- تم الحجز في فندق وشقق Swiss garden Hotel & Residence
السلام عليكم ورحمة الله وبركاته ..
حبيت اشكر كل الأعضاء والاداريين والقائمين على هذا المنتدى الرائع . .
الي أستفدت منه وايد ..
أولاً: رحلتي .. هي لأول مرة إلى ماليزيا .. والي شجعني عليها .. هي مواضيعكم ..
وايد استفدت منها وحسيت اني سافرتها من خلال مواضيعكم ..
طبعاً عايلتي كانوا معتمدين علي .. وعلى اني أسوي لهم البرنامج وكل شيء والحمدلله
بفضل الله ثم مواضيعكم بيضت الوجه وعجبتهم السفره واايد
الرحلة كانت : 4 بالغين و 1 طفل
وتم الحجز على متن الخطوط الجوية القطرية
والوجهه من الدوحه - كوالالمبور
كوالالمبور - الدوحه
وتم حجلا الفندق عن طريق .. Booking.com
تم الحجز في فندق وشقق Swiss garden Hotel & Residence
الي ف كوالالمبور وفي موقع بوكينق يوجد اثنان منهم .. واحد الفندق والثاني شقق ..
طبعاً بما أن محد كان يمدح الفندق والكل يذمه ويذم نظافته .. وكونا عائله .. ف تم الحجز ف الشقق الي هي ال ( رزيدانس ) .. الي الكل كان يمدح طاقمها ونظافتها .. وانا اشهد لهم بذلك .. وايد ودودين وحبوبين .. ويساعدون ! واذا طلبنا شيء يتم تنفيذه فالحال .. قريب المكان من شارع العرب .. بمسافه 5 دقايق سيراً على الأقدام .. بس حبيت ابتعد عن شارع العرب .. عن الأزعاج والحشره !!
موقعه وايد حلو .. مقابله التايمز سكوير .. وباقي المجمعات التجاريه والسوق الصيني
وفيه سوبرماركت تحت تابع للفندق .. وهذا اهم عنصر عند امي الله يحفظها
وسعره وايد روعه خصوصاً أنه شامل الفطور والواي فاي مجاناً .. والطاقم جداً متعاون ..
الفطور يعني شبه متنوع .. بس يمشي حاله
بحط لكم بعض الصور له من قوقل لاني نسيت اصوره
وهذا مكان بوفيه الفطور
وطبعاً لأنها أول مرة .. وكنا عائله .. فضلنا أن تكون رحلتنا للمدن وليست للجزر
بس الحمدلله استمتعنا حدنا
يتبعع . .
لازم أزيد مشاركاتي عشان آقدر انزل بآقي الصور ..
أنتظروني