السلام عليكم ورحمة الله وبركاته امس ولله الحمد وصلت من اسطنبول واستمتعت بشتاءها وثلوجها ولله الحمد
نصيحة لكل المسافرين موقف امس صار لنا على الخطوط السعودية رحلتنا كانت واحنا جاين كان الشنط خفيفة طبعا الوزن المسموح للشخص 32 كيلو وكانت معانا شنطتين وحطه 23 ووحده 7 كيلو وتعرفو التسوق وماادراكم ماتسوق سرااب
المهم رجعنا ومعانا 3 شنط طبعا كنت حاطه شنطة جوات وحده عشان عارفة نفسي كانت وحده 42 ووحدة 27 ووحده في يدنا 7 كيلو مارضيو يمشو الشنطة
قلهم زوجي ادفع فرق السعر مو مشكلة مارضيو قالو مو مسالة فلوس لازم ماتتعدى 32 ولازم نشتري شنطة ونفرغها
وللاسف رحنا اشترينا شنطة وفتحنا الشنطة وفرغنا منها 8 كيلو عشان يمشي حالها صراحة الموقف مره فشلنا لاننا كل شوي نعبي الشنطة وتقول لنا لسه باقي بس مو عارفة دفعونا على الشنطة اللي جبنها في الوزن والا لا حبيت انبه الكل وخصوصا النساء عشان ماينسو نفسهم في التسوق ويحطو في بالهم ذا الشي واغلب الفنادق فيها ميزان اوزنو افضل كان في فندق في غرفتنا بس ماجاء في بالي نوزنها وصراحة ماتوقعت تزيد ذا كله