السلام عليكم ورحمة الله وبركاته ::
هلا اخوي ..والله يسهل لكم سفرتكم .
بالنسبة لتخطيط الايام ..هو صحيح مترامي الاطراف لكن بنزل عند طلبك .
جنيف الوصول والسكن في لوزان لمدة يومين. (او في ديفون الفرنسية او تورايه الفرنسية او في جنيف نفسها )
انترلكن اربعة ايام
لوقانو او ميلان يومين
فينيسيا يوم واحد
زيلاميسي اربعة ايام
ميونخ ثلاثة ايام
وفي انتظار رأيك

شكرا على تجاوبك
المدن الفرنسية ما فكرت فيها
انا بصراحه خاطري اطلع انترلاكن مباشرة بعد وصولي لان وصولي ان شاءالله 2 الظهر لجنيف
الاشكالية عندي بعد انترلاكن بطلع زيلامسي في النمسا بس حبيت اشوف المدن الايطالية و لوقانوا للتسوق لوقانوا كم يكفيها من يوم ؟؟
ميلان و فينيسيا وحده منهم بجلس فيها ليلتين و بعدها بطلع زيلامسي ايهم افضل ميلان او فينيسيا

هلا اخوي ..
اتمنى انك اطلعت على مواقع المدن على الخريطة .
ديفون وتورايه ..قريبتين جدا من جنيف ..في حدود 15 الى 20 كم ..والسكن فيها ارخص من جنيف...فهمت فكرتي ؟
وبالنسبة للوقانو ..ايضا قريبة من ميلان ..السكن في احدهما يغني عن الاخرى ..في حدود 70 كم .
فينيسيا بعيدة صحيح 280 كم عن ميلان شرقا ..ولازم تبات فيها يوم واحد وتكمل المشوار لزيلاميسي شمالا .
فاقترحت عليك تكون الليلتين في لوقانو او ميلان .
وما دامك كنسلت جنيف ..ممكن تخلي يوم لوقانو ..ويومين في ميلان .
ويوم في فينيسيا شي مفروغ منه لبعدها عن ميلان وعن زيلاميسي .
واذا كان ودك تروح لأنترلكن على طول ..فيكون مخططك :
انترلكن خمسة ايام
لوقانو يوم واحد
ميلان يومين
فينيسيا يوم واحد
زيلاميسي اربعة ايام
ميونخ ثلاثة ايام .
وبالتوفيق

المعذره اتعبتك معي
تحملني لاني اول مره اسافر لهذي الدول
بس السؤال : لوقانو يكفيها يوم واحد ؟؟ لان الغرض منها تسوق اخاف اتاخر بالوصول و من بكرا لازم اطلع بدري لميلان علشان المسافه و انت ابخص مني بالمسافات

ksh666
والله ياخوي الامر راجع لك .
التسوق اللي اعرفه في ميلان وليس في لوقانو .
واوتلت الفوكس تاون ..ممكن تزوره وانت طالع من لوقانو الى ميلان .
يعني عندك عدة خيارات .
وبالنسبة للمسافة ..انا قلت لك ..بينهم 70 كم ..يعني مشوار ابو ساعة ...وانا اشوفها قريبة .
فمخططي كان ..توصل لوقانو وترتاح وتتمشى فيها ...ثم اليوم اللي بعده تزور الاوتلت ثم توصل ميلان .
===
وش رايك تلغي لوقانو مرة وحدة ؟؟ وتخلي ميلان ثلاثة ايام
واوتلت الفوكس تاون تمر عليه وانت رايح من انترلكن الى ميلان .
بلاشي حجز فندقين .
والامر راجع لك اخوي
=========
هذا الموضوع ..لمعرفة المسافات بين المدن :
أسهل طريقة لمعرفة المسافات بين المدن والاحداثيات عن طريقة قوقل https://artravelers.com/p/re/545100
وبالتوفيق

عندي استفسار
الانتقال من انترلاكن ل لوقانوا كيف بيكون بالقطار او تاكسي لاني ما راح استأجر سياره
و لو الغيت الحجز في لوقانوا و مريت بس على الاولت فوكس تاون كيف وضع الشنط

بالقطار طبعا ..
واذا على الشنط والعفش ..عندك خيارين :
يا تحطها في صناديق الامانات في محطات القطار .
او
تشحن الشنط للوجهة النهائية . (يعني تشحنها من انترلكن الى ميلان )
وبالتوفيق