- بالنسبه للتنقلات داخل المدن عندك خيارات كثيره..
بسم الله الرحمن الرحيم
هذا اول موضوع لي في العرب المسافرون .. ان شاءالله يكون مفيد لكم مثل ما استفدت منكم..
اول شي قررنا السفر قبل شهرين من الموعد المحدد..كنا 5 اشخاص.. بدينا بعمل الاجراءات الاساسيه وهي:
1) التأشيره :اتفقنا مع مكتب لاستخراجها وكان المطلوب ( جوازالسفر.. اقل شي يكون باقي على نهايته 6 شهور، صور 3x4 ، كشف حساب بالبنك، خطاب من العمل) سلمناها للمكتب قبل السفر بشهر ونص لكن توهقنا لان السفاره الاسبانيه وقفت استقبال الطلبات لفتره.. فقررنا نطلعها من السفاره الفرنسيه بعد ماتأكدنا انه مايحتاج الدخول لفرنسا اولا بعدين اسبانيا والحمدلله خلال اسبوع طلعت التأشيرات
2) حجز التذاكر: كان عن طريق الخطوط السعوديه لخمسه اشخاص حوالي 23 الف ( كان ممكن يكون السعر اقل بكثير لو حاجزين بدري..لكن ماتم الحجز الا قبل السفر بشهر للأسف) مسار الرحله ..الرياض-جده-ميلانو ترانزيت ساعه-مدريد والعوده نفس الشي
3)حجز الفنادق: كان عن طريق booking وافضل شي تقرا تعليقات وتقييم الخليجين او العرب له ولاتعتمد على الصور لانها تخدع
4) رخصه قياده دوليه
الرحله كانت بإجازه عيد الاضحى من 20 اكتوبر الى 3 نوفمبر..مقسمه كالتالي: مدريد يومين..برشلونه 5 ايام.. ملقا 3 ايام ومنها رحنا بالسياره لغرناطه..ومدرييد يومين
الجو: بهالفتره كان بدايه برد يعني وصلت درجه الحراره اخر الايام الى 5 درجات مئويه..
التنقلات: من مدريد الى برشلونه عن طريق القطار مسافه ساعتين ونص ..والحجز كان اونلاين من موقعهم renfe بعد الحجز تطبع تأكيد الحجز ويكون فيه كود وهو نفسه اللي تستخدمه لركوب القطار
- من برشلونه الى ملقا كان بالطياره والحجزاونلاين من طيران فولنق vueling مده الرحله ساعه ونص
- من ملقا الى غرناطه بالسياره مده ساعتين تقريبا.. استأجرنا السياره من موقع يوروب كار europcar استلمناها من مطار ملقا وسلمناها في محطه القطار السريع
بالنسبه للتنقلات داخل المدن عندك خيارات كثيره..
اولها التاكسي..لكن ماانصح فيه اولا لانه غالي ثانيا ماتحتاجه بوجود وسائل ثانيه..مااستخدمناه الا بالروحه للمطار عشان المسافه بعيده شوي وغير ان الشنط زادت بالرجعه
- المترو..كان الاعتماد عليه اكثر في مدريد وبرشلونه خصوصا للاماكن البعيده شوي والي ماتوصل لها بالمشي والخرايط سهله وواضحه فيه بإمكانك استخدام
- الباص وسعره مثل المترو 1.5 يورو للتذكره الوحده
واخر شي عندك المشي يظل افضل شي لانه يعطيك فرصه تشوف كل شي برواق واذا تعبت تقدر تريح وتاخذ كوفي
هذا مجرد موجز بسيط عن الرحله .. بالجزء الجاي ان شاءالله ابدا معكم كل يوم بتفاصيله
لا هنت
وبالانتظار