اسبانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بش مهندسة اسمه
18-11-2022 - 10:45 pm
ابا اسافر في شهر ديسمبر.. لان بعدين ببدء اداوم وما اقدر اخذ اجازة لين السنة الجاية..
و عندي طفلي 6 شهور الله يخليه لنا فديته.. وما اقدر اخليه.. ادري وايد ناس بيقولون تعب وجي بس بالنسبة لي ما اقدر اخليه
بشيله معانا او ما بسافر
اريد اقتراحاتكم
طبعا بشيل الجاري(العربة) ان شاء الله ويانا وبلفه بالصوف وبغطيه عدل..وهو يحتاج حليب كل ساعتين و تغير حفاظ كل 3 ساعات.. هذا اول بيبي حقي و متعودة اشيله المولات لكن سفر اول مرة ..
لازم احط في بالي بعض الاشياء مثل :
بلدة مافيها امراض وغبار وجو فاسد
بلدة ما فيها امطار طول الوقت لان العربة بتبلل وبيخرب كل شي
بلدة برودتها معتدله مش برد قارص
بلدة مافيها تحركات وايد لان معانا العربة وبتكون حركتنا بطيئة يعني مش كل ساعة شيل وحط
بلدة شوارعها معبدة مش كل ساعة العربة تتخرطف وتتحول الرحلة الى بهدلة
انا و زوجي نحب اوروبا و الحين فكرت في هذه الفترة بيكون شتاء ومفكرين نسافر لاسبوعين بس
الحين عطوني اقتراحاتكم واراءكم..
زوجي يحب لندن لانه عارفنها عدل وقال بتكون فترة تنزيلات نهاية السنه وفرصة نشتري .. لكن بيكون برد وايد صح؟ اقول نروح لندن واغطي الولد عدل عشان ما يمرض لكن بيكون ثلج اخاف ما بيتحمل .. شو رايكم؟
زلامسي .. خواتي راح ها وقالوا حلاتتها بالصيف .. ما ادري .. مع اني احب الريلاكس
النمسا ؟ و جنيف؟ المانيا ؟
فرنسا ما اباها لان نشروا صور للرسول عليه الصلاة والسلام .. ما احبهم
ايطاليا جوها زين بالشتاء مش قارص بس يقولون مستوى النهر مرتفع و شوي وسخة ؟ وطرقها مش مستقيمة يعني مش مريحة للعربة فقلت استبعدها احسن
الحين فكرت في اسبانيا .. شو رايكم؟ هل تناسب ؟ شفت كمن صورة عجبتني ..


التعليقات (3)
الليل و النهار
الليل و النهار
السفر مع الاطفال متعب أكيد ... عن تجربة
بس مو مستحيل
على العموم اسبانيا دولة مناسبة للسفر ...

نغم  الحياه
نغم الحياه
مرحباً أختي الله يكون بعونك أن شالله....انا ساكنه لندن والحين أكلمك من إسبانيا رحله عشر أيام وعندي بنتين توأم سنه ونص الله يحفظهم ويحفظ غاليك
لندن فرق أبرد وراح تكون ثلوج أن شالله انا اقترح عليك الجنوب الإسباني تجلسين فيه فتره طويله جووه كثير عجبني خاصه للأطفال والرحلة مختلفه عن باقي العالم تعيشين جو فيه شجون قوه المسلمين وتاريخهم ....بالنسبه للمطر لازم يكون معاك البلاستيك حق العربانه تحصلينه عند مذركير راح يساعدك كثير وشي مهم للبيبي مااعرف ايش اسمه الصراحه الي هو تدخلينه في البيبي بالكامل وتسكرينه بسحاب أن شالله بيحفظه من البرد خاصه انه عمره ست شهور بسم الله عليه أحلى عمر مايتحرك ولايبغى ينزل يعني أن شالله مايتعبك....
أتمنى أن أفدتك

بش مهندسة اسمه
بش مهندسة اسمه
هلا والله الليل والنهار و نغم الحياة مشكورين على الرد فديتكم
للاسف مابنروح اسبانيا مع ان كان خاطري اروح واحسها مناسبة في هالفترة
خلاص ان شاء الله بنروح لندن لان الوقت قصير وماعندنا فيزا لاسبانيا والشي الثاني هو ان نحن نسافر على الاتحاد وتفاجات ان طيران الاتحاد مافيه رحلات دايركت لاسبانيا لازم ترانزيت !! تستوي الرحلة وايد متعبة وطويلة
طبعا للحين ما طلعنا فيزا للبيبي و انحكرت مع الدوام ومضطرة التزم بالاجازة الي جي!! حتى ما بلحق على فترة التزيلات
يالله .. ان شاء الله نستانس.. بنروح ناكل و نمتن وراجعين ان شاء الله


خصم يصل إلى 25%