سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
lmar22
12-12-2022 - 09:14 am
  1. http://www.dorint.com/en/hotel-beatenberg-switzerland/

  2. الحجز من بوكنق


السلام عليكم
واحنا رايحين من بادن بادن الى انترلاكن صار لنا موقف جمميل جمميل
طبعا انا حاجزه في قرية بيتنبرغ في الجبل مرتفعه عن انترلاكن
في منتجع
Dorint Blüemlisalp Beatenberg
احنا طلعنا من بادن بادن واعطيت احداثيات المنتجع للسواق ودخله بالقارمن
طلعنا من حدود المانيا وكل شئ تمام
دخلنا على سويسرا وكل شئ تمام
وصلنا بحيرة thun
ومشينا بمحاذاتها
شوي شوي بداء الطريق يضيق اكثر واكثر
احنا سيارتنا فان كبيره
والطريق ضيق
الطريق مو مهئ ابدا
ماله سور
الطريق كان مرعب مرا مرا
والمصيبه الكبرى لما تجي سيارا بتمر
الطريق بس مسار واحد وضيق
مرا كان موقف صعب
وامي فيها فوبيا من الاماكن المرتفعه
فجاءه قالت ابنزل خلاص ابكمل مشئ تعبت
وبعد محاولات تراجعت عن رايها
بعد حرب وتعب الاعصاب وصلنا الفندق
دخلنا وجيهنا صفراء وتخوف
انا ع طول رحت للرسبشن
قلت لها ايش هذا الطريق المرعب لو ادري ماكنت حجزت
وماما قالت انا ماراح ارجع من نفس الطريق اطلبو لي هيلكوبتر
هي ارتاعت قالت من وين جايين قلت لها
جلست هي تهزئني تقول اصلا الطريق مو مهئ
وفيه طريق ثاني اوسع ومهئ
عملنا تشك ان ودخلنا الشقه وكانت جمميله مرا وواسعه
ارتحنا شوي بعدين نزلنا انا وابوي نتاكد من الطريق الثاني اللي تقول عنه
طبعا المنتجع يعطيك خصم ع تذاكر الباص اللي ينزل لسنتر انترلاكن
ركبنا الباص ونزلنا لانترلاكن وصح كلامها كان الطريق واسع ومايخوف ابدا
الحمدلله ارتحنا بعدها
الطريق الصح اللي يطلع من انترلاكن
المهم اللي كنت ابقوله انتبهو انتبهو انتبهو لما بتروحون لا تعتمدون ع القارمن او السواق
اسئلو واسئلو ولو تكلمون الفندق احسسن
بعد الموقف الجميل ابحكي لكم عن المنتجع والقريه
المنتجع او الفندق كبير وجمميل
فيه لوبي كبير وفيه واي فاي فري
مسبح
فيه نادى للاطفال يرسمون ويتسلون فيه
فيه العاب ونطيطات للاطفال بالحديقه
مطعم المنتجع يقدم الاكل الحلال
الافطار كان جمميل ومتنوع
حجزنا كان عباره عن شقه لستة اشخاص وطفل
الشقه عباره عن دورين
الدور الاول
صاله واسعه مع بلكونه مطله ع البحيره
مطبخ فيه كل الاغراض
غرفة نوم لشخص واحد
دورة مياه
الدور الثاني
غرفة نوم فيها سرير مزدوج مطله ع البحيره
غرفة نوم فيها سريرين منفردين
وبينهم دورة مياه واسعه
بالنسبه لقرية Beatenberg
قرية هاديه جدا
فيها 2 ميني ماركت
وفيها مطعمين او ثلاث بس اللي كان مفتوح واحد ومو حلال
وفيها تلفريك يروح لقمة جبل بس مو ثلج
فيها كم فندق
اكبر منتجع Dorint Blüemlisalp Beatenberg
طبعا لما تطفش تقدر تاخذ الباص اللي ينزل كل ساعه الى سنتر انترلاكن
والمنتجع يعطيك خصم ع تذاكر الباص
انا حجزت من موقع الفندق لانه كان ارخص من بوكنق
هنا تفرجو ع صور ناس سكنو فيه وصور
http://www.tripadvisor.com/Hotel_Review-g199033-d233660-Reviews-Dorint_Hotel_Bluemlisalp-Beatenberg.html
الحجز من موقع الفندق

http://www.dorint.com/en/hotel-beatenberg-switzerland/

الحجز من بوكنق

https://www.booking.com/hotel/ch/dorint-resort-bluemlisalp-beatenberg.html?aid=1300939


التعليقات (9)
ابو درر و ناصر
ابو درر و ناصر
الف شكر على التوضيح
صراحة وصف دقيق لحالتكم اثناء الطريق واحلى شي طلب الوالد الله يحفظها هيلكوبتر
لوتكرمتي كم دقيقه تقريبا من الفندق الى انترلاكن طبعا مع الطريق الجيد ؟ وهل عادي ممكن انزل انترلاكن اكثر من مره اقصد مو مرهق الموضوع
لاني قريت كثير عن صعوبة الطريق
الشي الاخير قرأت في موضوع سابق عن نفس الفندق انه استخدام المطبخ داخل الشقه مقابل رسوم اضافيه؟ كم كانت الرسوم وهل هي يوميه او مره واحدة فقط
شكرا مره اخرى واعتذر عن الاطاله

ياسمينة ستي
ياسمينة ستي
مشكورة ع التنبيه الله يجزاك الخير
فعلا القارمن مايعتمد عليها بعض الاحيان ماتشتغل
وبعض الاحيان تعطينا طرق الله العالم عنها
الله يخلي لك الوالدة ويطول بعمرها
يعطيك العافية

lmar22
lmar22
ابو درر و ناصر
ولو بالخدمه انا :

lmar22
lmar22
ياسمينة ستي
جدا مايعتمد عليه
امين حبيبتي وربي يحفظك

swiss khlody
swiss khlody
حمدلله علا سلامتكم وشكرا للتنبيه
بس ماكانت المسافه طويله شوي من بادن بادن الي انترلاكن؟
وفعلا كلامك صحيح القارمن بعض الاوقات يخرف اذكر مره دخلنا احداثيات مكان ونروح ونرجع بنفس المكان
وبعدها صرنا نتبع اللوحات .ويعطيكي العافيه اختي.
أم خلودي

lmar22
lmar22
swiss khlody
لا مو مرا بعيده ممكن 5 ساعات

الحوسني
الحوسني
الحمدلله على السلامة ومشكور عالتنبيه وانا صار لي موقف ،،، كنت طالع من كولون الالمانية وبروح بروكسل اللي صار الطريق عطاني تقربا 160 كيلو متر بس هالطريق مب الطريق السريع طلع بين المزارع والقرى وتعرفون زحمة الطريق والاشارات المرورية وغيرها دخلنا على منطقة تغيرت فيها الشبكة من المانية الى هولندية قلت ليكون وصلنا هولندا ونحن ماندري ههه وام راشد تقول لي اسئلهم وين الطريق الى بروكسل عاد انا وقفت على اليمين وقمت اللعب في القرمن وبعدين بعد التعديل طلعنا على الطريق السريع صحيح الطريق المختصر بين المزارع والقرى اقل عن طريق السريع بس ياخذ وقت طويل ،،، حبيت اشارك هالموقف اللي صار لي والسبب القرمن وخاصة اللي ماعنده خبرة فيه.

الخلوق2
الخلوق2
اخت لمار
السبب في سلوك الجارمن هذا الطريق الوعر هو انك وضعتي احداثيات الفندق.
المفترض ادخال احداثيات المدينة(Beteanberg) ، وبعد الوصول ضعي احداثيات الفندق.
بالتوفيق

ابو حننونه
ابو حننونه
الحمد لله على السلامة
الفندق فعلا جدا رائع كان نازل فية واحد من اصحابي في شهر يوليو الماضي صراحة
فندق غاية في الجمال خاصة البلكونة واطلالتة على بحيرة ثون
حصل معكم زي ما حصل مع صاحبي جا من جنيف على احداثية الفندق
فلقيت الرجل متهول من الطريق اللي جاء معاة للفندق
فاستغربت انا جيت مع طريق سريع لانترلاكن وكان الطريق غاية
في الروعة ولا واكثر من نصفه هاي وي
امس حجزت في فندق دورنت للصيف الجاي ان شاء الله
ارسل لي بوكنق التاكيد ومعلومات عن الفندق فوجدت فقرة في كيفية الوصول
للفندق انو في طريقين للفندق واحد مغلق طول فترة الشتاء واوقات كثيرة في الصيف لخطورتة
وطريق اخر سهل ومفتوح على طول فالافضل ان يتم اتمام الأحداثية
على انترلاكن اولا القرية ومن ثم اذا وصلت انترلاكن تدخل احداثية الفندق
وهذا اللي راح اسوية ان شاء الله


خصم يصل إلى 25%