السلام عليكم ورحمه وبركاته


اخواني الكرام اليوم مريت بموقف قد صار لاحد الاعضاء. وهذي الحيله ممكن تنطلي على الكثير بسهوله

https://travel.maktoob.com/vb/travel778239/

كنت امشي انا وزوجتي في مدريد متجهين الى التلفريك(من عادتي الا البس اللباس الذي يوضح انني خليجي حتى ابتعد عن النصابين وكذلك لكي لايزيد احد السعر علي
ولكن زوجتي هداها الله. تظن انها اذا ماتكشخت تصير شحاته << تفكير حريم ولا تقدر تغيره
لكن السفره الجايه راح اذكرها بهذا الموقف واقلها ترا ممكن يخطفونك ترا تصدق

المهم واذا بسياره توقف جنبنا وتقول (انتم رومانين)؟ طبعا من يوم قال هذي الكلمه شكيت انه في نصبه (وين الرومانين ووين العرب او الخلجيين من الشكل)
قلت لا ومن انت ؟
قال انا الشرطه السريه وطلع لي بطاقه شرطه وقفلها على طول وقال هات بطاقتك

قلت له طلع بطاقتك زين (هي الحركات ماتشمي علي)
قال وش تقول انت انا شرطه سريه ويطلع البطاقه ويقفلها على طول
قلت طلع بطاقتك اشوفها زين
وقلت يبي يفك الباب يخوفني انه راح يوديني السجن. قال يالله امشي خلاص ولا امسكك
وزوجتي تقول يالله مانبي مشاكل امشي. قلت لا طلع بطاقتك اشوفها زين
شاف زوجتي خايفه وقلك يبي ينزل مره ثانيه يخوفني
قلت طلع بطاقتك اشوفها وسرت اصيح عليه. بعدها الاخ شرد ومع الربكه لان زوجتي معي نسيت اخذ رقم السياره

المهم من نظره سريعه على القصه. تعرف انه يوم سألني اذا نحن رومانين ولا لا. على طول تعرف ان وراها نصبه لان وين الرومانين ووين اشكال العرب او الخليجين.
ثاني شي عدم عرض البطاقه بصوره واضحه. تعرف انها نصبه.
ثالثا. تهديده بالسجن. اكبر نصبه لانها بغير اي سبب غير اني طلبت اشوف البطاقه الي توضح هويه الواقف امامي وهو يدعي انه من الشرطه السريه

اخواني انتبهوا ولا تكونون مخفات في مثل هذي المواقف. اي شخص شرطي ولا جيش ان شاء لازل يطلع بطاقته لك وتشوفها. واذا شكيت انها مزوره ارفض انك تعطيه اي شيء ودق علي الشرطه او اطلب من الشخص الي يدعي انه شرطي ان يدق على الشرطه وتاتي بسياره رسميه. وموقفك سليم ولاحد يقدر يعاقبك على مثل هذا الموقف

واصلا بالقانون المفروض ما يوقفون احد الا اذا عندهم معلومات انه هذا الشخص مخالف للاقامه او عنده بلاغ بمشكله.

ولا تكون مرتبك وخايف اذا صار لك مثل هذا الموقف. اطلب البطاقه واذا رفض اعطيه ابتسامه التحقير وكانك تقول موب علي. واول ما يمشي القط اللوحه واعطي المعلومات للشرطه.

واعزائي موب لازم تعرف كل موقف عشان تتجنبه. يعني السياحه بشكل عام المفروض انك تتجنب اي غريب وثانيا ما تعطي هويتك الا للي لهم الاحقيه في طلبها. وعدم حمل الكاش بمبالغ اكثر من المطلوب للاستخدام اليومي

وسلامتكم