بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



shaymooona shaymooona
اول زياره حق لندن بعد 10 سنين ساعدوني
06-12-2014 - 09:56 am

السلام عليكم
معاكم اختكم اول موضوع لها بالمنتدىاتمنى القى الردود الي تفيدني ولا تبخلون علي بشي
اولا انا ان شاء الله بسافر لندن بشهر اغسطس بالعيد باذن واحد احد
بغيت اعرف :
1- اشلون الطقس بهذي الفتره؟
2- راح تكون فترة زيارتي من 10/8 الى 20/8 مقسمه الى 4 ايام لندن 4 ايام مانشستر و 3 لندن... السؤال ابي جدول حق هالفتره .. مقسم الى اهم المناطق و الاماكن في لندن اما مانشستر ابي اطلع للمناطق الخارجيه القريبه من هالمنطقه ليوم واحد ؟
3- بغيت شركة شحن ؟ و اشكثر اطول ليما اطول ليما توصل للكويت ؟
4- ابي نصايحكم ؟

شكرا





المشاركات

القطري القطري
اول زياره حق لندن بعد 10 سنين ساعدوني


وعليكم السلام ورحمة الله وبركاته

هلا وغلا اختي

وحياكم الله بين اخوانكم وخواتكم وان شاءالله اتفيدون وتستفيدون

السؤال الأول الطقس حلو وخلوكم على ملابس ربيعيه مع جاكيت فليل ..

السؤال الثاني كل شي موجود وجاهز ..جدول لندن في التوقيع وجدول مانشستر موجود في بوابة بريطانيا لموضوع خبيرتنا تابليرون ..

السؤال الثالث شركات الشحن واجد منها الشحن العربي وشركة بابل ..

السؤال الرابع خلوكم على الباصات والاندرقراوند للمواصلات ..

خامسا اي خدمه احنا في الخدمه ^_^


فارس الجبيل فارس الجبيل
اول زياره حق لندن بعد 10 سنين ساعدوني


سادساً بيض الله وجهك يالقطري
سابعاً هذا تقرير جميل ومفيد بلادكم حلووة حلووة ..بس الوطن ماله مثيل


ثامناً هذا موضوع بتستفيد منه جدول سياحي لمدة 7 ايام في مدينة الضباب لندن


تاسعاً منطقة قريبة من مانشيستر ليوم واحد ( بلاكبول-ليفربول-التون تاور الملاهي )




والله يوفقكم


mahmeed99 mahmeed99
اول زياره حق لندن بعد 10 سنين ساعدوني


إذا أخواني الغاليين مشرفنا والعمدة دخلوا وجاوبوا على الأسئلة خلاص مالنا إلا نقول لأختنا سفرة سعيدة وموفقة بإذن الله


موادع1 موادع1
اول زياره حق لندن بعد 10 سنين ساعدوني


بالتوفيق

واذا تبون ارقام شركات الشحن حاضرين

بالتوفيق


Lullaby Lullaby
اول زياره حق لندن بعد 10 سنين ساعدوني


شركات الشحن مضمونة ؟ ماترجع الشنطة مقطعه والا مسروقة :| !!
وكم تاخذ عشان توصل ؟


flantyano flantyano
اول زياره حق لندن بعد 10 سنين ساعدوني


السلام عليكم...
اختي بالنسبة حق الأماكن السياحية في لندن عندج :
الريجنت بارك
الهايد بارك
كوفنت غاردن
لندن آي
وفي منطقة تبعد عن لندن ساعة ونص اسمها بكستر فيها اوتلت

وبالنسبة حق المناطق اللي صوب مانشستر عندج ليفربول واااايد حلوة تبعد عن ماشستر ساعة تقريبا وفي منطقة اسمها شيشاير فيها اوتلت حلو بعد
من الموبايل


عبدالله86 عبدالله86
اول زياره حق لندن بعد 10 سنين ساعدوني


بالنسبة لشركات الشحن

نتعامل دائما مع المكتب العربي للشحن ، ويجون للفندق ويوزنون الأغراض


اذكر شحنا اخر مرة شنطتين وحدة صغيرة والثانية كبيرة وطلع المبلغ 160 باوند


ما اذكر الوزن بالضبط بس يمكن حول 50 او أكثر شوي


ووصلت الشنطة بنفس ما سلمناها ما نقص منها ولا شي ووصلت خلال 4 ايام


ولا تنسون تقفلونها ، واذا تبون رقم المكتب حاضرين


لندنيه 2011 لندنيه 2011
اول زياره حق لندن بعد 10 سنين ساعدوني


ماقصرو الاعضاء الحلوووين



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

اول زياره حق لندن بعد 10 سنين ساعدوني