- السلام عليكم ورحمة الله وبركاتة
السلام عليكم ورحمة الله وبركاتة
في يوم الاحد 1361427ه كان يوم فراقنا لاهلنا واغلى واعز ماعندنا كان يوم ممطر :mf_depres ملئ بالدموع كان يوم سفرتنا ابتداء من المديينة وانتهاء بسدني وخط الرحلة كان (المدينة كوالا لمبور سدني).
من المدينة الى كوالا لمبور ماحسينا بالرحلة للاننا كنا منهكين من كثر البكاء والحزن على فراقنا لاغلى واعز الناس :36_1_44: ,المهم جا موعد الرحلة وانتهى العرض الماساوي في مطار المدينة :m12: :m12: وركبنا الطيارة طبعا كانت ترانزيت الرياض بس ماطولت يمكن ساعه او اثنين والله ماافتكر نسيت المهم كملنا رحلتنا الى ماليزيا و كان راسي كبر محرك الطيارة اللي على جهة اليمين (اللي جنبي) من كثر الزعل والبكاء وسجلوا عندكم واشهد ياتاريخ اختكم وزجها اول مرة بمعنى اول مرة يناموا في الطيارة:36_1_50: (من اللي الله خابرة)نمنا وقت مو بطال المهم وصلنا ماليزيا والحمد لله ماكنا تعبانين مثل كل مرة نسافر فيها لاننا نمنا لاكن المشكلة هنا باقية في الصداع الله حتى ملامح الوجه متغيرة واخذناها مشي في شارع العرب الين طاحت رجولنا :36_1_47: والجوع زاد علينا قلنا بس هذا عمنا طربوش خلينا نظربها اكل فيه الين يطلع من عيوننا عشان النومة تكون على ثقيل ومانصحى بدري من الجوع, ورجعنا للفندق(ماريوت) وانتظرنا صلاة المغرب وصلينا وهوا على النومة والحمد لله ماصحينا غير الفجر وجري على الفطور عشان نلحق على الرحلة كانت الساعة 10 الصبحلازم نطلع من الفندق 7 ونص عشان نلحق نشحن عفشنا ,المهم نزلنا الفطور وشكلهم ماكملوه وماليقينا اللي يسوي البيض ومشينا حالنا بالكورسان وجري يامطار.
وصلناالمطار ورحنا لشحن الشنط وطلع عندنا وزن زائد المهم دفعنا وخلصنا امورناو نتظرنا الرحلة وكملنا الى سدني(والله تعب الروحة لاستراليا بهدله).
وبما ان الرحلة كانت في النهار ماحسينا فيها كانت خفيفة والطيران الماليزي ياعيني عليهم التلفزيون عندهم شي خطير افلام كلها جديدة كانت فيه افلام مصرية طازة من السينما لساع مانزلت على التلفزيون وكمان امريكية وافلام صينية والله ماتحس بالملل تخلص واحد تبدا بالثاني ,والله الخطوط الماليزية خطيرة من جميع النواحي خدمة وراحة واكل وكل شي .
المهم وصلنا سدني في الليل والجوا كان برد ومطر بس اختكم وزوجها كانوا اخذين احتياطهم :11ld:
نزلنا وكان معانا ممنوعات وصرحنا فيها والحمد لله مارموا لنا شي كله دخل حتى التفتيش كان سؤال وجواب مافتحوا الشنط غير وحدة باطراف الاصابع بالاسم انهم فتحوها ,الحمد لله ربنا سهل وخرجنا من المطار بكامل الاغراض:8888:
يوم 1561427ه كان يوم وصولنا لهدفنا سدني .
واخذنا لنا جوله في المنطقة اللي سكنا فيها وتعرفنا عليها وبعد كم يوم وسعنا جولتنا ووصلنا السيركلار كي
وبعدها بكم يوم وسعناها اكثر واكثر وصرنا كل يوم نكتشف لنا منطقة ونتعرف عليها الى ان جا موعد الغرض من زيارة استراليا وهو موعد زوجي في الجامعه وانقطعت رحلة الاستكشافات الى موعد الله اعلم به .
عندي لكم وللمنتدى الرائع كل شي عن سدني من الالف الى الياء وان شاء الله راح انزلها لكم قريبا بعد ماننتقل لبيتنا اللي بنستقر فية اذا الله اراد.
لاكن راح اذكر شي بسيط وهو عن ابز الاماكن في سدني:بانكس تاون
باراماتا
ليدكوم
سيتي
الزو
لونا بارك.
السيركلار كي Circular Quay
هي وسط سدني الحي وهي اكثر المناطق المشهورة فيها واعتبرها نقطة البداية لاي مكان في سدني,فيها الدارلينغ هاربر ,والاوبرا هاوس ,والجسر ,والكثير من الكافي هات والمطاعم وفيها الكثير من الفنادق
ومنها ممكن تاخذ تذكرة للرحلات البحرية السياحية الطويله او القصيرة.
هذي صورة من السيركلار كي
المباني في سدني قديمة جدا جدا قليل مرة الجديدة ووهذي بعض الصور عنها عشان لاتنصدموا فيها اذا زرتوها ومع هذا البلد جدا جميل ورائع
وهذي من الاماكن اللي على امتداد الدارلينغ هاربر وهو الميناء المشهور الموجود في المنطقة ووهو ميناء حي توجد فيه العديد من المطاعم والمكاتب السياحية والكافيهات.
وهذي الصورة للمتحف الموجود في المنطقة
الجسر الموجود في الدارلينغ هاربر وممكن تسلقه منهم من يتسلقة من فوقه ومنهم اللي يعبر من داخله للجهة الثانية طبعا من فوق لمحبي المغامرة وممكن اخوظ التجربة لاكن مو في الشتاء لان الدنيا برد كيف فوق؟
وعندكم هنا في الصورة ناس متسلقته من فوق (اسفة على ردائة الصورة لاكن كان التصوير وقتها على الجوال)
اما اللي في الصورة هذي عاقلين وقالوا خلونا نعدي بالمعقول
في ايام الاجازة منطقة الدارلينغ هاربر تكون ملياننة بالناس وفيها الكثير من الانشطة مثل الفرق الموسيقية وفرق الرقص والعروض البهلوانية وبعض الاشياء الغريبة
طبعا هو يشحد
الناس مجتمعة هنا عشان فية واحد يسوي استراضات بالنار وصورته لكم لاكن ماهي واضحة وقلت والله مادام النية انزلها راح انزلها .
فيه طيورغريبة عجيبة في استراليا لاحظتها في بريزبين والان شفتها وصورتها لكم غريبة لاشافت واحد معاه اكل جري وراه كانها طفل صغير يجري ورا امه ومطفشة اصحاب المطاعم في المنطقة تجي على الطاولات اذا خلوها الناس وباقي عليها اكل وبحركاتها تكسر الكاسات والقوارير الزجاجية
من الدارلينج رحنا لمكتب للرحلات البحرية واخذنا من عندة تذكرتين لرحلة لمدة ساعة للتعرف على اهم المناطق اللي حول المنطقة .
هذا احد الانواع الموجودة في الميناء وهو اللي ركبناه للرحلات القصيرة
وهذا النوع الثاني واعتقد انه للرحلات الطويلة حبتين وفية وجبة غدا او عشاء
وثالث وهو مثل التكسي للتنقل من مكان للاخر
واحنا في الجولة شفنا الكثير من المناظر الحلو وماحبيت افوتها صورتها للذكرى ولكم كمان
وهذي المباني من الجوله لقطتها لكم عشان تشوفوا كيف المباني وطريقتها الغريبة في الترتيب
صور للمدينة من البحر
منظر السفن كان مرة روعه وهي حوالينا
الاوبرا هاوس
اتمنى يعجب الجميع ويفيدهم واي استفسار باذن الله انا حاظرة.
وهذا كل شي صورته الى الان من السيركلاركي وان شاء الله كل ماجددت الصور انزلها لكم (اذا ودكم)
ان شاء الله المرة الجاية انزل لكم تقرير عن منطقة ثانية من سدني انتظروني.
مشكوريين اختنا
بس وش نوع الممنوعات اللي تقصديين؟ اكل؟ ادويه؟
ياريت تفيدينا