الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
11-12-2022 - 08:24 pm
هلا فيكم وشخباركم
في اول شهر اكتوبر .....قررنا نجرب مطعم سمعنا عنه وايد
مطعم للاكلات الايرانية وهو
جولنار
موجود مع مجموعة المطاعم عند موفنبيك البدع وبالتحديد مقابل فرايديز
رحنا المطعم والا خالي ما فيه احد الا العمال مافيه زباين
حفنا انه يكون الاكل مو تمام مثل ما سمعنا قال ابوحسين مدامنا متعنين له خلاص بنجربه
المهم دخلنا وتعالوا معانا شوفو التجربة معانا واول شي سامحونا التصوير ليلي وبالايفون
واجهة المطعم

وهذا فرايديز مقابل له

وهذه ديكورات المطعم من الداخل

الاطباق على طاولتنا

وهذه الضيافة الايرانية المعروفة وصلت

والخبز الايراني اللذيذ وهو حار

الماي والكاس المعوج اللي عقد ابوحسين ههه

وهذه شاشة تعرض عليها الاطباق المختص فيها المطعم
واحنا نشوفها ونجوع زيادة

وصل طبق المقبلات باذنجان .....ما ادري نسيت اسمه كامل الطبق
بس يتكون من باذنجان ولحم مفروم
لذيذ بس انا مجربه طبق باذنجان اسمه ميرزا قاسمي الذ لانه بدون لحم وفي مطعم غاردن تلاقونه مع تقاريري

الكلينكس واسم المحل ينتظر سيد سيدهم خ

طبقي شيش طاووق مع رز بالفول الاخضر والشبنت
اكيد لذيذ مو طبقي ههه

وهذا طبق ابوحسين كباب بثلاثة انواع من الرز

معلومة لكم انا من طبعي ما أقدر آكل بدون ما اشرب اول شي
واذا مطعم احب ابلش بالبيبسي وهني تاخر علينا شوي
بس الحمدلله جابوه بعد ما صورت الاطباق

للحين الطاولات فاضية
بس في عايلة بعد رجل وزوجته دخلوا ورانا وراحوا فوق

وهذه الشاشة عجزت اصورها واضحة ما كو
الاطباق فيها تشوق

وهذا المطبخ مفتوح على الجلسات

المطعم جديد ونظيف واكله وايد لذيذ
السعر ناسية كم بس اعتقد 12 دينار وشي
التجربة حلووة ولذيذة ......واتمنى انكم تجربونه
الى اللقاء في تقرير اخر


التعليقات (9)
توبليرون
توبليرون
ليش مستحيل يظل تقرير يوم كامل بدون مشاهدة
خلاص ابطل اعمل تقارير يعني

Usas
Usas
ماشاء الله تقريرك روعة عن المطعم والاكل يفتح النفس
تسلمين وبإنتظار جديدك

ارمـــ ARMANI ـــاني
ارمـــ ARMANI ـــاني
ياسلام عليك
ورجعت اختي توبليرون لسابق عهدها
عليكم بالعافيه وصحتين لى قلوبكم
هذا حبيبي تصدقين عاد اذا مافيه بيبسي مااكل شيء خلاص صرت مدمن

واصلي ابداعك
اخوك : https://artravelers.com

توبليرون
توبليرون
Usas
تسلم اخوي ويسلم احبابك يا رب
وان شاءالله يعجبك الياي
شكراا لمرورك الرائع

توبليرون
توبليرون
ارم ARMANI اني
اشرايك بالانتاج الخاص لام حسين
اهداء من اخ عزيز في منتدى اخر

ياسمينة ستي
ياسمينة ستي
ماشاء الله تبارك الرحمن
عليكم بالعافية
البدع كله مطاعم وكافيهات تستاهل الزيارة
صور الاكل والبيبسي يمي يمي الله يسلم الايدين
ويعطيج العافية يالغالية

ابوحمد.
ابوحمد.
بالعافيه ام يوسف
لاتعصبين الناس باجازه

فيصل
فيصل
اهم شيء الباذنجان ام حسين بالطلبات
المطاعم الايرانيه رائعه حقيقه
لا هنتي

شذى_الورد
شذى_الورد
بالعافية يارب
تسلم ايدينج على هيك تقرير يام حسين >>


خصم يصل إلى 25%