الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بثينه1
10-04-2022 - 07:56 pm
مساء الخير
اخواني هذي المشاركة الاولى لي معكم بهالمنتدى الرائع
حابة اسألكم وين أسافر؟ احترت ؟
كنت مخططه على ماليزيا بس ماحصلت حجز
مع العلم هذي اول مرة اسافر فيها
وميزانيتي تقريبا 14 الف ،حابة اجلس برا اسبوعين انا وزوجي بس
زوجي يقول بنروح لمصر وانا ابي جو جميل وطبيعة زي ماليزيا
ويكون ماعليه زحمه عشان القى حجز
انتظركم بفارغ الصبر وبليز لاتطنشوني
انتظركم


التعليقات (9)
matrix55555
matrix55555
إش رأيك في تايلند ،،،،، فيها شبه كبير من ماليزيا ،،،،، تقدري تزوري بوابة السفر لتايلند وتاخذي بعض المعلومات
أيضاً كثرة الخطوط الجوية إللي توصل هناك ممكن يكون عامل مساعد للحصول على الحجز
مثل الخطوط : السنغافورية - الأمارتية - القطرية - الجارودا - الماليزية - طيران الخليج
وفيه خطوط طيران مسوين ( بكجات ) لتايلند مثل : السنغافورية والأماراتية
مع تمنياتي لكم بسفر سعيد وعوداً حميد ،،،،،

Toty
Toty
موريشيوس خيار ممتاز .. تقدرين تشبهينها بماليزيا لكن الجو ابرد و الزحمة اقل و النظافة احسن و التسوق اقل ..
وان شاء الله تلقون حجز .. راجعي تقارير الاعضاء فيها فائدة كبيرة للي يبي يزور موريشيوس ..

بثينه1
بثينه1
matrix55555
مشكور اخوي راح ازور البوابة واشوف
مع ان زوجي مو حاب تايلند يقول ماتصلح للعوائل
شاكرة لك

بثينه1
بثينه1
Toty
هلابك
انا مفكرة في موريشيوش بس كنت خايفة من جوها يكون حار بس اذا هي ابرد من ماليزيا بتطلع رائعه
بس حابة اعرف 14 الف راح تكفينا هناك اسبوعين
يعني وشهي عملتهم وكم تعادل بالريال وهل اسعار فنادقهم حلوة اولا
وكم تذاكرها
اسفة للاطالة
دمتم

Toty
Toty
اهلين ..
اسبوعين في رأيي كثيرة على موريشيوس.. بالكثير 10 ايام تكفي .. وال 14 الف بتكفي لشخصين.. و شوفي طيران الامارات .. قسم العطلات عندهم عندهم عروض جيدة .. طيران و فندق .. و راجعي مواضيع الاعضاء عن الفنادق عشان تختارين الفندق اللي تحسين انه يناسبك ..
مثل ما قلت لك في الوقت هذا من السنة الجو فيها لطيف الى بارد .. و انا اشوف موريشيوس بالنسبة لي افضل من ماليزيا لكن خيارات التسوق فيها قليلة للغاية بعكس ماليزيا..
بالنسبة للعملة فهمي يستخدمون الروبية الموريشيوسية .. الريال السعودي يعادل 8 روبيات

وتيد
وتيد
كلامي نفس كلام الاخوان ياتايلاند يا موريشوس

CHARISMA99
CHARISMA99
اندونيسيا ولا اروع ارخص وجوا عليل

بنت البحرين
بنت البحرين
موريشيوس حلوه
بس أنا مدري ليش ماخذه فكره عن موريشيوس أنها غالية مثل أوروبا
كذلك أحس أن موريشيوس جزيرة رومانسية حالمة مافيها صخب بوكيت ورحلات بوكيت
اذا 14 ألف بتكفي روحي وتوكلي على الله
وأنا من بعدج
وإلا تدرين انا بعطيج كذا إختيار
1- تايلند
بوكيت + شنغماي + كوسمواي + بانكوك
2- اندونيسيا
جاكرتا + بالي + بونشاك + باندونق
3- موريشيوس
الله يعينج أنا بروحي إحترت إشلون إنتي

مس ديور
مس ديور
والله من اللي قريته في هذا المنتدى مووريش اغلى من اوروبا انا بفضل من الله ثم بفضل المنتدى رحت 10
أيام ميونخ وزل ام سي كلفتني الرحله 6000 ريال اقامه وطيران و3500 ريال اقامه بدون تسوق وكان ممكن اتكون اقل لو سمعت كلام الاخوان وحجزت الفنادق من النت او بعد ماوصلت بس خفت الجو عليل برد ومطر وثلج شبعنا من الحر والبحر صار لنا سنين مجابلينه انا رأيي الشخصي


خصم يصل إلى 25%