- تقرير الرحلة
- المهم البداية
بسم الله الرحمن الرحيم
السلام عليكم ورحمة الله وبركاته
الي اعضاء المنتدي الأعزاء أقدم لكم تقرير رحلتي الي ماليزيا التي بدأت بتاريخ 15/7/2006 وأنتهت بتاريخ 31/7/2007 م
وأشكر علي كل من ساعدني من اعضاء المنتدي الكرام في ترتيب برنامجي من ناحية السلبيات والأيجابيات والنصائح اللتي أفادتني كثير في رحلتي وأستفدت كثير من هالمعلومات .
تقرير الرحلة
بعد ترتيب الحجوزات من قبل مكتب السفريات واللي تعبت معاه حيل لاني مالقيت الفنادق اللي ابيها منهم كل الفنادق كانت full وبصراحة الوقت اللي انا كنت رايح فيه الي ماليزيا تقريبا كل العالم متجه الي ماليزيا لقضاء العطلة الصيفية وبصراحة انصح الي كل شخص يبي يروح ماليزيا يروح بشهر 8 لانه العالم تقريبا اغلبهم ردم الي ديارهم وراح تلغي كل الفنادق اللي تبيها المهم انا طولت عليكم بالبداية بعد ماحجزت انا زوجتي واخذت التذاكر وحجوزات الفنادق قال لي عمي انا ابي اسافر معاك انا وزوجتي ممكن قلت له ماكو مشكلة رحت الي السفريات وقاعد اضبط معاهم الحجوزات الخاصه بعمي المهم مالقيت له حجز مثل الفنادق الي انا حاجز فيها اللي بعد طلعت الروح :112:
المهم البداية
في يوم السبت الموافق 15/7/2007 م عند الساعة السابعة مساءا توجهنا الي مطار الكويت الدولي وعند الوصول والأنتهاء من اجراءات أخذ البوردنق توجهنا الي بوابة دخول الطائرة حيث أقلعت الساعة 10.20 مساءا عبر الخطوط الأماراتية متجه الي دبي ترانزيت لمدة 3 ساعات انتظار وبعدها تم الأقلاع من دبي الي كوالالمبور الساعة 3 فجرا حيث استغرقت الرحلة 7 ساعات وصلنا بعدها الي مطار كوالالمبور الساعة 2,20 ظهرا يوم الأحد الموافق 16/7/2007 م . :bounce8:
ومن ثم ركبنا القطار لكي ينقلنا من صالة القادمون الي صالة المطار الرئيسة حيث يتم ختم الجوازات وأستلام العفش .
ومن ثم حجزنا تاكسي المطار فان صغير ب 67 رنقت تعرف اضمن من اللي بره واقفين وبعدها توجهنا الي شركة سيليكوم اخذنا منهم اربع شرائح تلفون كل شريحة ب 10 رنقت وفيها 5 رنقت ومن ثم خرجنا الي التاكسي ليأخنا الي فندق الريجنت الموجود في شارع العرب .
وعند الوصول الي الفندق وعملت أجراءات شيك أن واخذنا غرفتين بالطابق 14 وكانت الساعة 4,30 عصرا وبعد ترتيب العفش بالغرف نزلنا نتمشي شوي بشارع العرب لنتعرف علي هالشارع وبعد اخذ جولة بهالشارع اللي كله خليجيين وبعدها توجهنا الي ستار بكس المقابل للفندق وعند الساعة 8,30 مساءا رجعنا الي الفندق للنوم ، وقعدنا الساعة 3 فجرا وانتظرنا لغاية الساعة 6,30 صباحا وصلينا الفجر ونزلنا الي المطعم وكان الفندق مسوي بوفيهين واحد فيه اكلات عربية والثاني فيه اكلات صينية وبعد الأفطار قلت لهم البرنامج أنه نروح حق البرجين التوأمين عشان نأخذ التذاكر المجانية الي يوزعونها كل يوم صبح المهم اخذنا تاكسي من امام الفندق
ب 5 رنقت المهم قبل لا نوصل الي البرجين قال لي صاحب التاكسي انت تبي السوق اللي بجنب البرجين وله تبي تصعد البرجين قلت له ابي اصعد البرجين قال لي اليوم مسكرين عندهم عطله كل يوم اثنين قلت أفه هذي بداية مو طيبه بس انا كنت مسوي برنامج مع البديل قلت للسائق انا ابي اطلع الي شلالات تيبلر بارك والكهف " معبد الهنود " قال لي هذي رحلة كاملة ب 180 رنقت قلت 120 رنقت قال لي اوكي وانا ادري ان السعر كان غالي لاني ما ابي ارجع الفندق واخذ تاكسي مرة ثانية .
في الحلقة القادمة رحلة الشلالات والكهف
