وين الناس ّ!!!!!!!!!!!!!!!!!!!!!!!!!!!!!!!!!!!!!!!!!
وين اهل الفزعه وضف ابي بس #_#

اخوي طلبك سايق خاص ههه
من الخفجي امش سيدا لحد ما تشوف فندق الجميراا تلف يمين وكمل شارع التعاون كله
لحد ما تشوف دوار البدع كمل سيدا اول اشاره يسار لف تدخل شارع المطاعم وروح سيداا بيكون
اخر الشارع على ايدك اليسار
فندق بودل عاد بعدين تديور الدوار تلاقي مواقف الفندق
واما الباجي اسال اهل الفندق خ
يبيلك خرايط يا اخوي

وعليكم السلام ورحمة الله وبركاته
البداية الف ألف مبروك الله يوفق بينكم
وراح تنورون الكويت بلدكم الثاني
وعن الموضووع ماقصرت أختنا توبليرون
عن الوصف وأنا أختك أسرح بالسيارة وهم يوصلونا ومالك إلا القارمن وأنا أختك وفيه خرائط الخليج حفظ الله خليجنا
مالك إلا القارمن تشغله من الخفجي والنويصيب حدود البلدين إلى شقق بودل السالمية فتشتغل المتحدثة بالدلالة
أفضل من تضييع الوقت بالبحث عن المكان
ابي مطاعم وكافيها شيش وجلسات عائليه حلوه جو عرسان بالعربي وصفها واساميها ؟؟
المطاعم لك مميز العرب المسافرون
https://artravelers.com
سمعت انو في مطعم بطل اسمع فريج صويلح هل هو بعيد او قريب وكيف الوصول له ؟؟
نعم مطعم متخصص للأكلات الكويتية وعنوانه السالمية شارع سالم المبارك ( شارع كله مجمعات مثل شارع الامير محمد بجدة والمجمعات الفنار والزهرة والثريا و ليلى غاليري والأحلى مارينا مول والمارينا مول يطل على شارعين وهم شارع سالم المبارك والخليج العربي
واللي يزيدنا ويضبطنا اكون له شاكر ومقدر انا رحلتي للكويت 5 ليالي تكفون ضبطوني قدام المدام مابي اتوهق بالشوارع بالكويت
والجدول هذا الموضوع لمشرفتنا الله يجزاها خير
https://artravelers.com/p/re/487746
تختار وإلي يناسبك
وعلشان ماتتوهق أخونا مالك من بعد الله سبحانه وتعالى إلا القارمن
لنا عودة لعمل الجدول وحلو معاكم سيارة خاصة وتكتمل بالقارمن

عالبركة أخوي وحياك في الكويت.
عليك ب Google Maps.
أحب أنصحك أن تزور مجمع الأفنيوز (منطقة الري) و مول360 (منطقة الزهراء بجنوب السرة) ما يصير تزور الكويت من غير ما تشوفهم. ومتروسين مطاعم.
وفي برج الحمراء مفتتحينه جديد، يمدحونه لكني ما رحت له بعد.
شارع سالم المبارك في السالمية فيه مجمعات ومطاعم الدنيا، وفيه مركز سلطان بعد. ومطعم فريج صويلح موجود فيه، بس فريج صويلح شعبي شوية ما أحسه يصلح لمعاريس.
فيه كافية اسمه كافيه بزه عندهم فرع بالسالمية وبنيد القار والشامية وكيفان. أكله قديم بس ستايله كشخه وراقي، بس اسعاره أغلى.

وعليكم السلام ورحمة الله وبركاتة
مبروك اخوي rami997
منك المال ومنها العيال يارب والله يرزقكم الذرية الصالحة وان شاء الله تنبسطون في الكويت وان شاء الله
ماراح نفشلك راح نبيض وجهك والله يقدرنا يارب
واتشرف بزيارتك لمواضيعي ومواضيع اخواني للمطاعم والكافيهات لبوابة الكويت وراح تفيدك وتعجبك ان شاء الله
وبخصوص المجمعات عليك بالافنيوز وسوق شرق وبرج الحمراء ومارينا مول والمباركيه
ولاتنسى زيارة ابراج الكويت اذا خلصوا الصيانه منها وزيارة برج التحرير راح يعجبك يقولون فيه مطعم او كافي فوق بنفس القبة الزجاجية وتشوف ابراج الكويت ومعالمها
اقولك حاجه وتحمل الصدمة الاولى ههه
بودل السالميه مكانها حلو ويعيبه زحمة المنطقة ويميزه انه حول شقق بودل جميع اللي تبيه من خدمات من مطاعم صيدليات وبقالة ومحل ألعاب ومحل سينامون بجنبك على طول وغيرها
بخصوص غرف بودل الاثاث مستهلك وغير ان الغرفه ضيقه شوي والافياش خربانه والنت مايوصل الغرفه يعني مشي حالك
ولا اسعاره حلوة وخصوصاً للعوائل يعملون لهم تخفيض اذا جيته مباشر او اتصلت تلفون
واي خدمات حنا حاضرين لك ترانا موجودين لك
اخوك : https://artravelers.com

هدوء العالم
لنا عودة لعمل الجدول وحلو معاكم سيارة خاصة وتكتمل بالقارمن
الله يجزاك خير وماقصرتي احرجتيني
وهذا من طيبك وكلك ذوق والله يقدرنا ونفيد المسافرين
اخوك : https://artravelers.com

من الخفجي الى شقق بودل السالميه
اخذ طريق الملك فهد رحمه الله
و امش سيدا (طوالي) تقريبا 100 كيلو
لغاية ما توصل لوحة مكتوب عليها الدائري الخامس
اخذ الدائري الخامس بأتجاه السالميه (يمين)
و كمل بالدائري الخامس الى نهايته دوار البدع
و انتبه بالدائري الخامس السرعه 80 فيه كاميرات
لما توصل الدوار روح يسار شارع البلاجات
و امش مسافه كيلو لما توصل اول اشاره
اخذها يسار ( شارع عمرو بن العاص)
هذا الشارع فيه شقق بودل
الشقق رح يكونون على ايدك اليسار
قبل الدوار

السلام عليكم
انصحك بجهاز قارمن يغنيك عن السؤال

وين المعرس ؟؟؟ مو مبين
لايكون ضيعناه
ربي يبارك له ويهنييه ويسعده