دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Attractive Lady
12-12-2022 - 11:58 pm
  1. اسعد الله صباحكم بكل خير اخواني واخواتي الكرام


اسعد الله صباحكم بكل خير اخواني واخواتي الكرام

اكتب لكم الان عن حادث الحريق وضعف الامان في هذا الفندق والله يعلم انو قصدي انبهكم لان بعد الحادث هذا للاسف اكتشفت ان الامان عندهم صفر ومعدوم ولا يوجد من يساعد او من يوجه المقيمين ،، والله مو قصدي الا انبهكم خصوصا اللي معهم اطفال لان تبهذلت مع الاطفال خصوصا اني في دور علوي
القصه كالتالي ؛ في تمام الساعه الثالثه قبل ساعه من الان تم اشغال صفارات الانذار بان هناك حريق - انا كنت ساكنه في الدور 28 وهو ماقبل الاخير مع اربع اطفال واخواتي اثنين وامي الله يحفظها واخوي طبعا اول ماسمعنا الصوت اتصلنا بالرسبشن مافي احد رفع السماعه اخر شي قررنا النزول والهرب استخدمنا السلالم لان المصاعد في حاله زي كذا خطر علينا - لكم تتخيلون حجم المعاناة الاطفال يصرخون من الخوف ماتعلم وش مصيرك لا يوجد احد بالسلام غير المقيمين المنظر مخيف معنا مولوده ولا يوجد في السلالم من يوجه او يساعد الكل نفسي نفسي لا يوجد خطة اخلاء لا يوجد مساعدات ومقارنه مع المبلغ المقبوض عند الدخول 18000 ريال !! وين خطة الاخلاء !! وين التوجيه للمقيمين !! وين المساعدات !! تجمهر في اللوبي موظفين الاستقبال كل واحد يعطي سالفه !! مره خلل بالجرس ومره نور صار فيه التماس كهرب ومره مدري ايش !! المكان غير مهيئ بابسط وسائل الامان والسلامه انا مع اهلي نزلنا من الدور 28 ويوم وصلنا الدور 16 امي بدى عليها التعب واختي مسكينه ماعاد تقدر لانها شايله بنتها رضيعه !! وانا واختي واخوي ماسكين الاطفال والاطفال منهارين وصراخهم يسمعه اللي وين !! يعني مدري اساعد الاطفال او امي او اختي !! ليه مافي احد يساعد !! ليه ندفع هذا المبلغ على مكان مافيه امان !! طبعا جلسنا ساعه في اللوبي مع الناس المتجمهره واللي صابهم هلع وخوف واخر شي طمنونا انه سيطرو على الموضوع !! لكن ماعاد في ثقه ابدا الاطفال بطلعة الروح الان نومناهم كل شوي يبكون !! انا بس يصبح الصباح اشيل اغراضي وادور مكان ثاني اكثر امان !! ونصيحه نصيحه لا احد يسكن فيه دام السلامه عندهم صفر !! وارواح الناس مالها قيمه !! وغير كذا اخواني واخواتي اللي معه اطفال لا يتعدى الدور العاشر بالكثير حتى يسهل عليهم لو قدر الله في حال اي حريق النزول بسرعه ودون تعب !!
حفظنا وحفظكم الله من كل مكروه


التعليقات (9)
سعود بن محمد
سعود بن محمد
الحمد لله على سلامتكم أولاً، و اقترح الاتصال بشرطة دبي للإبلاغ عما حدث.

Usas
Usas
شكرا لكي على نقل التجربة والموقف ,,, والمفروض يتم زيادة فعالية وسائل الامن والسلامة

ROO7MOOT
ROO7MOOT
الحمد لله على السلامة واتفق مع الاخ بابلاغ شرطة دبي بالي حصل

rim-leb
rim-leb
الحمد لله على سلامتكم والله يعينكم كل هالعدد الطوابق مع اطفال صغار وام كبيرة بالعمر ....... الحمد لله انو مرئت القصة على خير وشكرا عالنصيحة القيمة

fahad1976
fahad1976
غريبة انا بالفندق نفسه ما شفت شي

صوت بني تميم
صوت بني تميم
الحمد لله على سلامتكم ،،
للأسف أن يحصل هذا من فندق تابع لشركة معروفة
وش خلو للفنادق الغير معروفة ؟!
لابد اخي الكريم ان لا تجعل الامر يمر بسهولة
اتصل بشرطة دبي او راسلهم عبر تويتر
هذا حقك اخي الكريم .

الحوسني
الحوسني
الحمدلله على السلامة
بعض الفنادق تضع خلف باب الغرفة تنبيهات ومن ضمنها لو وقع حريق شو المخارج وشو تسوي في مثل هذي الظروف

Om Abod
Om Abod
الحمدلله على سلامتك يارب خفت عليكم ، الله يحفظكم وترجعو بالسلامه

أبو فيصل 2007
أبو فيصل 2007
الحمدلله على السلامة ويجب عليك اختي التواصل مع إدارة السياحة او شرطة دبي لعمل اللازم ...........
ووالله موقف صعب بالمرة الحمدلله على السلامة


خصم يصل إلى 25%