الحقيقه بحثت في بوكنج لكن الأسعار جدا مرتفعه من فوق ال 500 في اليوم خصوصا اني ماراح أجلس فيه كل التمشيات بررا والأجواء حلوه حاليا في الخارج
ياليت من الإخوان اللي عنده فكره عن شقق معينه اقتصاديه ونظيفه يساعدنا وأكون له من الشاكرين وما تقصرون جميع الله يجزاكم خير .

اكيد الاسعار مرتفعه والسبب انك تبي تجحز متأخر ..
رأيي انك تحجز الحين ل بعد اسبوعين تقريبا .,., تكون الاسعار اقل نوعا ما

سؤال .. الحجز كم ليلة ؟؟

أشكر لك مرورك ,,,
عزيزي أنا مشيك حق أسبوعين قدام والحقيقه أسعار غير طبيعيه خصوصا اني طالع ويكند وغير محسوبه إجازه كمصروف
وأنا مطلبي شقه صغيره بغرفه زي نظام الشقق المفروشه تجي رخيصه واقتصاديه للمسافر البسيط
فاللي يعرف لا يبخل علي ودي بزياره لقطر تروها عزيزه على قلبي والله
وهل ممكن مثلا اني ادخل وادور في الشقق المفروشه في نفس يوم الوصول هل هي متوفره ؟؟

المحترم/ ha3433
حياك الله .. وأسعد الله مساءك بكل خير
سكنت قبل سنة ونص في فندق الماسة وكان جداً مناسب ( مقابل تكلفته اليومية وكان ب 250ر.ق ) ويقع قريب جداً من متحف قطر الوطني
موقع متحف قطر الوطني على الخارطة ( هنا http://maps.google.com.sa/maps?q=%D9%85%D8%AA%D8%AD%D9%81+%D9%82%D8%B7%D8%B1+%D8%A7%D9%84%D9%88%D8%B7%D9%86%D9%8A&hl=ar&ie=UTF8&ll=25.28727,51.548345&spn=0.002959,0.005686&safe=on&hq=%D9%85%D8%AA%D8%AD%D9%81+%D9%82%D8%B7%D8%B1+%D8%A7%D9%84%D9%88%D8%B7%D9%86%D9%8A&t=m&z=18 )
رقم تلفونهم ( 009744414222 ) وتكلفته بإذن الله ما يزيد عن 400ر.ق للغرفة الواحدة
وللإحاطة/ يقع بجوار الفندق عدد من الفنادق بإذن الله تكون أسعارهم متقاربة
وإليك كذلك ما تم إقتباسة من مشاركة العضو/ خطاب2 عن فندق السراج
( السراج للشقق الفندقية الواقع على طريق سلوى خلف مفروشات البوقنان رقم تلفونهم (44582811-974+)
علما ان سعر الغرفة 250 ريال ولا ادري هل عندهم شقق فيها اكثر من غرفة ولا لا )
أتمنى أني قدمت شي يخدمك وتروح وترجع بالسلامة يالغالي