بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ابوشرف99 ابوشرف99
أنيو سيوو أنت في كوريا تقرير رحلة كوريا وجيجو
16-12-2014 - 06:44 pm

بسم الله الرحمن الرحيم

في البداية ياجماعة هادي اول مرة أكتب فيها تقرير أرجو انكم تتحملوني وراح نتعرف سوا على كوريا انشالله اكتب اسماء الاماكن صح
قبل 1/7/2012 بشهرين تقريبا او اقل قررت السفر لكن الى اين الله اعلم جلست انا وابن الخالة العزيز كجامغلي والروم ميت بتاعي ابوالند أعضاء الرحلة الموقرة ابوالند يبغا ايطاليا في الصيف وانا ابغا اسيا اما كجامغلي يقللي حط يدك على اي دولة في الخريطة وانا خويك المهم اتفقنا نروح كوريا اسبوع والفلبين اسبوع لكن الحمدلله مارحنا الفلبين لان كوريا قليل فيها 16 يوم تمينا على كوريا طبعا بحثت في المعلومات والطقس لقيت الناس ماتأيد كوريا كثير لسبب عرفته بعيد ماجيت من كوريا ان التفاهم هناك بالنجليزية صعب شوية لكن انا خويي يدرس هناك كلمته وايدني وقالي اسولك جدول مايخرش المية "حسيت انو بينصبني هههههههه"طبعا امزح هاذا ولد حارتي وخويي من الطفولة وكن ندرس سوا في الرياض ومعزبين سواالمهم قصيت التذاكر على حبيبتي الاماراتية المدينة-دبي-سيؤول-دبي -المدينة الروحة ترانزيت كان 20 ساعة واحلى ترانزيت في الحياة فندق أربع نجوم وبوفيه فطور وغدا وعشا مجاني بصراحة لاتلومني بحبي للخطوط الاماراتية اتحمست انا اكملكم

جاء يوم السفر جهزنا الشنط ادق على عبدالهادي خويي اللي في كوريا ايش نجيب معانا قال ولا شي تعالو وجيبو ملابسكم طيب الفندق قال مالكم شغل اوكي نشوف اخرتها بسم الله مطار المدينة اقلعنا الى دبي وصلنا دبي وعلى الفندق لاتنسو تأخذو الفوتشر حق الفندق من مكتب الطيران على طوول تشك ان 3 غرف للمدخنين معانا مدخن الله يشفيه المهم ابو سعدية على طول على مول دبي
انا اسف اني حاط الصور حقتنا اشوف الناس تطمس الوجه او تضع صور مافيها احد اما صورنا حنا ناقزين بكل الصورة الله يخارجنا واكرر اعتذاري

كان الوقت الصباح المهم لفلفة وفطووور الين الساعة 3 تقريبا وعلى الفندق والنومة الخنفشارية الين الساعة 11 نزلنا البوفيه تعشينا وخرجنا مررة ثانية دشرة بدبي الين الساعة 2 تروشنا وعلى المطار بالباص تبع الفندق

طبعا المفاجأة الطيارة طلعت ايرباص a380 اكبر طائرة بالعالم والله روووووووعة

مرينا من فوق جبال الهملايا




الرحلة مدتها تقريا 10 ساعات من دبي الى سيؤول
في الجو
طيبة ماشي حالها الوجبة
بعد ذلك تعبأة أوراق الجوازات والجمارك طبعا الناس تتفرج افلام ورامين الجوازات عليا ويضحكو عليا يقولولي انت أمير الطلعة




الوصول للمطار

لحظة الصعود من القطار الى منطقة الجوازات



أكتفي الان بالمقدمة البسيطة واكرر الاعتذتر من الجميع اول مررة أكتب تقرير
وشكرا.........





المشاركات

بو نعوم بو نعوم
أنيو سيوو أنت في كوريا تقرير رحلة كوريا وجيجو


الحمد لله على سلامتكم
شكلنا بانتظار تقرير مميز وممتع
هذا وأنت أول مرة تكتب التقرير هههههه ما شاء الله عليك
بانتظار باقي التقرير لا تتأخر علينا


ابوشرف99 ابوشرف99
أنيو سيوو أنت في كوريا تقرير رحلة كوريا وجيجو


السلام عليكم عدنا
طلعنا من القطار اللي يوصل لصالة الجوازات مطار اينشون بصراحة جمييييل جدا واحمد الشقيري مسوي حلقة عنه لاتفوتكم روعة المطار بس قهر مافي صور خرجنا من الجوازات طبعا ما أدري فين راح اروح وانا الامير حق الطلعة الشباب يقولولي ها ابوشرف اقللهم ماعليكم الوضع تحت السيطرة ادق على خويي اللي في سيؤول الجوال مقفل رحنا فيهااا الله يستر المهم دقيت كم مرة الين شبك الجوال
انا:الو
عبدالهادي:الو
انا:وينك
عبدالهادي:انا والله مشغول في العمل
انا : افاااا علومك تغيرت ياواد
عبدالهادي :اقول اركب تكسي وخلني اكلمه واشرحلك الوضع بعدين
المهم ركبنا التاكسية مؤنث لاننا ركبنا مع عجيز هههههه




المهم لمن قابلته وبعد الاحضان كان بيجلو كف ماشي 200 بس لمن شرحلي الوضع سامحته
وصلنا لمنطقة ايتوان وعلى طوول على مطعم دبي جيعاااان



المهم تعشينا وكان مشوار قريب الساعة ونص ساعتين وخويي كان بسيارته قال يلا على السكن في سكن جامعتهم في طرف سيؤول مشوار بعيد ومطططر ورعد كان الوضع يخوف دخلنا بوابة الجامعة ووقفنا سيارتنا عند السكن ونزلنا العفش ونوووم وهاذي صور السكن في الصباح التالي



انا وابو الند عالسرير وكجا على الارض صحيت ولا مافي احد في الغرفة ليييه ياعيال ازعجتهم شخيير انا ما أشخر بس مع التعب وتغير الجو رجالة تشخر نكمل



اريكة ابوالند
من الدور18



هاذا السكن احنا في اخر دور


قاعد اصور من السيارة ونحن متجهين الى ملعب كأس العالم وقابلت اللطيف ده





منتخبنا اليوم وخر عن طريقه







قابلنا قروب صيني صورنا لين حسيت اني مشهور والصراحة اغتريت وحسيت اني حلو هههههههه



قاعدين يصورونا كائنات غريبة وهنا تصورنا معهم انا وابوالند
ثنتين


وبعدها روحنا الى متحف حربي وبعدها غداء في مطعم البتراء مررة طعم
بعدين تسوقنا شويتين في منطقة كننام الرائعة اللي اغنية كننام ستايل عنها انشالله اجد لها صور

يتبع
ارجو منكم تقييمي في التقرير عشان اعرف انا ماشي صح ولا غلط
واشكر بونعوم على تشجيعه


الحوسني الحوسني
أنيو سيوو أنت في كوريا تقرير رحلة كوريا وجيجو


يعطيك العافية ابو شرف بداية حلوة وصور احلي ومتابع وياك اول باول باذن الله
من الموبايل


ابوشرف99 ابوشرف99
أنيو سيوو أنت في كوريا تقرير رحلة كوريا وجيجو


اليوم الثالث

الذهاب الى نامي سوم (جزيرة نامي)
الجزيرة تبعد عن سيؤول حوالي ساعة ونصف صحينا من بدري الصباح الساعة 7 وركبنا سيارتنا وعلى دانكن فطرنا وبعدين على الجزيرة هذه الجزيرة جميييلة جدا فيها الالعاب المائية مرررة جنان راح احط صورها وفيها تم تصوير مسلسل كوري معرووف طبعا انا ماأعرفها لكن لمن العيلة شافو الصورة اللي حاطينها بالجزيرة قالولي اسمه اغاني الشتاء الجزيرة تقع في نهر الهان تتميز بطريقة الذهاب اليها راح تشوفو كيف انشالله

بعد الفطور توجهنا الى الجزيرة





زحمة الطريق لانو ويك اند ونزلت اطلق رجيلاتي طبعا سيارتنا الحلوة الحمرا هههههه





بعد اول لعبة بحرية تعبانين شوية

اول لعبة لعبناها هاذي يسحبها قارب سررريع مررة حلوة




بس اللي كنا راكبيناه رباعية لاننا اربعة حنا



بعدين ركبنا الموزة كلكم تعرفوها اكيييد بس في حاجة اسمها فلاي فيش روووووعة اتركم مع الصور





صورة بعد الحماس وحنا بنعرفش



بعدين رحنا للجزيرة في الضفة الاخرى هناك طريقتين للذهاب للجزيرة

الاولى :بالعبارة وذي الطريقة السهلة
الثانية :حماااااااااس عبارة عن برج تطلعة بمصعد مرررررررة عالي وتنزل منه بكرسي مربوط بواير بالطرف الاخروتركب الكرسي يربطوك فيه وينفك الباب وعيونك ماتشوف الا النور



هاذي الصورة عند النزول والله مرررة خطيرة واللي يروح كوريا لايفوتها





سارعية للمجد والعلياء



الحرم النبوي الشريف لباااا المدينة





استراحة محارب






الوووووو ازيك يامممما وازي القماعة هههههههههههه



وهاكذا خلصنا يومن الثالث الغدا كان في مطعم كوري رز على مكرونة على اي شي في الدنيا المهم مع الجوع يناكل
بعدين رحنا مطعم باكستاني في منطقة انسان مانصح فيه لسبب انه في منطقة تخوف بس لازم احد يعرف المنطقة زين ونمنا

نلتقي في اليوم الرابع









bobe22 bobe22
أنيو سيوو أنت في كوريا تقرير رحلة كوريا وجيجو


الحمد لله على سلآمتكم أخوي ..
تقرير من بدآيته ممتع ..
متآبعين معآك ..


سوسو الصغيرة سوسو الصغيرة
أنيو سيوو أنت في كوريا تقرير رحلة كوريا وجيجو


هههههههههههههههه


تقرير فكاهي من بدايته ...


نستنى باقي التقرير ...


الحوسني الحوسني
أنيو سيوو أنت في كوريا تقرير رحلة كوريا وجيجو






هههههههههههههه الله يعنيكم الكفة شكلها رجحت بينكم ،،، تقرير روعة والصور اروع بصراحه ومتابع وياك من القلب ابو شرف


إإيجابي إإيجابي
أنيو سيوو أنت في كوريا تقرير رحلة كوريا وجيجو


تقرير جدا رائع
ارجوا مواصات التقرير
والحمد لله على السلامة الوصور


Usas Usas
أنيو سيوو أنت في كوريا تقرير رحلة كوريا وجيجو



تقرير جميل وصور رائعة ,,, متابع معاك



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

أنيو سيوو أنت في كوريا تقرير رحلة كوريا وجيجو