fm511
10-12-2022 - 07:23 pm
السلام عليكم ورحمة الله وبركاته
اولا احب اشكر جميع القائمين والمنتسبين لهذا المنتدى الاكثر من رائع
ثانيا انا هذي اول سفره لي للفلبين
وجلست اتابع المنتدى فتره واراجع المواضيع القديمه واقرا رحلات الاعضاء وتحذيراتهم
وحقيقه استفدت الشي الكثير ووصلت لمطار مانيلا وماني من اهلها ههه
عارف تقريبا جميع المطلوب مني في المطار
وبما ان سفرتي بهدف علاج الاسنان فكنت احتاج اقامه اكثر من واحد وعشرين يوم
وفعلا توجهة للمكتب الي على اليمين قبل كونترات تختيم الجواز وعطوني فيزه 59 يوم
تاخرت عندهم يمكن نص ساعه بس
وبعدها اخذت عفشي وطلعت وكنت مكلم فندق تروبيكان سويتس في مالاتي في مانيلا
وحاجز عندهم ومطلعين لي سواق مع انه بثمان مئة بيسو
بس عادي ومضمون لاني كنت متخوف من كلام بعض الاعضاء
وسكنت في الشقق وبصراحه حلوه سعر اليوم 2800 بيسو غرفة نوم وصالة جلوس ومطبخ وشغل محترم وامان بقوه
وقريبه من سوق روبنسون الشهير
والدكتور الي انا رايح له في عماره جنب روبنسون في نفس العماره الي فيها مكاتب الاستقدام
ومن يوم الاثنين وانا كل يوم اروح له يخلع ويحفر ساعتين ثلاث واموري كلها ولله الحمد تمام التمام
وهذا بفضل الله ثم بفضل هذا المنتدى الرائع
فالله يجزاكم عنى خير الجزاء
والطريف في الموضوع اني كنت معي رقم واحد اسمه محمد عراقي شغال في مطعم عشان يترجم لي عند الدكتور
دقيت عليه اول يوم وصلت ما رد
المهم انا مافيني صبر كلمت وحده من الشغالات في لفندق قل وصليني للدكتور وارجعي لاني ماكنت ادل عيادته
ورحت انا معاها ولما دخلنا العياده دخلت هيا على الدكتور شوي وهي راجعه لي
قالت الدكتور عنده واحد سعودي ولا يفهم عليه ياليت تترجم له ههه
قلت في بالي انا ادور مترجم وانتم تبوني اترجم لكم ودخلت وحصلته شيبه من نجران
وجلست اترجم له كلمه افهما وعشرين كلمه لا ههه
اتوقع اني جبت العيد في اسنانه لاني ماعاد شفته داخل العياده ههه