الدمام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
همااام
05-06-2022 - 12:21 am
  1. اسعد الله اوقاتكم جميعا

  2. عاد انا انحرجت منهم وقلت لهم كلها ثلاث ايام بس ابشروا بخليكم تنبسطون


اسعد الله اوقاتكم جميعا

بعطيكم رحلتي للشرقية بتفاصيلها وكل الاماكن والمطاعم والمنتزهات اللي رحت لها ان شاء الله تستفيدون منها
قررت انا والعائلة ان نقضي لنا 3 ايام بالشرقية نغير جو وافرح العيال بالاجازة..استعدينا للسفر وحزمنا الامتعة(كلمة متعوب عليها) ومشينا من الرياض لمعشوقتي الدمام :36_3_14: حيث قضيت فيها اجمل ايام عمري لما كنت طالب:icon_stud
وانا في الطريق الاولاد وروني قائمة طويلة بالاماكن اللي يبون يروحون لها ونبي ونبي

عاد انا انحرجت منهم وقلت لهم كلها ثلاث ايام بس ابشروا بخليكم تنبسطون

توجهت مباشرة لكورنيش الدمام وكانت الساعة 11 مساء ونزلت بشقق قد نزلت فيها قبل 3 اسبيع تقريبا واعجبتني ..اسمها لمار للاجنحة الفندقية(ت038173301) بشارع 28 عند السيتي بلازا جديدة واسعارهم حلوة وانا طالع بالمصعد لقيتهم كاتبين ان عندهم غسيل سيارة مجانا وجريدتك اللي تختارها كل صباح مجانا بعد (ابوك يالعز):8888: فنادق الخمس النجوم ما سووها
كلمت الزول اللي في الاستقبال وطلبت جريدتي المفضلة الاقتصادية وبغيته يغسل سيارتي من الغبار اللي عليها قالي بكرة الصباح تلاقي كل شي جاهز وقريبا بيكون عندنا خدمة DSL ,واذا عندك اي اقتراحات ثانية قولي واكلم صاحب العمارة قلت انت ياشيخ مشكور وماقصرت
خليت الاهل بالشقة ورحت اجيب لهم عشاء من مطعم اسمه قصر المنتزة بشارع الامير نايف ..اكلهم ممتاز بس للاسف قالي المصري انت تاخرت ياباشا لازم تقي بدري عشان تاخد اللي انت عاوزه عندنا بس فيليه سمك وكشري. قلت لا ماينفع
مريت بوفية وخذت ساندويتشات خفيفة وتعشينا ونمت نومة محترم:36_1_50: ة استعدادا ليوم ممتع
سنكمل لاحقا


التعليقات (8)
مهاجر
مهاجر
الحمدلله على السلامه
وفي إنتظار ما تبقى

الفيصل2004
الفيصل2004
الحمدلله على السلامة
اسلوبك جميل ومشوق اخ همام
وفي انتظار تكملة التقرير
وشكرا

همااام
همااام
مهاجر
الله يسلمك يالغالي

همااام
همااام
الفيصل2004
الله يسلمك وشكرا لك على هذا المديح

المرام
المرام
حمدالله عالسلامه
منتظرين باقي التقرير والصور
شاخبار الجو..حر؟؟

همااام
همااام
  1. قلت: امري لله مشينا

  2. بعدها صاحوا كلهم هيه:36_1_33: :36_1_33: :36_1_33: :36_1_33:

  3. قلت: لا عطني انا اصب لنفسي (بديت امون):36_1_21:


صحيت الفجر وصليت ورجعت للفراش و ماجاني النوم:36_6_1: قعدت اتقلب اكثر من ساعتين ومافي فايدة...بعدها طلعت خذت لفة على الكورنيش:36_7_14: وكان هادي وفي قليل من الشباب بعدها رحت لبوفية اسمها استراحة ابراد على شارع الامير نايف جنبv-cool عندهم مانجا عجيبة وشريت سندويتشات (سندويتشات عشاء وفطور بعد ..جايين نتفسح بمدرسة:36_1_20: ) ورجعت للشقة..صحيت الاولاد وافطروا..
قال لي واحد من الاطفال: بابا وين نروح الحين؟
قلت: بعد العصر انا مانمت زين:36_1_10:
قال هو: وش نسوي من الحين للعصر؟
قلت: سوي اللي تسويه طالع سبيس تون
قال هو: انا ماجيت هنا عشان اطالع التلفزيون مشنا يالله.(انواع التحجير:36_1_5: )

قلت: امري لله مشينا

بعدها صاحوا كلهم هيه:36_1_33: :36_1_33: :36_1_33: :36_1_33:

طلعنا ولقيتهم مغسلين السيارة بس الجريدة ماقريتها (مافي وقت للروقان) رحنا للظهران مول يمكن الساعة العاشرة والنصف صباحا..لعبوا البزارين في صالة الالعاب الرائعة اللي في المجمع وتشمل ايضا مطاعم وجبات سريعة وجلسات عائلية وصالة للتزلج..وازعجوني يبون يدخلون صالة التزلج ورفضت خوفا عليهم لكن نشبوا فيني نشبة ووافقت..قاعدوا يتزلجون او (يتزحلقون) بلفظ اخر:36_7_13:
وانا وامهم جالسين على جلسات تطل على الصالة ونتفرج:gathering ونضحك عليهم وهم يطيحون:36_1_22: :36_1_22: ههه من زمان ماضحكت زي كذا :36_11_6: :36_11_6: :36_11_6: .
بغينا نتغدى بس مدري وش اطلب في اكثر من مطعم ماشاء الله ولاودي ببرجر كنج وماكدونالدز:36_1_2: ..فريت على باقي المطاعم وخذت بروشرات وجبتها للعيال عشان يختارون وكل واحد له مزاج وطلبت لهم اللي يبون اعجبني صب واي وماري براون بصراحة:36_1_21: ...
يوجد بمجمع الظهران جيان هايبرماركت وماشاء الله كبير وكل ماتريده تجده تحت سقف واحد (بيسوي دعاية ) شرينا بعض الاغراض وطلعنا..وكان ودي اخذ جولة في المجمع بس كان فيني نوم :36_1_6: ورجعت للشقة بعد العصر واخذت لي نومة حلوة الى المغرب:36_1_50: ...
صحيت وانا راسي يعورني:36_1_42: لان اخوكم مدمن قهوة عربية ووقتها عندي بعد المغرب دائما واذا ماشربت لي كم فنجان تلقاني احوس الدنيا:36_3_4: والمشكلة اني نسيت عدة القهوة:222: ..نزلت للريسبشن واشم ريحة القهوة ياسلام كاني لقيت كنز:36_9_1: ..
سالت السوداني ممكن اتقهوى؟
قال لي: وحنا ماسويناها الا للزبائن ..اصب لك؟

قلت: لا عطني انا اصب لنفسي (بديت امون):36_1_21:

شربت لي 4 فناجيل لين قعد راسي وروقت:36_1_39: ..وطلعت صحيت الاولاد وكانوا كسلانين وعظامهم تعورهم من كثر الطيحات في صالة التزلج:36_7_4: ههه..
طلعنا بعد صلاة العشاء ورحنا للمجمع النسائي على الكورنيش قريب من دوار الاشرعة ويمتاز السوق ان الباعة من النساء ولايدخله الا النساء وعند البوابات تفتيش لمنع دخول جوالات الكاميرا..نزلت العائلة ورحت لمكتبة العبيكان اللي مقابلة للمجمع وشريت لي كم كتاب:36_13_3: ومريت واخذتهم من المجمع ورحنا نتعشى في مطعم لفانا بصراحة اكلهم رائع رائع:36_1_51: ..طلعنا وجلسنا على الكورنيش مع ان الجو كان حار:36_1_47: ..ورجعنا للشقة الساعة 1:00 تقريبا بعد يوم ممتع ومتعب في نفس الوقت..
سنوافيكم بتفاصيل اليوم الثاني من جولتنا في ربوع الشرقية لاحقا

همااام
همااام
المرام
الله يسلمك
بالنسبة للصور نسيت الكاميرا بالرياض من العجلة

همااام
همااام
عاشق الطبيعة
الله يسلمك يالغالي


خصم يصل إلى 25%