل شي في الخطوط حلو وعيبها الوحيد كانت توقيتها مو زين الاقلاع 2ونص الفجر والوصول فيينا 7 صباحا تقريبا بالنسبه لي لان السياره استلامها 10 الصباح بس قلت مايهم وانتظرنا مو مشكله حتى وجاء وقت الاستلام .
نجي لشركة التأجير صراحه قبل ماستاجر شيكت على كل المواقع وكنت ابحث عن الارخص وارخص شي لقيته على http://www.rentalcars.com/ كانت السياره فورد مونديو ديزل توكلت على الله واخذت السياره من عندهم رغم نصيحة بعض الاعضاء في انه افضل شي الاستأجر من شركة مباشرة افضل لكن قلت بجرب اول ماحجزت من عندهم خصموا الفين ريال حقت التاجير لمدة 15 يوم وبعدين اعطوني اسم الشركة الي استلم السياره منها ومشت الامور اوكي الى ان جاء وقت وصولي فيينا رحت للمكتب حقهم وكانت الشركة اسمها buchbinder في نفس موقع مكاتب التاجير الي بمطار فيينا الزبده اول ماجيت اعطيتهم اوراقي قالت لازم تدفع 800 يورو قلت ليش قالت حق تاجير السياره قلت طيب ماخذين انتو من قبل 2000 ريال حق التاجير قالت ماوصلنا شي يمين يسار قالت لازم تدفع ومايقبلون الا فيزا وانا مامعي الا كاش توهقت معهم بغيت الغي سالفة السياره لكن كل الخطه الي مسويها بوجود سياره فقمت دخلت على موقع الراجحي وحولت فلوس على الفيزا عشان امشي اموري عندهم واخذت السياره وبعدين كلمت شركة رينتال كار وقالو فلوسك الاولى موجوده للتاجير وهذي ال 800 يورو ياخذونها تامين شدعوى ياخذون دبل الدبل الي اعرفه دبل التاجير وبس المهم مشيت وقلت نتفاهم بعدين ويوم تسليم السياره سلمتهم وخصموا بعد حدود 600 ريال حق كفر خاص بالثلج وهذا متفقين عليه يوم اخذت السياره يعني الحين لي عندهم حدود 4000 ريال باقي معلقه وكل شوي ارسلهم على الايميل هم او الشركة الي ماخذ عن طريقهم ويقولون ياخذ الموضوع حدود شهر والله يعين ويسهل ان شاءالله يعني الي دفعته لهم 6600 ريال تقريبا بياخذون 2600 ويرجعون الباقي ان شاءالله بس مدري متى
خلاصة الكلام وعذرا على الاطاله افضل شي لاستئجار سياره يكون من شركة مباشرة مثل يوروب كار او سكسيت او الشركات الكبار المعروفه لانه هذولا مو واضحين ويمكن يطلعون لكم بشي مو عالبال او الخاطر مثل ماصار معي ويخرب ابو الميزانيه والحمدلله كنت عامل احتياط فلوس للاشياء الطارئه .
عموما اعتذر مره اخرى على الاطاله وعن سرد الموضوع مره وحده بدون مقدمات او ترتيب واي استفسارات حول الموضوع او غيره انا حاضر .