والله حبيت اقول لكم وش صار معي في دبي ... رحنا في يوم الخميس 5/2/2004 الى دبي ثلاث اشخاص ومعنا البنيه ...يوم وصلنا وركبنا التاكسي قلت البستان لوسمحت ...(انا حاجز من هنا في البستان) سالته هو بعيد قال قبل شارقة قلت افا.... انا بصراحه ابي شئ قريب ...قلت خلني الف معه شوي حول شارع الرقة ان لقيت زين والا الحجز موجود ...لقيت شقة نظيفة في الريان ريزيدنس بس غرفة وحدة قلت ياولد امرح والصباح رباح.
من الصبح وانا طامر ادور شقة ثانيه (لازم غرفتين احنا 3 اشخاص) والله وادور شوي والقا في لورد للشقق الفندقيه واسكن فيها على طول ...قريبه مرة من الرقة ...بس ...الروس والاسيويين مالينها ...كرهتها صراحة ما تنفع لعائلة ....سلمكم الله وانا القط التلفون واتصال على الاستعلامات هناك قلت جولدن ساندز للشقق وهو يعطيني الرقم وانا اكلمهم والقا حجز (بصراحة ما ادري حتى الان وش طلع ها الاسم في راسي..مدري وين سامع عنه ..او يمكن قاري عنه في المنتدى ) يوم رحت لهم والقا الشقة شقة نظافة واستقبال حلو والموقع بعد (حول البرجمان) والناس الي ساكنه راقية .. وشغل مضبوط ..من هنا ارتحت وعرفت مكان اقدر اروح له على طول وانصح به من يبي يروح.
طبعاً انا اتمشى في العصر مهوب بس اشيل واحط في هالشناط ..كل دوارتي الصبح ...دبي لا تفوتكم .
انا عندي قاعدة يمكن تعجبكم ويمكن لا ...ما اروح لدبي الا كل سنتين ...ماشاء الله علشان يصير فيه تغيير يستاهل تعرفون دبي الحين كلها مشاريع ضخمة فا ما تشوف الفرق الا كل سنتين ثلاث.
سيتي سنتر – ميركاتو – برجمان – شارع الرقة – شارع المرقبات – سوق نايف – القرية العالمية – شارع السيف – وافي سنتر ...... كلها اماكن تستحق الزيارة... وفي المطار يعطونك كتيب صغير فية كل الفعاليات الوقت المكان والسعر ...شغل احتراف وهذا ما يميز دبي.