باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
N A S E R
05-09-2022 - 06:20 am
  1. س: ماأدري 120 د.ك فاليوم تكفينا أو لا ؟


السلام عليكم ورحمة الله وبركاته
أولاً أحب أشكر جميع أصحاب التقارير والمواضيع في قسم فرنسا
صراحة إستفدت كثير وجمعت معلومات كثيره =)
..
أبيكم تساعدوني في جدولي للسفر إلى باريس وتعدلون عليه إذا أمكن وتعطوني رايكم =)
احنا ثلاث شباب ( احتمال نصير 2 )
لكن لحد الان 3
بنروح باريس ان شاء الله شهر 8 اغسطس
نهايته تقريبا تاريخ 28
ناوين نحجز نهاية هالشهر
ولقينا أرخص شي القطرية
  • -

الرحلة بتكون 8 أيام مع يوم الروحة والردة
يعني 6 أيام صافية في باريس
  • -

المبلغ الإجمالي لنا ثلاثتنا 2100 دينار كويتي ( 27.900 ألف ريال )
القطية طبعا 700 د.ك
المبلغ يشمل التذكرة (220 د.ك للفرد ) + السكن + المصروف اليومي
حسبت المصروف اليوم للشخص الواحد 40 د.ك (106 يورو)
المصروف للأكل وتذاكر الاماكن السياحية والقهاوي والمواصلات (مترو)جدول الرحلة :
  • فيه إحتمال اذا كانت التذكرة يوم 28 اننا نقلع اخر الليل ف نوصل لباريس يوم 29 للحين ماحجزنا التذاكر ف مو متأكد*

Day 1
فرضنا نوصل بتاريخ 28 نسوي جيك-إن : أول يوم نفتر حول الفندق ونستكشف المنطقة ونصور ( مصورين )
نتغدا ونتعشا ونرد ننام ..
Day 2
نطلع نتغدا , بعدا نصعد برج إيفل .. نتقهوى ونروح نتمشى بشارع الشانز .. نتعشى ونرد ..
Day 3
نفس الشي , بعدها نروح قصر فرساي ونرجع ..
Day 4
نروح اللوفر ونقضيها تمشيه ونرد ..
Day 5
ديزني لاند ( تذكرتها غاليه مدري لي ) ..
Day 6
يوم تسووق فاضي أو ديزني لاند لأني سمعت يوم مايكفي ( ماادري يقصدون العزابيه ولا العوايل ههه )
Day 7
يوم تسوق قبل المغادرة
Day 8
الرجوع للكويت
  • -

الأسئلة :
س: اللي محتار فيه السكن , حسبت له 400 ل 7 ليالي .. اما الشقق غاليه واما الفنادق ياغرفه لنفرين أو سويت كامل لاربع وااكثر !! شنو شوركم علي ؟

س: ماأدري 120 د.ك فاليوم تكفينا أو لا ؟

س: السؤال هذا مالقيت له جواب في التقارير ألا وهو أسعار الأكل والقهاوي ماادري كم سعرها لثلاث اشخاص يومياً -- صراحة الأكل بالسفر يحدد تقييم مستوى السفرة أكثر من السكن خصوصا اننا شباب مانهتم بالسكن ( بس للنوم ) ..
س: الجدول طلعته من مخي ههه فإذا فيه أشياء غلط ياليت تصلحولي
بالإنتظار


التعليقات (9)
فيصل
فيصل
وعليكم السلام ورحمه الله وبركاته
المصروف رائع بس يمكن تصرف اكثر شيء في ديزني لان التكت بس حول 70 يورو
جدولك مريحه علي الاخر انت يبيله غربله
ترى معك وقت اقرأ في التقارير وبما أنكم شباب ومصورين اقترح عليكم بروج في بلجيكا
كل الاماكن اللي قلتهم بيومين تخلصهم او انتم من الاشخاص اللي تحبون تأخذون وقت في المكان
الاكل والشرب في الشانز غالي العربي علي ميزانيتكم ان شاءالله تكفيكم وجبه فيه باليوم
الكافيهات يعني بالشانز بتطق لك بالجلسه بالاوقات العاديه مش بالمساء 15 يورو
الفاست فود سعره من 5 - 9 يورو تقريبا

N A S E R
N A S E R
فيصل
في مقترح أننا نزيد يومين ونطلع لندن أو دولة قريبة أخرى ..
بلجيكا يومين ولا لندن ؟

فيصل
فيصل
طبعا لا تقارن لندن في بلجيكا ولكن لندن محتاجه فيزا اخرى \بما انه معاك شينغين خليك في بلجيكا تقدر يوم بروكسل ويوم بروج

لندنيه 2011
لندنيه 2011
جدولك مريح ع الاخر وانتم شباب يعني تمشوا وخذو وقتكم كله
اول يوم الفندق واستكشاف المكان وممكن تتعشون في الشانز
ثاني يوم ايفل وساحه مارس والرحله النهريه بالصيف النهار طويل والشمس تغيب 10 م الفتره المسائيه يعني من 4م ممكن تروحون هضبه مونمارت
ثالث يوم خليه للكنكورد وحديقه تويلري واللوفر جنب بعض والمساء الحي اللاتيني
رابع يوم فرساي من الصباح والمساء حديقه لكسمبورغ رائعه جدا للتصوير اذا انتم تحبون التصوير
خامس يوم ديزني لاند والاوت لت
سادس يوم الاوبرا والغاليري لافييت المحلات تسكر 7م بعد 7م السهر بالشانز
اخر يوم العوده للوطن
ع فكره فرساي واللوفر مثل بعض بس فرساي فيه حديقه حلوه واللوفر يميزه لوحه الموناليز هدف كل سياح باريس
المطاعم اذا حابين تقتصدون عندكم الفاست فود زي ماك وصب وي وكويك ميل اسعاره معقوله ومش غالي

الحوسني
الحوسني
ماقصروا الاعضاء بالاقترحات حول الجدول المقترح ،،، رحلة موفقة بإذن الله

باريس وبـــس
باريس وبـــس
بلجيكا او سويسرا
انا افضل سويسرا ..

N A S E R
N A S E R
يعطيكم العافيه ومشكورين على المعلومات =)
..
ان شاء الله 6 ايام باريس و يومين بلجيكا أو لندن
..
بس للحين مو عارف اسعار الاكل والقهاوي .. غير الفاست فود , المطاعم والقهاوي الزينة كم الماكسميم لثلاثة شباب , غداء مثلاً ؟

فيصل
فيصل
تختلف المطاعم قصدك هنديه مثلا لبنانيه مغربيه
احسب الشخص من 20 الي 40

لندنيه 2011
لندنيه 2011
لاتشيل هم الاكل الاسعار بالمينو واضحه ..
وخليكم ع الفاست فود والبيتزا خ وفي تقارير اعضاء حاطين اسعار الاكل بكل مطعم زاروه اطلع عليها


خصم يصل إلى 25%