1. الأخ أو الأخت داندي

الأخ أو الأخت داندي

نصيحتي لك انك ما تطلع فيزا أو ماستر من بيت التمويل ، لأن مثل ما ذكرت بسؤالك السابق راح ياخذون منك 1% عموله + عمولة تحويل سعر الصرف + 4% في حالى السحب من مكاين atm بالإضافة إلى عمولات السداد طبعا ، هذا غير قيمة اشتراكهم بالسنه يمكن 30 أم 40 دينار
انا توني راد من أمريكا ، وقبل ما أسافر رحت بنك برقان طلعت بطاقة ماستر كارد وهي جديده عندهم ومافي بنك بالكويت عنده نفس هذي البطاقة
ميزتها انها بطاقة ماستر كارد بالدولار الأمريكي ! ( مافي مثلها بالكويت كلش )
والميزه الثانية انها تعبئة لكنها تستخدم مثل الكردد كارد بالظبط 100% ( انا مجربها )
والميزة الثالثه ان مو شرط يكون حسابك ببنك برقان ! عادي تطلعها حتى لو ما عندك حساب ببنك برقان ( بنكي الوطني ومطلعها من برقان )
والميزه الرابعة انها تتعبأ عن طريق الكمبيوتر ( يعني ما يحتاج تروح البنك وتعبيها ،خصوصا لأنك بتكون مسافر بره الديره )
رسوم اصدارها 10 دنانير فقط بالسنه ، انا طلعتها وكنت اعبيها بالدولار الأمريكي ، أحط فيها أي مبلغ ابيه ورحت امريكا واستخدمتها بكل شي
لحجز الطيران الداخلي + حجز الفنادق + حجز السيارة + التسوق + الأكل بالمطاعم + بالسوبر ماركت
وطبعا لما تشتري شي بدولار يخصمون منها دولار فقط ، تشتري شي ب100 دولار يخصمون منها 100 دولار فقط ، بالظبط لا زايد ولا ناقص
لا عموله ولا فائده ولا شي نهائيا
هذي نصيحة واحد مجرب وانت حر

مشكور أخوي، عجيبة والله. يعطيك العافية اللي قلت لي عنها!
عندي كم سؤال:
1. شلون تعبيها بالضبط؟ قصدي تدخل على موقعهم وتحول بالكي نت من حسابك بالوطني إلى البطاقة؟ ولا شلون؟
2. طبعا راح يكون في سعر التحويل من الدينار للدولار، مو جذي؟ قصدي سعر الصرف العادي.
3. هل مكتوب عليها Electronic Use Only ولا لأ؟
4. لو عبيتها مبلغ 100 دولار وشريت فيهم وبعدين طاحت بيد أحد ما راح يقدر يستخدمها، صح؟ يعني اهيه Debit Card، مو جذي؟
على فكرة، للعلم قالوا لي أن 4% ملغية حاليا، وياخذون 6 دنانير على كل عملية سحب بغض النظر عن المبلغ.
بس شنهي عمولات السداد بعد؟
شكرا جزيلا، وما قصرت والله.
تقبل تحياتي.

1. العفو يا داندي


2. بالنسبة لأسئلتك :


3. مثال : لو تدخل على هذا الموقع http://www.xe.com/currencyconverter/


4. 3- لا مو مكتوب عليها

العفو يا داندي

بالنسبة لأسئلتك :

1- بالظبط نفس ما قلت ، تدخل على موقعهم وتحول عن طريق الكي نت من حسابك سواء كان بالوطني بالتمويل بالتجاري .... إلى البطاقةلما تدخل على الموقع راح يطلب منك رقم بطاقتك ( ماستر برقان ) تحطها وبعدها راح تكتب جم تبي تودع بالدولار مو بالدينار !! تكتب الرقم الي بتحطه وهو يحسبلك قيمته بالدينار الكويتي
بس نسيت أقولك ان البنك ياخذ منك دينار واحد بعملية الايداع ..... توني أتذكر
مثلا : لو بتحط فرضا 1000 دولار ، تدخل الموقع وتكتب رقم بطاقتك وتكتب 1000 دولار ، وتطق انتر ، راح يطلعلك قيمة الألف دولار جم تساوي بالدينار الكويتي ( 282 دينار ) وراح يزيد عليهم دينار واحد ، يعني يصيرون ( 283 ) دينار ، هذا المبلغ راح يسحبه من الكي نت
ولا تحاتي الموقع سهل جدا والطريقه تافهه جدا جداهذا هو الموقع
https://cards.burgan.com/xchange/new/default.asp?cat=reloadform
بس انت ماراح تقدر تستخدمه حاليا لأن ما عندك البطاقة ، لما تطلعها راح يعلمونك على الموقع وأي شي تحتاجه انا حاظر ان شاء الله
2- طبعا بيكون في سعر التحويل ، بس سعر التحويل أقل من سعر التحويل مال البطايق العادية ( الفيزا والماستر )

مثال : لو تدخل على هذا الموقع http://www.xe.com/currencyconverter/

وتشوف جم قيمة الدولار بالنسبة للدينار ، اكتب مثلا 1000 دولار كم تساوي بالدينار؟ راح يطلعلك 283.75 دينار كويتي هذا سعر الصرف العالمي
بس لما تروح الصراف مستحيل يعطيك هذا السعر لأنه يبي يربح ! فالصراف يقولك 1000 دولار تساوي مثلا 284 ..... ولو تروح البنك وتقولهم أبي أصرف دولارات مستحيل يعطونك نفس قيمة الصراف ! لأن معروف البنوك تربح أكثر من الصراريف ، فراح يقولون لك ان 1000 دولار تساوي 285 ، بس لو تحول الفلوس باستخدام بطاقة ماستر برقان وتكتب ألف دولار راح يحطلك مبلغ أقل من سعر البنك وأكثر من الصراف ، يعني تقريبا بيحطلك 284.5 ....... عرفت ولا لأ ؟

3- لا مو مكتوب عليها

4- صح ، لو عبيتها 100 دولار أو اي مبلغ وصرفتهم يعني الرصيد فيها صفر ، فخلاص لا انت ولا غيرك تقدرون تصرفون منها زياده إلا لما تعبيها مره ثانية ، فلو لا سمح الله ضاعت منك لا تحاتي ماراح يستفيد منها الحرامي ولا راح يسحب منها إلا المبلغ الي فيها ( الي نت معبيه وإذا صرفته بيكون صفر طبعا )
انا سألت البنك الوطني قبل ما أسافر وقالي ان 4% صارت 6% مو 6 دنانير !! تأكد من المعلومة الي عندك أو يمكن على حسب البنك ، بس أكيد في عموله مستحيل ما ياخذ منك البنك عموله سحب
أما عمولة السداد ، فمثلا بالبنك الوطني لما تطلع بطاقة ماستر أو فيزا يسألونك شلون بتسدد المبلغ ؟ يعني إذا استخدمت الفيزا وشريت بمبلغ ألف دينار شلون بترجعهم ؟ كاملين ولا أقساط كل شهر ؟ إذا كاملين ما ياخذون منك عموله بس إذا بترجعهم على أقساط ( مثلا كل شهر 300 دينار ) فراح ياخذون منك عموله = 1 أو 1.5 % من الألف دينارعرفت الحين ؟
انت اسأل بيت التمويل عن طريقة السداد وعمولة السداد واسألهم جم تاخذون إذا بسحب كاش من بره الكويت
وان شاء الله أكون أفدتك

إخوي أبو سعود،
أعجز عن الشكر. روح الله يوفقك دنيا وآخرة مثل ما أفدتني ووفرت علي
بس اللي أنا مستغربة منه ليش ما في لها دعاية قوية؟
وشنو البنك يستفيد؟ الفيزا العادية تربّح البنك أكثر.
وليش البنوك الثانية ما عندها؟
أها، الحين فهمت رسوم السداد؟ بيت التمويل ما عندهم حتى لو تأخرت. دقيت على الخدمة الهاتفية، أكد لي إنها 6 دنانير على كل سحبة بغض النظر عن المبلغ! الظاهر تفرق بين بنك والثاني، أو يمكن لأنه بنك إسلامي فنظامهم غير.
بسألك أخوي بما أنك لك خبرة، إذا بحول دنانير إلى دولارات كاش، أيهو أحس؟ البنوك ولا الصرافين؟
وهل تفرق من بنك للثاني أو من شركة صيرفة للثانية؟
هل في أشياء أحط بالي منها؟ أدري أنه سعر الصرف كل يوم يتغير، بس هل في أمور ثانية أحطها في بالي؟
وهل في نصائح ثانية؟ مثلا شكثر كاش أجيب معاي؟ وأي فئات اهي اللي أحتاجها أكثر وما تلفت النظر.
وهل الوضع أمان ولا لازم الواحد يخشش الفلوس مثل بعض الدول الأوربية؟
وجزاك الله كل خير.

1. انا أخذت معاي السيريال والحمد الله ما واجهت مشاكل نهائيا


2. بالمطار أغلى بشي بسيط طبعا

العفو أختي ماسوينا شي
ومشكوره على الدعوه ما قصرتي
بالنسبة للبطاقة ، ترى البطاقة ما صارلها شهرين نازله ! يعني توها جديده عشان جذي محد سامع فيها من قبل وأغلب الناس ما يعرفونها
وبالنسبة للبنك فهو يستفيد دينار من كل عملية ايداع ، وهم يستفيد عشر دنانير اشتراكها السنوي ، وهم اتوقع يستفيد من الشهره والدعايه لأنه البنك الوحيد بالكويت الي يعطي هذي البطاقة
إذا بتحولين دولارات فأفضل شي من الصرافين طبعا ، أرخص من البنوك
بقولج على شي ، بخصوص الدولار في نوعين من الدولارات عند الصرافين ، نوع يسمونه سيريال ونوع عادي ، السيريال يعني مرقم ، تييج الدولارات جديده محد مستعملها قبلج وتكون ارقامها متسلسلة
النوع العادي يكون مستعملة وقديمه ومعفسه ( عادية يعني ) وأرقامها غير متسلسلة
النوع السيريال أغلى من النوع العادي ، وينصحون فيه بس ليش مادري ! ، الفرق بينهم مو وايد طبعا يمكن 20 أو 25 فلس !
يعني لو تبين 1000 دولار سيريال مثلا بتكون قيمتهم 284 ولو العادي بتكون قيمتهم 283 ..... فرق بسيط

انا أخذت معاي السيريال والحمد الله ما واجهت مشاكل نهائيا

هني بالمنتدى أغلب الناس يقولون لاتاخذ معاك كاش وايد وأخذ معاك كاش بسيط وخل الباجي بالبطاقة الإئتمانية أفضل .... هذا كلامهم أغلبهم ، بس انا عادي أخذت معاي كل الفلوس الي مخصصهم للطلعات والأكل والشرب والوناسة كلش ! صرفت من الكويت 10 آلاف وأخذتهم معاي ، أول ما اوصل الفندق أحطهم بالسيفتي بوكس وآخذ منهم كل يوم 500 أو 1000 دولار أحطهم بالبوك والباجي أخليه بالخزنه ، أمان ومافي مشاكل نهائيا
أما فلوس التسوق وحجوزات الطيران والفنادق فحطيتهم بالبطاقة مالت بنك برقان واستخدمتها هناك
انا مادري ليش أغلب الاعضاء مايفضلون الكاش ! مع اني توني ياي وكنت أدفع الكاش بكل مكان ولا أحد كلمني ولا صارتلي مشكله ولا شي كلش نهائيا !!
انتي براحتج شوفي شنو تفضلين وسويه
وبعد بقولج على شي ، ترى يفرق بين صراف وآخر ، يعني لو تصرفين بسوق الكويت أرخص مما لو تصرفين بالمطار !

بالمطار أغلى بشي بسيط طبعا

والوضع أمان لا تحاتين ان شاء الله ماكو إلا كل خير ، سواء معاج كاش أو بطايق إئتمانية الوضع أمان ، بالسفر وانتو رايحين خلي الكاش والبطائق بالجنطة الي تاخذونها معاكم بالطيارة ( انا كنت حاطهم بالجنطة الي ألبسها مثل الحزام مع الجوازات ) ولما توصلون بالسلامة حطي الكاش بالخزنة واخذي منه الي يكفيج حق يوم واحد ، مثلا 500 دولار
وان شاء الله أكون أفدتج ، وأي شي ثاني بتسألين عنه انا حاظر إذا كنت أعرف إجابته

1. عساك عالقوة يا بو سعود، ما قصرت والله. عسى ربي يبارك فيك.


2. ركاب الدرجة السياحية:

عساك عالقوة يا بو سعود، ما قصرت والله. عسى ربي يبارك فيك.

راح تبتلش بأسئلتي، لأني ما أقدر أحط إلا موضوع جديد كل يوم بسبب قلة مشاركاتي، فبحط كل أسئلتي هني والله يعينك.
1. أقدر أطلع تلفون نقال هناك؟ أنا أبيه للمكالمات الداخلية هناك إذا احتجب + والأهم علشان الإنترنت لأني ما أثق بواي فاي الفنادق والمطارات إلا للتصفح، إما الإيميل والدخول على موقع البنك وهذي الأمور، فأفضل أدخل من شبكة تلفون مو شبكة عامة.
2. بالنسبة لجواز السفر، هل الفنادق هناك ياخذونهم عندهم مدة الإقامة كضمان؟ ولا يكتفون بالحجز على الفيزا؟
إذا ما ياخذونه، هل أأمن أشيله معاي لما أطلع، ولا آخذ نسخة بس وأخلي الأصلي في خزنة الأمانات؟
3. ما أدري على اي خطوط رحت، بس هل فعلا يوجد شروط على حجم الحقائب؟ أنا أعرف إنه في شروط على الوزن، لكن بالنسبة لأمريكا كاتبين أنه في حدود لحجم الحقيبة:
ركاب الدرجة الأولى ورجال الأعمال (الواحة)
أ) حقيبتان شريطة على أن لا تزيد إبعادها الثلاثية (العرض الطول الارتفاع) عن 158 سم (62أنش) لكل حقيبة وبوزن أقصى مقداره 32 كيلوجرام لكل حقيبة أي ما يعادل 70 رطل.

ركاب الدرجة السياحية:

ب) حقيبتان شريطة أن لا تزيد الإبعاد الثلاثية (العرض الطول الارتفاع) لأي منهما عن 158 سم (62أنش) ولا يزيد مجموع الإبعاد الثلاثية للحقيبتين عن 273 سم (107أنش). (على سبيل المثال إذا كانت الحقيبة الأولي مجموع أبعادها الثلاثة 158 سم يجب أن لا تتعدى الثانية عن 115 سم).وبوزن أقصى مقداره 23 كيلو جرام لكل حقيبة أى ما يعادل 50 رطل.
(منقول عن موقع الخطوط الجوية الكويتية)
ومشكور وجزاك الله كل خير.

داندي انا مطلعه بطاقه الخير وسافرت فيها امريكا 2011 هي حلوه حجزت فيها الفنادق والطيران الداخلي بس وهقتني بالسوق ما كانت تقبل فاضطر اني استخدم الفيزا العاديه

om fahad kw
مشكورة أختي.
كم كانت نسبة الخصم من بطاقة الخير؟ لأنه قالوا لي إنها لو شريتي فيها أو سحبتي راح تكون مثل الكي نت، يعني كل الأحوال 2.5%
بس في موظفة قالت لي إنها خارج الكويت مثل الفيزا العادية 1% فاحترت الصراحة.
أنا مسويتها اصلا للتسوق من الإنترنت وأنا بالكويت، فما اهتميت أتأكد من المعلومة.
فياريت تفيديني كم كانت النسبة.
ومشكورة.

داندي الكويت
الخصم من بطاقه الخير نفس الكي نت 2.5%
صراحه عجبتني البطاقه اللي قال عنها الاخ ابوسعود مميزاتها حلوه بطلع لي وحده قبل السفر ان شاءالله