اتصل على الفرع وتأكد من متطلباتهم وطريقة الحجز
For information call: Tel: +966 3 8977354/8978198

انا استخرجت الفيزا من عندهم قبل شهر وشوي
كان ذاك الوقت من غير موعد
الطلبات
ابلكيشن تعبينه. والفنادق قال اكتب الفنادق كلها. وارقامها وايميلاتها
عاد الله يعينك ع تصغير الخط ههه
الجواز وتصورين اول ثلاث صفحات وتوقعين في الصفحه الثالثه ويكون مطابق لتوقيعك في الابلكيشن
فيه ورقه بيعطيك اياها توقعين عليها
صورتين 3.5 في 4.5 الخلفيه بيضا مكشوف الاذنين والذقن للمرأه
رجع صوري انا و زوجتي قال غيروها متشددين بالصور
نزلت مكتب تحت في نفس العماره دلني عليه المصري السكيورتي وقلت له ابغا صور للشنغن. السفاره النمساويه وصورنا وضبطها ع شروطهم. المكتب يعرف وش يبون بالضبط
اللي يصور رجال هندي
للمعلوميه فقط
كشف حساب او صوره للفيزا او الماستر كارد
انا عطيتهم كشف حساب
تأمين صحي تقدرين تاخذينه من التعاونيه
حجوزات الطيران نسخه منها
نسخه من حجوزات الفنادق. اما ايميل مرسل من الفندق او رساله التاكيد اللي من بوكينق. بس طبعا بالانجليزي
اذا بتروحين دوله ثانيه غير النمسا بيقول عطيني نسخه من تذكره الطيران اذا كنتي بتسافرين طياره او اذا بالسياره بيقول نسخه من حجز السياره
رجع واحد قبلي لانه بيروح ايطاليا بالطياره ولا جاي نسخه من الحجز. قال روح جيبه وارجع معك للساعه 3 العصر
انتبهي لا تدبسين الورق او تحطين غرا
استخدمي مشبك الورق
0ريال للجواز الواحد
انا هذي طلباتهم لي بالضبط
ولا تخافين اذا فيه ملحوظه بيقولك روحي عدليها وارجعي
بالنسبه للمواعيد اللي اعرفه ان اذا دخلتي الموقع وطلع لك صفحه بيضا. يعني ما فيه. مواعيد متوفره. تنتضر حتى ينزلون مواعيد
اتمنى لك التوفيق

تعقيباً على كلام أخوي الجوكر ما قصر ذكر كل شي لاكن لازم بطاقة ماستر كارد مايقبلون الفيزا والحجز من بوكنق اطبعي الأوراق باللغة الانجليزية مع كشف حساب آخر سته شهور من البنك ومختوم وصور من حجوزات الطيران وبالوتفيق إنشاء الله

ولا تنسين تروحين مع زوجك علشان تبصمين بالمكتب ورحو الصباح بدري المكتب دوامه من الساعه تسعه الين ثلاثه العصر ولا تنسون التأمين

لابد من أخذ موعد
و يكون باقي على سفرتكم 3 أشهر أو اقل
و الطلبات الباقية واضحة
مذكورة بموقع السفارة

مشكورين وماقصرتوا
بيض الله وجيهكم
وان شاء الله الامور تمشي بخير